II. Azәrbaycan Respublikası Ali Mәhkәmәsinin hakimlәrini Azәrbaycan Respublikası
Prezidentinin tәqdimatı ilә Azәrbaycan Respublikasının Milli Mәclisi tәyin edir.
III. Azәrbaycan Respublikası Ali Mәhkәmәsinin qәrarları dәrc edilmәlidir.
[27]
M a d d ә 1 3 2 . Azәrbaycan Respublikasının apellyasiya mәhkәmәlәri
I. Azәrbaycan Respublikasının apellyasiya mәhkәmәlәri qanunla onların sәlahiyyәtlәrinә
aid edilmiş işlәr üzrә yuxarı instansiya mәhkәmәlәridir.
II. Azәrbaycan Respublikasının apellyasiya mәhkәmәlәrinin hakimlәrini Azәrbaycan
Respublikası Prezidentinin tәqdimatı ilә Azәrbaycan Respublikasının Milli Mәclisi tәyin edir.
M a d d ә 1 3 3 . Azәrbaycan Respublikasının Prokurorluğu
I. Azәrbaycan Respublikasının Prokurorluğu qanunla nәzәrdә tutulmuş qaydada vә
hallarda qanunların icra vә tәtbiq olunmasına nәzarәt edir; qanunla nәzәrdә tutulmuş hallarda
cinayәt işlәri başlayır vә istintaq aparır; mәhkәmәdә dövlәt ittihamını müdafiә edir;
mәhkәmәdә iddia qaldırır; mәhkәmә qәrarlarından protest verir.
II. Azәrbaycan Respublikasının Prokurorluğu әrazi vә ixtisaslaşdırılmış prokurorların
Azәrbaycan Respublikası Baş prokuroruna tabeliyinә әsaslanan vahid mәrkәzlәşdirilmiş
orqandır.
III. Azәrbaycan Respublikasının Baş prokurorunu Azәrbaycan Respublikasının Prezidenti
Azәrbaycan Respublikası Milli Mәclisinin razılığı ilә vәzifәyә tәyin vә vәzifәdәn azad edir.
IV. Azәrbaycan Respublikası Baş prokurorunun müavinlәrini, respublika ixtisaslaşdırlmış
prokurorluqlarına rәhbәrlik edәn prokurorları, Naxçıvan Muxtar Respublikasının prokurorunu
Azәrbaycan Respublikası Baş prokurorunun tәqdimatı ilә Azәrbaycan Respublikasının
Prezidenti vәzifәyә tәyin vә vәzifәdәn azad edir.
V. Әrazi vә ixtisaslaşdırılmış prokurorları Azәrbaycan Respublikası Prezidentinin razılığı
ilә Azәrbaycan Respublikasının Baş prokuroru vәzifәyә tәyin vә vәzifәdәn azad edir.
V I I I f ә s i l
NAXÇIVAN MUXTAR RESPUBLİKASI
M a d d ә 1 3 4 . Naxçıvan Muxtar Respublikasının statusu
I. Naxçıvan Muxtar Respublikası Azәrbaycan Respublikasının tәrkibindә muxtar dövlәtdir.
II. Naxçıvan Muxtar Respublikasının statusu bu Konstitusiya ilә müәyyәn edilir.
III. Naxçıvan Muxtar Respublikası Azәrbaycan Respublikasının ayrılmaz tәrkib hissәsidir.
IV. Azәrbaycan Respublikası Konstitusiyası, qanunları, Azәrbaycan Respublikası
Prezidentinin fәrmanları vә Azәrbaycan Respublikası Nazirlәr Kabinetinin qәrarları Naxçıvan
Muxtar Respublikasının әrazisindә mәcburidir.
V. Naxçıvan Muxtar Respublikası Ali Mәclisinin qәbul etdiyi Naxçıvan Muxtar
Respublikasının Konstitusiyası vә qanunları müvafiq olaraq Azәrbaycan Respublikasının
Konstitusiyasına vә qanunlarına; Naxçıvan Muxtar Respublikasının Nazirlәr Kabinetinin qәbul
etdiyi qәrarlar Azәrbaycan Respublikası Konstitusiyasına, qanunlarına, Azәrbaycan
Respublikası Prezidentinin fәrmanlarına, Azәrbaycan Respublikası Nazirlәr Kabinetinin
qәrarlarına zidd olmamalıdır.
VI. Naxçıvan Muxtar Respublikasının Konstitusiyası Azәrbaycan Respublikasının Milli
Mәclisinә Azәrbaycan Respublikasının Prezidenti tәrәfindәn tәqdim edilir vә Konstitusiya
qanunu ilә tәsdiq edilir.
M a d d ә 1 3 5 . Naxçıvan Muxtar Respublikasında hakimiyyәtlәrin bölünmәsi
I. Naxçıvan Muxtar Respublikasının qanunvericilik hakimiyyәtini Naxçıvan Muxtar
Respublikasının Ali Mәclisi, icra hakimiyyәtini Naxçıvan Muxtar Respublikasının Nazirlәr
Kabineti, mәhkәmә hakimiyyәtini Naxçıvan Muxtar Respublikasının mәhkәmәlәri hәyata
keçirir.
II. Naxçıvan Muxtar Respublikasının Ali Mәclisi Azәrbaycan Respublikasının Konstitusiyası
vә qanunları ilә onun sәlahiyyәtlәrinә aid edilәn mәsәlәlәrin hәllindә, Naxçıvan Muxtar
Respublikasının Nazirlәr Kabineti Azәrbaycan Respublikasının Konstitusiyası, qanunları vә
Azәrbaycan Respublikası Prezidentinin fәrmanları ilә onun sәlahiyyәtlәrinә aid edilәn
mәsәlәlәrin hәllindә, Naxçıvan Muxtar Respublikasının mәhkәmәlәri isә Azәrbaycan
Respublikası Konstitusiyası vә qanunlar ilә onların sәlahiyyәtlәrinә aid edilәn mәsәlәlәrin
hәllindә müstәqildirlәr.
M a d d ә 1 3 6 . Naxçıvan Muxtar Respublikasının ali vәzifәli şәxsi
Naxçıvan Muxtar Respublikasının ali vәzifәli şәxsi Naxçıvan Muxtar Respublikası Ali
Mәclisinin sәdridir.
M a d d ә 1 3 7 . Naxçıvan Muxtar Respublikasının Ali Mәclisi
I. Naxçıvan Muxtar Respublikasının Ali Mәclisi 45 üzvdәn ibarәtdir.
II. Naxçıvan Muxtar Respublikası Ali Mәclisinin sәlahiyyәt müddәti 5 ildir.
III. Naxçıvan Muxtar Respublikasının Ali Mәclisi Naxçıvan Muxtar Respublikası Ali
Mәclisinin sәdrinin vә onun müavinlәrini seçir, daimi vә digәr komissiyalar tәşkil edir.
M a d d ә 1 3 8 . Naxçıvan Muxtar Respublikası Ali Mәclisinin müәyyәn etdiyi
ümumi qaydalar
I. Naxçıvan Muxtar Respublikasının Ali Mәclisi aşağıdakılara dair ümumi qaydalar
müәyyәn edir:
1) Naxçıvan Muxtar Respublikasının Ali Mәclisinә seçkilәr;
2) vergilәr;
3) Naxçıvan Muxtar Respublikası iqtisadiyyatının inkişafı istiqamәtlәri;
4) sosial tәminat;
5) әtraf mühitin qorunması;
6) turizm;
7) sәhiyyә, elm, mәdәniyyәt.