97
2. Pozulmuş müəlliflik hüququnun və əlaqəli hüquqların bərpasının təminatı üçün səlahiyyətli vəzifəli şəxslər
və orqanlar Azərbaycan Respublikasının qanunvericilik aktlarına uyğun lazımi tədbirləri görməlidirlər.
3. Müəlliflik hüququ və əlaqəli hüquqların mülki-hüquqi müdafiəsini təmin edən prosedurlar bərabər, ədalətli
və sadə olmalı, səmərəsiz ləngimələrə gətirib çıxarmamalı və Azərbaycan Respublikasının mülki-prosessual
qanunvericiliyində nəzərdə tutulan qaydada həyata keçirilməlidir.
M a d d ə 4 7 . Qanunun pozulmasına görə məsuliyyət
Bu Qanunla nəzərdə tutulmuş müəlliflik hüququnun və əlaqəli hüquqların pozulmasına görə Azərbaycan
Respublikası qanunvericiliyinə uyğun mülki, inzibati və cinayət məsuliyyəti nəzərdə tutulur.
Heydər ƏLİYEV,
Azərbaycan Respublikasının Prezidenti
Bakı şəhəri, 5 iyun 1996-cı il
№ 115-IQ
13
Kinematoqrafiya sahəsində əməkdaşlıq haqqında Sazişin təsdiq edilməsi
barədə
AZƏRBAYCAN RESPUBLIKASININ QANUNU
Azərbaycan Respublikasının Milli Məclisi qərara alır:
1. 1995-ci il fevralın 10-da Almatı şəhərində Müstəqil Dövlətlər Birliyinin Hökumət Başçıları Şurasının
iclasında imzalanmış Kinematoqrafiya sahəsində əməkdaşlıq haqqında Saziş təsdiq edilsin.
2. Bu Qanun dərc edildiyi gündən qüvvəyə minir.
Heydər ƏLİYEV,
Azərbaycan Respublikasının Prezidenti
Bakı şəhəri, 7 mart 1997-ci il.
№ 253-IQ
14
Avropa Mədəniyyət Konvensiyasına qoşulmaq barədə
AZƏRBAYCAN RESPUBLİKASININ QANUNU
Azərbaycan Respublikasının Milli Məclisi
qərara alır:
1. Azərbaycan Respublikası 19 dekabr 1954-cü il tarixli Avropa Mədəniyyət Konvensiyasına qoşulsun.
2. Bu Qanun dərc edildiyi gündən qüvvəyə minir.
Heydər ƏLİYEV,
Azərbaycan Respublikasının Prezidenti
Bakı şəhəri, 22 aprel 1997-ci il.
№ 278-IQ
98
15
Azərbaycan Respublikası Hökuməti ilə Özbəkistan Respublikası Hökuməti
arasında Azərbaycan Respublikası və Özbəkistan Respublikası vətəndaşlarının
vizasız gediş-gəlişi haqqında Sazişin təsdiq edilməsi barədə
AZƏRBAYCAN RESPUBLİKASININ QANUNU
Azərbaycan Respublikasının Milli Məclisi qərara alır:
1. Azərbaycan Respublikası Hökuməti ilə Özbəkistan Respublikası Hökuməti arasında Azərbaycan
Respublikası və Özbəkistan Respublikası vətəndaşlarının vizasız gediş-gəlişi haqqında 1997-ci il 18 iyun tarixdə
Daşkənd şəhərində imzalanmış saziş təsdiq edilsin.
2. Bu qanun dərc edildiyi gündən qüvvəyə minir.
Heydər ƏLİYEV,
Azərbaycan Respublikasının Prezidenti
Bakı şəhəri, 26 iyun 1997-ci il
№ 350-IQ
16
“18 iyun 1997-ci il tarixli Azərbaycan Respublikası Hökuməti və
Özbəkistan Respublikası Hökuməti arasında “Azərbaycan Respublikası və
Özbəkistan Respublikası vətəndaşlarının vizasız gediş-gəlişi haqqında Saziş”ə
dəyişikliklər və əlavələr edilməsi haqqında” Protokolun təsdiq edilməsi barədə
AZƏRBAYCAN RESPUBLİKASININ QANUNU
Azərbaycan Respublikasının Milli Məclisi qərara alır:
“18 iyun 1997-ci il tarixli Azərbaycan Respublikası Hökuməti və Özbəkistan Respublikası Hökuməti
arasında “Azərbaycan Respublikası və Özbəkistan Respublikası vətəndaşlarının vizasız gediş-gəlişi haqqında
Saziş”ə dəyişikliklər və əlavələr edilməsi haqqında” 2010-cu il sentyabrın 27-də Daşkənd şəhərində imzalanmış
Protokol təsdiq edilsin.
