66
• uşaqların fəallığı.
Valideynlər öz uşaqlarının əqli qabiliyyətləri haqqında tərbiyəçidən məlumat
alır, onların təlim nailiyyətlərinə verilən qiyməti daha asan qavrayaraq uşağın
irəliləyişini sürətləndirmək məqsədilə tərbiyəçilərlə əməkdaşlıq edirlər. Pedaqoji şura
iclaslarında iştirak, valideyn şurasına üzvlük, məktəb həyatı haqqında söhbətlər və
birgə mütaliə kimi pedaqoji tədbirlər uşağın təhsilində valideynlərin fəal iştirakını
təmin edən çoxsaylı yollarındandır.
Ailə ilə məktəbəqədər müəssisənin birgə fəaliyyətində aşağıdakıların nəzərə
alınması tövsiyə olunur:
1.
Tərbiyəçi və valideynlərin uşaqların təlim- tərbiyəsində tərəfdaş olması;
2.
Tərbiyəçi və valideynlərin uşaqların təlim-tərbiyəsinin məqsəd və
vəzifələrini bilməsi;
3.
Tərbiyəçi və valideynlər tərəfindən uşağa kömək, hörmət və inamın
göstərilməsi;
4.
Tərbiyəçi və valideynlərin uşaqların tərbiyəsində kollektiv və ailənin
tərbiyəvi imkanlarını bilməsi, uşaqlarla birgə iş zamanı tərbiyəvi potensialdan
maksimum istifadə edilməsi;
5.
Məktəbəqədər müəssisələr və ailənin qarşılıqlı fəaliyyətinin, onun aralıq və
son nəticələrinin daim təhlil edilməsi.
Uşaq bağçalarında valideynlərlə işin səmərəli təşkili nəticəsində uşaqlarda
intellektual bacarıqlar formalaşmış olur. Praktiki olaraq bütün uşaqlar fəaliyyətin
məqsədini dərk edir, onun planını nəzərdə tutur, adekvat üsullar seçir, nəticəni
yoxlayır, işdə qarşıya çıxan çətinlikləri dəf edir və işi müvəfəqqiyyətlə sona çatdıra
bilirlər.
Ailələrlə əlaqə üçün aşağıdakı strategiyalardan istifadə edilməsi tövsiyə
olunur:
67
uşaq bağçası mühiti xaricində ailələr və uşaqlarla qarşılıqlı əlaqənin
saxlanılması;
geniş perspektivlər barədə fikrini bildirmək üçün valideynlərin
həvəsləndirilməsi;
valideynlərin məktəbəqədər təhsil müəssisədəki fəaliyyətlə əlaqəsi olan,
evdə istifadə edilməli resurslarla təmin edilməsi;
tərbiyəçilərin ailələri öyrənməsi üçün imkan daxilində ailələrə səfərlər
edilməsi və valideynlərin maarifləndirilməsi;
uşağın qayğı da daxil olmaqla sağlamlığa dair qabaqlayıcı tədbirlər və
xidmətlərlə təmin edilməsi;
həssas ailələrə diqqət yetirilməsi.
68
3. UŞAQ INKIŞAFININ İZLƏNİLMƏSİ VƏ DƏYƏRLƏNDİRİLMƏSi
3.1.Uşaq inkişafının izlənilməsi
Yeni
məktəbəqədər
təhsil
proqramının (kurikulumunun) tətbiqində
tərbiyəçilərin ən mühüm funksiyalarından biri müşahidəçi fəaliyyət göstərməsidir.
Müşahidəçi kimi funksiyanı yerinə yetirmək üçün tərbiyəçi müşahidə üçün vaxt
ayırmalı və müşahidənin aparılması üçün lazımi vasitələrə malik olmalıdır.
Uşağın inkişafının izlənilməsi üçün ən səmərəli yollardan biri təbii şəraitdə -
evdə, məktəbəqədər müəssisədə, məktəbəqədər müəssisədən kənar mühitdə uşağın
müşahidə edilməsi və müşahidə etdiklərinə dair qeydlərin aparılmasıdır.
Müşahidə və qeydlərin aparılması yolu ilə tərbiyəçilər uşaqlar haqqında məlumat
əldə edib onun fəaliyyətini planlaşdırılmalı, uşaqların ailəsi ilə paylaşmaq üçün
ondan istifadə etməlidirlər.
