Azərbaycan respublikasi təhsil nazirliyi təhsil problemləri institutu
Yüklə 0,99 Mb. Pdf görüntüsü
|
- Bu səhifədəki naviqasiya:
- Inteqrasiya
- Tədqiqatın aparılması.
- Məşğələnin gedişi Motivasiya
- Tədqiqat sualı
- I qrup
- III qrup
- Məlumatin müzakirəsi.
62
Inteqrasiya:
İş forması:
Üsullar:
Resurslar. Məşğələnin mərhələləri •
Motivasiya ( problemin qoyulması). •
Tədqiqat sualı •
Tədqiqatın aparılması. •
Məlumat mübadiləsi. •
Məlumat müzakirəsi. •
Nəticə və ümumiləşdirmələr. •
Dəyərləndirmə (məşğələ boyu aparılır). Məşğələ nümunəsi. (5-6 yaş) İnkişaf sahəsi: idrakın inkişafı. Standart: 2.3.9. Ailə və vətən haqqında (dövlət rəmzləri, milli ordu, milli qəhrəmanlar, milli sərvətlər, tarixi günlər və abidələr, milli bayramlar) sadə təqdimatlar edir.
1. Dövlət rəmzlərini (bayraq, gerb və himn) sadalayır və bayrağın rənglərini söyləyir. 2. Himni oxuyur. İnteqrasiya: Estetik və yaradıcı inkişaf 3.1.1, 3.2.2; İdrak fəaliyyəti 2.1.1. İş üsulu: Əqli hücum, suallar. İş forması: Kollektivlə və kiçik qruplarla iş. 63
yapışqan, rəngli kağızlar, rəngli qələm və ya markerlər, plastilin.
Məşğələnin gedişi Motivasiya: Azərbaycan Respublikasının Dövlət himni səslənir, uşaqlar ayaq üstə dinləyərək, ifa edirlər. T.(tərbiyəçi): -Uşaqlar, dinlədiyiniz bu musiqi necə adlanır? (Uşaqların
cavabları). Bəs himnimiz barədə nə deyə bilərsiniz? U.(uşaq)- Himnin sözləri Əhməd Cavadın, musiqisi Üzeyir Hacıbəyovundur. Himn dövlətimizi təmsil edir. Onu ayaq üstə dinləmək lazımdır. T .-
Bəli, təmamilə doğrudur.
Gəlin, yazı taxtasındakı şəkilləri nəzərdən keçirək. Uşaqlar, birinci şəkildə nə görürsünüz? U. – Azərbaycan Respublikasının xəritəsini (uşaq xəritədə Azərbaycan, paytaxtı Bakı şəhəri və Xəzər dənizini göstərir). T.-Kim vətənimiz haqqında danışar? Uşaqlardan 1-2-si danışır. T.- İkinci şəkildə nə görürsünüz? (Müəllim şəkli göstərir.) U.- Azərbaycan Respublikasının üç rəngli bayrağını. Т. –Üçüncü şəkildə nə görürsünüz? (Müəllim şəkli göstərir.) U. - Azərbaycan Respublikasının gerbini.
T. - Bəli, bunlar bizim Respublikamızın dövlət rəmzləridir. Tədqiqat sualı: Respublikamızın dövlət rəmzləri haqqında nə bilirsiniz? Tədqiqatın aparılması. Tərbiyəçi uşaqları qruplara bölür və onlara aşağıdakı tapşırıqları verir: 64
içərisindən müvafiq rəngli kağızları seçib bayrağımızı hazırlayın.
verilmiş kağıza yapışdırın. Məlumat mübadiləsi. Hər qrupdan bir uşaq öz işlərini təqdim edir. Təqdimat zamanı-bayrağımızın üçrəngli-yuxarı zolağın mavi, orta zolağın qırmızı, aşağıdakı zolağın yaşıl rəngdə olduğu və qırmızı rəngin ortasında ağ rəngli aypara ilə səkkiz guşəli ulduz təsvir edildiyi qeyd olunur. Gerbin üzərində palıd budaqları, sünbüllər, qalxan təsvir olunmuş, qalxanın üzərində bayrağımız, ortada isə ulduz və alov təsvir edilmişdir.
