II. And içdiyi gündәn Azәrbaycan Respublikasının Prezidenti öz sәlahiyyәtlәrinin icrasına
başlamış sayılır.
M a d d ә 1 0 4 . Azәrbaycan Respublikası Prezidentinin öz sәlahiyyәtlәrini
daimi icra edә bilmәmәsi
I. Azәrbaycan Respublikasının Prezidenti istefa verdikdә, sәhhәtinә görә öz
sәlahiyyәtlәrinin icra etmәk qabiliyyәtini tamamilә itirdikdә, bu Konstitusiya ilә nәzәrdә
tutulmuş hallarda vә qaydada vәzifәsindәn kәnarlaşdırıldıqda vaxtından әvvәl vәzifәdәn
getmiş sayılır.
II. Azәrbaycan Respublikasının Prezidenti istefa verdikdә onun istefa әrizәsi Azәrbaycan
Respublikasının Konstitusiya Mәhkәmәsinә tәqdim olunur. Azәrbaycan Respublikasının
Konstitusiya Mәhkәmәsi istefa әrizәsini Azәrbaycan Respublikası Prezidentinin özünün
verdiyinә әmin olduğu tәqdirdә Azәrbaycan Respublikası Prezidentinin istefasının qәbul
olunması haqqında qәrar qәbul edir. Hәmin andan Azәrbaycan Respublikasının Prezidenti
istefa verdiyinә görә vәzifәdәn getmiş sayılır.
III. Azәrbaycan Respublikası Prezidentinin sәhhәtinә görә öz sәlahiyyәtlәrini icra etmәk
qabiliyyәtini tamamilә itirdiyi barәdә mәlumat verildikdә Azәrbaycan Respublikasının Milli
Mәclisi bu faktın aydınlaşdırılması üçün Azәrbaycan Respublikasının Konstitusiya
Mәhkәmәsinә müraciәt edir. Azәrbaycan Respublikasının Konstitusiya Mәhkәmәsi bu barәdә
qәrarı hakimlәrin 6 sәs çoxluğu ilә qәbul edir. Әgәr Azәrbaycan Respublikasının Konstitusiya
Mәhkәmәsi bu faktı tәsdiq etmәzsә, mәsәlә bununla bitmiş sayılır.
M a d d ә 1 0 5 . Azәrbaycan Respublikası Prezidenti vәzifәdәn getdikdә onun
sәlahiyyәtlәrinin icrası
I. Azәrbaycan Respublikasının Prezidenti vaxtından әvvәl vәzifәdәn getdikdә üç ay әrzindә
növbәdәnkәnar Azәrbaycan Respublikasının Prezidenti seçkilәri keçirilir. Bu halda Azәrbaycan
Respublikasının yeni Prezidenti seçilәnәdәk Azәrbaycan Respublikasının Prezidenti
sәlahiyyәtlәrini Azәrbaycan Respublikasının Baş naziri icra edir.
II. Bu müddәt әrzindә Azәrbaycan Respublikası Prezidentinin sәlahiyyәtlәrini icra edәn
Azәrbaycan Respublikasının Baş naziri istefa verdikdә, sәhhәtinә görә öz sәlahiyyәtlәrini icra
etmәk qabiliyyәtini tamamilә itirdikdә Azәrbaycan Respublikası Prezidentinin sәlahiyyәtlәrini
Azәrbaycan Respublikası Milli Mәclisinin sәdri icra edir.
III. Bu maddәnin II hissәsindә göstәrilәn sәbәblәrә görә Azәrbaycan Respublikası
Prezidentinin sәlahiyyәtlәrini Azәrbaycan Respublikası Milli Mәclisi sәdrinin icra etmәsi
mümkün olmadıqda Azәrbaycan Respublikasının Milli Mәclisi Azәrbaycan Respublikası
Prezidentinin sәlahiyyәtlәrinin başqa vәzifәli şәxs tәrәfindәn icrası haqqında qәrar qәbul edir.
M a d d ә 1 0 6 . Azәrbaycan Respublikası Prezidentinin toxunulmazlığı
Azәrbaycan Respublikasının Prezidenti toxunulmazlıq hüququna malikdir. Azәrbaycan
Respublikası Prezidentinin şәrәf vә lәyaqәti qanunla qorunur.