Müşahidə nədir? Müşahidə uşağın məşğuliyyətinə müdaxilə etmədən tərbiyəçi
tərəfindən seyr edilməsi prosesidir.
Tərbiyəçilər qeydə aldıqları davranışları dəqiq təsvir etməlidirlər. Müşahidə
olunmuş fəaliyyət və davranış nümunələri mütəmadi halda qeyd olunmalədır. Bu,
sənədləşdirmə prosesidir və uşaqlar haqqında sistemli biliklərin toplamasına şərait
yaradır. Müşahidələr sistematik halda aparılmalıdır. Sistematik yanaşma
uşaqların müəyyən müddət ərzində bir çox fərqli fəaliyyətlərdə iştirakı zamanı
onların inkişafının izlənilməsinə imkan yaradır.
3.2. Dəyərləndirmə və qiymətləndirmə
Dəyərləndirmə toplanmış məlumatların təhlili və nəticələrin çıxarılması
prosesidir.
Dəyərləndirmə nəzərdə tutulan ümumi təlim nəticələrinə nail olmaqda uşağın
əldə etdiyi irəliləyişi müəyyən etmək üçün qiymətləndirmə əsnasında toplanmış mə-
lumatlar barədə mühakimə yürütməkdən və həmin məlumatları şərh etməkdən
ibarətdir.
69
Məktəbəqədər təhsildə qiymətləndirmə uşaqların inkişafı, nailiyyətləri və
xüsusi ehtiyacları haqqında məlumatın toplaması və təhsil prosesində nailiyyətlərin
müəyyən olunmuş keyfiyyət səviyyəsinə uyğunluğunun obyektiv, etibarlı vasitələrlə
ölçülməsidir.
Yeni qiymətləndirmə sisteminin tətbiq olunmasında məqsəd təlimin
keyfiyyətini yaxşılaşdırmaq, tədris prosesinin səmərəliliyini təmin etmək, uşaq
fəaliyyətinin inkişafını izləmək və istiqamətləndirməkdən ibarətdir.
Qiymətləndirmə tədris fəaliyyətinin başlanğıc nöqtəsi və səmərəli tədris fə-
aliyyətinə, qiymətləndirmədən asılı olaraq, kurikuluma düzəlişlər edilməsinə,
uşaqların inkişafı və təhsili ilə əlaqədar ailələrlə ünsiyyətə imkan yaradan əsas
amildir. Hər hansı uşağın nailiyyətlərinin qiymətləndirilməsi həmin uşağın təlim
fəaliyyətini təkmilləşdirmək üçün nəzərdə tutulur.
Məktəbəqədər təhsil müəssisələrində üç növ qiymətləndirmədən istifadə
edilir: diaqnostik (ilkin), formativ (cari) və summativ (yekun).
Diaqnostik (ilkin) qiymətləndirmə sentyabr-oktyabr aylarında, təlim
məşğələlərinin əvvəlində uşaqların ilkin inkişaf səviyyələrini, fərdi ehtiyaclarını
müəyyənləşdirmək məqsədi ilə aparılır.
Formativ (cari) qiymətləndirmə uşaqların ümumi inkişafının müntəzəm
izlənilməsi və istiqamətləndirilməsi məqsədilə aparılır.
«Summativ» termini ingilis dilində «sum up», yəni müəyyən müddətin və ya işin
yekunu, xülasəsi deməkdir. Summativ qiymətləndirmə müəyyən müddət üzrə aparılmış
müşahidələri əhatə edən uşağın inkişafının ümumiləşdirmiş xülasəsi deməkdir. Xülasələr
yarımillik və illik hesabatlar kimi və xüsusi formatda verilir.
Summativ (yekun) qiymətləndirmə məktəbəqədər təhsil pilləsində uşaqların
ümumi təlim nəticələrinə nail olduqlarını muəyyən etmək üçün məktəbəhazırlıq qrupunda
ildə 2 dəfə (yarımildən bir) aparılır. Hər bir uşağın müəyyən müddət ərzində əldə etdiyi
nailiyyətləri ümumiləşdirmək və qiymətləndirmək, ibtidai sinif müəllimləri ilə əlaqə,
Dostları ilə paylaş: |