94
a) Turşuların maqneziumla qarşılıqlı təsiri. Sınaq şüşəsinə 1ml xlorid (sulfat
turşusu məhlulu) turşusu tökün, içərisinə maqnezium yonqarı atın. Nə baş verir?
Reaksiyanın xarakterini qeyd edin.
b) Turşuların alüminiumla qarşılıqlı təsiri. Sınaq şüşəsinə 1ml xlorid (sulfat)
turşusu tökün.
Alüminiumun oksid təbəqəsini qaşımaq lazımdır. Bunun üçün alüminium
dənələrini sumbata kağızı ilə sürtmək lazımdır (Çalışın nümunəni əlinizlə
götürməyin). Təmizlənmiş alüminium parçasını tez içərisində turşu olan sınaq
şüşəsinə salın. Nə baş verir? Reaksiyanın xarakterini qeyd edin. Müşahidəni təsvir
edin. Əvvəlki reaksiyanın xarakteri ilə müqayisə edin.
c) Turşuların sinklə qarşılıqlı təsiri. Sınaq şüşəsinə 1ml xlorid (sulfat turşusu
məhlulu) turşusu tökün, içinə sink dənələri atın. Nə baş verir? Reaksiyanın xarakterini
qeyd edin. Müşahidəni təsvir edin. Əvvəlki reaksiyanın xarakteri ilə müqayisə edin.
d) Turşuların dəmirlərlə qarşılıqlı təsiri. Sınaq şüşəsinə 1ml xlorid (sulfat
turşusu məhlulu) turşusu tökün, içərisinə dəmir parçası atın. Nə baş verir?
Reaksiyanın xarakterini qeyd edin. Müşahidəni təsvir edin. Əvvəlki reaksiyanın
xarakteri ilə müqayisə edin.
e) Turşuların mislə qarşılıqlı təsiri.Turşu məhluluna mis məftil parçası salın.
Nə baş verir? Nəticə çıxarın, misə qarşı hər iki turşunun münasibəti eynidirmi?
sualına cavab verməyə çalışın.
f) Metallarla turşuların qarşılıqlı təsir məhsulunda duzun aşkar edilməsi.
Maqneziumun xlorid turşusu ilə reaksiyasından qalan məhluldan bir neçə damcı təmiz
quru sınaq şüşəsinə tökün. Spirt lampası alovunda suyu tam buxarlananadək ehtiyatla
qızdırın. Sınaq şüşəsinin divarlarında nə qalır?
g) Turşuların əsasi oksidlərlə qarşılıqlı təsiri. Sınaq şüşəsinə bir qədər
mis(II) oksid tozu tökün və 1 ml 5%-li xlorid (və ya sulfat turşusu məhlulu) turşusu
əlavə edin. Sınaq şüşəsini tutqacda bərkidin və spirt lampasında ehtiyatla qızdırın.
95
Məhlulun rənginin dəyişməsinə görə misin həll olan duzunun əmələ gəldiyini
söyləmək olar.
Təcrübə 3. Qüvvətli turşuların zəif turşuları onların duzlarından
sıxışdırıb çıxarması.
a) Stəkanda sabun məhlulu hazırlayın (şərti olaraq qəbul edək ki, sabun –
natrium-stearatdır). Buraya 2-3 ml 5%-li xlorid turşusu məhlulu əlavə edin. Nə baş
verir? Hansı nəticələr çıxarmaq olar? Reaksiyanın tənliyini yazın.
b) Natrium-silikat məhluluna 2-3 ml 5%-li xlorid turşusu məhlulu əlavə edin.
Nə baş verir? Hansı nəticələr çıxarmaq olar? Reaksiyanın tənliyini yazın.
4-cü iş. Duzlar, alınması və xassələri.
Ləvazimat və reaktivlər: sınaq şüşələri; 10%-li duz məhlulları: natrium -
karbonat, natrium- sulfit, mis(II)sulfat, dəmir(III)xlorid, barium- xlorid, sulfat turşusu
məhlulu (və ya xlorid turşusu), natrium hidroksid məhlulu, sink pqrçası və ya dəmir
düyməcik, mis parçası, universal lakmus kağızı.