Uşaqlar fikir mübadiləsi aparır və qruplar bir-birinin işlərinə öz münasibətlərini bildirirlər. Nəticə və ümumiləşdirmə. Tərbiyəçi yekun olaraq qeyd edir ki, bizim doğma Vətənimiz Azərbaycan, vətənimizin paytaxtı Bakı şəhəridir. Dövlət rəmzləri isə bayraq, gerb və himndir. Bu rəmzlər dövlətimizi təmsil edir. Uşaqlar ayaq üstə bir daha himni oxuyurlar. Dəyərləndirmə: Məşğələnin bütün mərhələlərində dəyərləndirmə aparılır (sonda “ulduzların” sayının balanslaşdırılması şərti ilə ulduzlardan, fişkalardan, medallardan istifadə edilə bilər). 2.4. Ailələrlə əməkdaşlıq. 65
Uşaq məktəbəqədər təhsil müəssisəsinə gələnə qədər ailədə müəyyən bilik, bacarıq və vərdişlərə yiyələnir. Ona görə də ailə uşağın ilk tərbiyəçisi hesab olunur. Ailənin uşağın ilk tərbiyəçisi kimi qəbul edilməsi gələcəkdə təlim-tərbiyə prosesinin məzmunlu qurulması, əlverişli münasibətlərin yaranması üçün vacib amildir. Valideyn və tərbiyəçilərin ümumi səyləri uşaq haqqında məlumatların əldə olunmasına, uşağın davranışı, rəftarı, münasibətləri ilə bağlı fikir və mülahizələrin bölüşdürülməsinə, ən əsası, uşağın böyüməsi və inkişafı üçün daha əlverişli şəraitin yaradılmasına yönəldilir. Ailə uşağın doğulduğu, böyüdüyü və tərbiyə aldığı ilk ictimai-mədəni ocaq olduğundan tərbiyəçilər hər bir ailənin mədəni dəyərlərinə də hörmətlə yanaşır, öz münasibətlərində bu amili diqqət mərkəzində saxlayır. Tərbiyəçilər uşaqların ailəsi və yaxınlarının demoqrafik problemləri, ailə üzvləriniin məşğuliyyəti, maraqları, idealları haqqında məlumatlar əldə edirlər. Valideynlər uşaqlarla keçirilən bütün kütləvi tədbirlərdə, təlimdə, problemlərin həllində iştirak etməyə cəlb edilirlər. Valideynlər tərbiyəçilərlə birlikdə inkişafın stimullaşdırılmasında fəal iştirak edir, səy göstərirlər. Bunun üçün, ilk növbədə, qruplarda mənimsənilən bilik və bacarıqlar ailədə möhkəmləndirilir. Belə bir qarşılıqlı əməkdaşlıq uşağın əqli fəaliyyətinin zənginləşməsinə, özünəinamın yaranmasına, nəticə etibarilə, məktəb həyatına daha rahat uyğunlaşma dövrünü keçməyə təsir göstərir. Valideynlər uşaqların təlim fəaliyyətində iştirak etdikləri təq- dirdə onların təlim nailiyyətləri yüksəlir. Belə bir əməkdaşlıq şəraitində valideynlər aşağıdakı məsələlərlə tanış olmalıdırlar: • uşaqların yaş xüsusiyyətləri; • təlim-tərbiyə işinin əhəmiyyəti; • uşaqların fəaliyyətlərini stimullaşdıran öyrədici mühitin vacibliyi; • fiziki, emosional müdafiənin təmin edilməsi, mühitin təhlükəsizliyinin zəruriliyi; Yüklə 0,99 Mb. Dostları ilə paylaş:
|