M a d d ә 1 0 7 .
Azәrbaycan Respublikası Prezidentinin vәzifәdәn
kәnarlaşdırılması
I. Azәrbaycan Respublikası Prezidentinin vәzifәdәn kәnarlaşdırılması tәşәbbüsü
Azәrbaycan Respublikasının Prezidenti ağır cinayәt törәtdikdә Azәrbaycan Respublikası
Konstitusiya Mәhkәmәsinin tәşәbbüsü ilә Azәrbaycan Respublikası Ali Mәhkәmәsinin 30 gün
müddәtindә verilәn rәyi әsasında Azәrbaycan Respublikasının Milli Mәclisi qarşısında irәli
sürülә bilәr.
II. Azәrbaycan Respublikası Milli Mәclisinin deputatlarının 95 sәs çoxluğu ilә qәbul
olunmuş qәrar әsasında Azәrbaycan Respublikasının Prezidenti vәzifәdәn kәnarlaşdırıla bilәr.
Bu qәrarı Azәrbaycan Respublikası Konstitusiya Mәhkәmәsinin sәdri imzalayır. Azәrbaycan
Respublikasının Konstitusiya Mәhkәmәsi hәmin qәrarın imzalanmasına bir hәftә әrzindә
tәrәfdar çıxmazsa, qәrar qüvvәyә minmir.
III. Azәrbaycan Respublikası Prezidentinin vәzifәdәn kәnarlaşdırılması haqqında qәrar
Azәrbaycan Respublikası Konstitusiya Mәhkәmәsinin Azәrbaycan Respublikasının Milli
Mәclisinә müraciәt etdiyi gündәn başlayaraq 2 ay әrzindә qәbul olunmalıdır. Bu müddәtә
göstәrilәn qәrar qәbul edilmәsә, Azәrbaycan Respublikasının Prezidentinә qarşı irәli sürülmüş
ittiham rәdd edilmiş sayılır.
M a d d ә 1 0 8 . Azәrbaycan Respublikası Prezidentinin tәminatı
I. Azәrbaycan Respublikasının Prezidenti vә onun ailәsi dövlәt hesabına tәmin edilir.
Azәrbaycan Respublikası Prezidentinin vә onun ailәsinin tәhlükәsizliyini xüsusi mühafizә
xidmәtlәri tәmin edir.
II. Әvvәllәr Azәrbaycan Respublikasının Prezidenti seçilmiş şәxsin tәminatı qaydaları
Konstitusiya qanunu ilә müәyyәn edilir.
[22]
M a d d ә 1 0 9 . Azәrbaycan Respublikası Prezidentinin sәlahiyyәtlәri
[23]
Azәrbaycan Respublikasının Prezidenti:
1) Azәrbaycan Respublikasının Milli Mәclisinә seçkilәri tәyin edir;
2) Azәrbaycan Respublikasının dövlәt büdcәsini Azәrbaycan Respublikası Milli Mәclisinin
tәsdiqinә tәqdim edir;
3) dövlәt iqtisadi vә sosial proqramlarını tәsdiq edir;
4) Azәrbaycan Respublikası Milli Mәclisinin razılığı ilә Azәrbaycan Respublikasının Baş
nazirini vәzifәyә tәyin edir; Azәrbaycan Respublikasının Baş nazirini vәzifәdәn azad edir;
5) Azәrbaycan Respublikası Nazirlәr Kabinetinin üzvlәrini vәzifәyә tәyin vә vәzifәdәn azad
edir; zәruri hallarda Azәrbaycan Respublikası Nazirlәr Kabinetinin iclaslarına sәdrlik edir;
6) Azәrbaycan Respublikası Nazirlәr Kabinetinin istefası haqqında qәrar qәbul edir;
7) Azәrbaycan Respublikasının dövlәt büdcәsindә icra hakimiyyәti üçün nәzәrdә tutulmuş
xәrclәr çәrçivәsindә mәrkәzi vә yerli icra hakimiyyәti orqanları yaradır;
8) Azәrbaycan Respublikası Nazirlәr Kabinetinin vә Naxçıvan Muxtar Respublikası
Nazirlәr Kabinetinin qәrar vә sәrәncamlarını, mәrkәzi vә yerli icra hakimiyyәti orqanlarının
aktlarını lәğv edir;