Oksid, əsas və turşuların xassələrinin öyrənilməsində, duzların alınmasına aid
təcrübələri yada salın və reaksiya tənliklərini yazın.
Təcrübə 1. Duzların xassələri.
a)
Duzların turşularla qarşılıqlı təsiri. Sınaq şüşələrinə duz məhlullarının hər
birindən 1 ml tökün və üzərlərinə tanıdığınız turşu məhlullarından əlavə edin.
Reaksiya gedən sınaq şüşəsinin ağzına nəm lakmus kağızını yaxınlaşdırın. Bütün
duzlar turşuların hamısı ilə reaksiyaya girdilərmi? Turşu ilə reaksiyaya girən duzlar
hansı turşulardan əmələ gəlmişlər? Turşu ilə reaksiyaya girməyən duzlar hansı
turşulardan əmələ gəlmişlər? Duzun turşu ilə qarşılıqlı təsir şərtini formalaşdırın.
Müvafiq reaksiyaların tənliklərini yazın.
b) Duzların qələvilərlə qarşılıqlı təsiri. Üç sınaq şüşəsinin hərəsinə 1 ml
mis(II)sulfat, dəmir(III)xlorid, natrium-karbonat məhlulları tökün. Hərəsinə qələvi
96
məhlulu əlavə edin. Nə müşahidə olunur? Bütün hallarda kimyəvi reaksiya getdimi?
Reaksiyaya girən duzlar hansı metalların iştirakı ilə əmələ gəlmişlər? Reaksiyaya
girməyən duzlar hansı metalların iştirakı ilə əmələ gəlmişlər? Müşahidə olunan
reaksiyaların tənliklərini yazın. Duzların qələvilərlə qarşılıqlı təsirinə dair nəticələr
çıxarın.
c) Duzların duzlarla qarşılıqlı təsiri. Üç sınaq şüşəsinin hərəsinə 1 ml mis(II)
sulfat, dəmir(III)xlorid, natrium-karbonat məhlulları tökün. Hərəsinə 0,5 ml barium-
xlorid məhlulu əlavə edin. Nə müşahidə olunur? Bütün hallarda kimyəvi reaksiya
getdimi? Müşahidə olunan reaksiyaların tənliklərini yazın. Duzların duzlarla qarşılıqlı
təsirinə dair nəticələr çıxarın.
d) Duzların metallarla qarşılıqlı təsiri. Bir sınaq şüşəsinə 1 ml mis(II)sulfat
məhlulu tökün və içinə dəmir düyməcik atın. İkinci sınaq şüşəsinə mis parçası və
dəmir(III) xlorid məhlulu əlavə edin. 5 dəqiqədən sonra təcrübələrin nəticələrinə
baxın. Hansı maddələrlə reaksiya getdi, hansılarla yox? Reaksiya tənliyini yazın.
Misin və dəmirin kimyəvi aktivliyi haqqında nə demək olar? Duzların metallarla
qarşılıqlı təsirinə dair nəticələr çıxarın.
e) Turş duzların alınması. Kiçik stəkanda natrium-karbonatın doymuş
məhlulunu hazırlayın və içərisinə Kipp aparatından karbon (IV) oksid buraxın.
Reaksiyanın tənliyini yazın.
f) Əsasi duzların alınması. İçərisində 2-3 ml mis(II)sulfat məhllulu olan sınaq
şüşəsinə bir qədər natriium-karbonat məhlulu tökün. Nə müşahidə edilir? Reaksiyanın
tənliyini yazın.
i) İkiqat duzların alınması. Sınaq şüşəsinə 2-3 ml qatı ammonium-sulfat və
bir qədər də dəmir(II)sulfat məhlulu tökün və çöküntünün əmələ gəlməsini müşahidə
edin. Əgər çöküntü əmələ gəlmirsə, sınaq şüşəsinin divarını şüşə çubuqla sürtməklə
onun əmələ gəlməsinə nail olmalı. (NH
4
)
2
Fe(SO
4
)
2
•6H
2
O tərkibli ikiqat duzun
alındığını bilərək reaksiyanın tənliyini yazın.
Dostları ilə paylaş: |