M a d d ә 1 1 4 .
Azәrbaycan Respublikası Nazirlәr Kabinetinin statusu
I. Azәrbaycan Respublikasının Prezidenti icra sәlahiyyәtlәrinin hәyata keçirilmәsinin tәşkili
mәqsәdi ilә Azәrbaycan Respublikasının Nazirlәr Kabinetini yaradır.
II. Azәrbaycan Respublikasının Nazirlәr Kabineti Azәrbaycan Respublikası Prezidentinin
yuxarı icra orqanıdır.
III. Azәrbaycan Respublikasının Nazirlәr Kabineti Azәrbaycan Respublikasının
Prezidentinә tabedir vә onun qarşısında cavabdehdir.
IV. Azәrbaycan Respublikası Nazirlәr Kabinetinin iş qaydasını Azәrbaycan Respublikasının
Prezidenti müәyyәnlәşdirir.
M a d d ә 1 1 5 . Azәrbaycan Respublikası Nazirlәr Kabinetinin tәrkibi
Azәrbaycan Respublikası Nazirlәr Kabinetinin tәrkibinә Azәrbaycan Respublikasının Baş
naziri, onun müavinlәri, nazirlәr vә başqa mәrkәzi icra hakimiyyәti orqanlarının rәhbәrlәri
daxildirlәr.
M a d d ә 1 1 6 . Azәrbaycan Respublikası Nazirlәr Kabinetinin istefası
Yeni seçilmiş Azәrbaycan Respublikasının Prezidenti vәzifәsini tutduğu vә sәlahiyyәtlәrini
icra etmәyә başladığı gün Azәrbaycan Respublikasının Nazirlәr Kabineti Azәrbaycan
Respublikası Prezidentinә istefa verir.
M a d d ә 1 1 7 . Azәrbaycan Respublikası Nazirlәr Kabinetinin iclasları
Azәrbaycan Respublikası Nazirlәr Kabinetinin iclaslarına, bir qayda olaraq, Azәrbaycan
Respublikasının Baş naziri sәdrlik edir.
M a d d ә 1 1 8 . Azәrbaycan Respublikası Baş nazirinin tәyin edilmәsi qaydası
I. Azәrbaycan Respublikasının Baş nazirini Azәrbaycan Respublikası Milli Mәclisinin
razılığı ilә Azәrbaycan Respublikasının Prezidenti tәyin edir.
II. Azәrbaycan Respublikasının Baş naziri vәzifәsinә namizәdlik haqqında tәklifi
Azәrbaycan Respublikasının Prezidenti onun öz vәzifәlәrinin icrasına başladığı gündәn bir ay
vә ya Azәrbaycan Respublikası Nazirlәr Kabinetinin istefa verdiyi gündәn iki hәftә
müddәtindәn gec olmayaraq Azәrbaycan Respublikası Milli Mәclisinin müzakirәsinә tәqdim
edir.
III. Azәrbaycan Respublikasının Milli Mәclisi Azәrbaycan Respublikasının Baş naziri
vәzifәsinә namizәdlik haqqında qәrarı hәmin namizәdliyin tәqdim edildiyi gündәn bir
hәftәdәn gec olmayaraq qәbul edir. Göstәrilәn qayda pozularsa vә ya Azәrbaycan Respublikası
Prezidentinin tәqdim etdiyi namizәdlәrin Azәrbaycan Respublikasının Baş naziri vәzifәsinә
tәyin olunmasına üç dәfә razılıq verilmәzsә, Azәrbaycan Respublikasının Prezidenti
Azәrbaycan Respublikasının Baş nazirini Azәrbaycan Respublikası Milli Mәclisinin razılığı
olmadan tәyin edә bilәr.
M a d d ә 1 1 9 .
Azәrbaycan Respublikası Nazirlәr Kabinetinin sәlahiyyәtlәri
Azәrbaycan Respublikasının Nazirlәr Kabineti:
- Azәrbaycan Respublikası dövlәt büdcәsinin layihәsini hazırlayıb Azәrbaycan
Respublikasının Prezidentinә tәqdim edir;
- Azәrbaycan Respublikası dövlәt büdcәsinin icrasını tәmin edir;
- maliyyә-kredit vә pul siyasәtinin hәyata keçirilmәsini tәmin edir;
- dövlәt iqtisadi proqramlarının hәyata keçirilmәsini tәmin edir;
- dövlәt sosial tәminat proqramlarının hәyata keçirilmәsini tәmin edir;
- nazirliklәrә vә digәr mәrkәzi icra hakimiyyәti orqanlarına rәhbәrlik edir, onların aktlarını
lәğv edir;
- Azәrbaycan Respublikası Prezidentinin onun sәlahiyyәtlәrinә aid etdiyi digәr mәsәlәlәri
hәll edir.
M a d d ә 1 2 0 . Azәrbaycan Respublikası Nazirlәr Kabinetinin aktları
I. Ümumi qaydalar müәyyәn etdikdә Azәrbaycan Respublikasının Nazirlәr Kabineti
qәrarlar, başqa mәsәlәlәr üzrә sәrәncamlar qәbul edir.
II. Azәrbaycan Respublikası Nazirlәr Kabinetinin qәrar vә sәrәncamlarında başqa qayda
nәzәrdә tutulmayıbsa, onlar dәrc edildiyi gündәn qüvvәyә minir.
M a d d ә 1 2 1 . Azәrbaycan Respublikası Nazirlәr Kabinetinin üzvlüyünә
namizәdlәrә dair tәlәblәr
I. Azәrbaycan Respublikasının Baş naziri vәzifәsinә yaşı 30-dan aşağı olmayan, seçkilәrdә
iştirak etmәk hüququna malik, ali tәhsilli, başqa dövlәt qarşısında öhdәliyi olmayan
Azәrbaycan Respublikası vәtәndaşı tәyin edilir.
II. Azәrbaycan Respublikası Baş nazirinin müavini, nazir, digәr mәrkәzi icra hakimiyyәti
orqanının rәhbәri vәzifәsinә yaşı 25-dәn aşağı olmayan, seçkilәrdә iştirak etmәk hüququna
malik, ali tәhsilli, başqa dövlәt qarşısında öhdәliyi olmayan Azәrbaycan Respublikası vәtәndaşı
tәyin edilir.
M a d d ә 1 2 2 . Azәrbaycan Respublikası Nazirlәr Kabinetinin üzvlәrinә aid
tәlәblәr
Azәrbaycan Respublikasının Baş naziri, onun müavinlәri, nazirlәr, digәr mәrkәzi icra
hakimiyyәti orqanlarının rәhbәrlәri heç bir başqa seçkili vә ya tәyinatlı vәzifә tuta bilmәzlәr,
elmi, pedaqoji vә yaradıcılıq fәaliyyәtindәn başqa heç bir sahibkarlıq, kommersiya vә digәr
ödәnişli fәaliyyәtlә mәşğul ola bilmәzlәr, vәzifә maaşından, habelә elmi, pedaqoji vә yaradıcılıq
fәaliyyәtinә görә aldığı vәsaitdәn başqa mәvacib ala bilmәzlәr.
M a d d ә 1 2 3 . Azәrbaycan Respublikası Baş nazirinin toxunulmazlığı
I. Sәlahiyyәt müddәti әrzindә Azәrbaycan Respublikası Baş nazirinin şәxsiyyәti
toxunulmazdır.