İlham ƏLİYEV,
Azərbaycan Respublikasının Prezidenti
Bakı şəhəri, 11 fevral 2011-ci il
№ 61-IVQ
18 iyun 1997-ci il tarixli Azərbaycan Respublikası Hökuməti və
Özbəkistan Respublikası Hökuməti arasında Azərbaycan Respublikası və
Özbəkistan Respublikası vətəndaşlarının vizasız gediş-gəlişi haqqında
Sazişə dəyişikliklər və əlavələr edilməsi haqqında
Protokol
Bundan sonra “Tərəflər” adlandırılacaq, Azərbaycan Respublikası Hökuməti və Özbəkistan Respublikası
Hökuməti,
18 iyun 1997-ci il tarixli Azərbaycan Respublikası Hökuməti və Özbəkistan Respublikası Hökuməti arasında
Azərbaycan Respublikası və Özbəkistan Respublikası vətəndaşlarının vizasız gediş-gəlişi haqqında Sazişin (bundan
sonra Saziş) 7-ci maddəsinə uyğun olaraq,
99
aşağıdakılar barədə razılığa gəldilər:
1.
Özbəkistan Respublikasının ərazisinə girmə, çıxma və hərəkət etmə üçün Azərbaycan Respublikası
vətəndaşlarının sənədlərinin siyahısı (Protokola Əlavə 1) və Azərbaycan Respublikasının ərazisinə girmə,
çıxma və hərəkət etmə üçün Özbəkistan Respublikası vətəndaşlarının sənədlərinin siyahısı (Protokola
Əlavə 2) təsdiq edilsin.
2.
Özbəkistan Respublikasının ərazisinə girmə, çıxma və hərəkət etmə üçün Azərbaycan Respublikası
vətəndaşlarının sənədlərinin siyahısı (Sazişə Əlavə 1) və Azərbaycan Respublikasının ərazisinə girmə,
çıxma və hərəkət etmə üçün Özbəkistan Respublikası vətəndaşlarının sənədlərinin siyahısı (Sazişə Əlavə 2)
qüvvədən düşmüş hesab edilsin.
3.
Hazırki Protokol Sazişin ayrılmaz tərkib hissəsidir və Sazişin 8-ci maddəsinin müddəalarına uyğun olaraq
qüvvəyə minir.
Daşkənd şəhərində 27 sentyabr 2010-cu il tarixində iki əsl nüsxədə hər biri Azərbaycan, özbək və rus
dillərində imzalanmışdır, bütün mətnlər eyni qüvvəyə malikdir. Hazırkı Protokolun müddəalarının təfsiri
məqsədilə, rus dilindəki mətndən istifadə edilir.
Azərbaycan Respublikası Hökuməti və Özbəkistan Respublikası Hökuməti
arasında Azərbaycan Respublikası və Özbəkistan Respublikası vətəndaşla-
rının vizasız gediş-gəlişi haqqında 18 iyun 1997-ci il tarixli Sazişə Əlavə 1
Özbəkistan Respublikasının ərazisinə girmə, çıxma və hərəkət etmə üçün Azərbaycan Respublikasının
vətəndaşlarının sənədlərinin siyahısı
1.
Azərbaycan Respublikasının ümumvətəndaş pasportu.
2.
Azərbaycan Respublikasının xidməti pasportu.
3.
Azərbaycan Respublikasının diplomatik pasportu .
4.
Azərbaycan Respublikası dənizçinin şəxsiyyət sənədi (gəminin şəxsi heyətinin siyahısı və ya ondan çıxarış
olduqda).
5.
Hava gəmisinin ekipaj üzvünün vəsiqəsi (uçuş tapşırığında müvafiq qeydlə).
6.
Azərbaycan Respublikasına qayıdış şəhadətnaməsi (yalnız Azərbaycan Respublikasına qayıdış üçün).
Azərbaycan Respublikası Hökuməti və Özbəkistan Respublikası Hökuməti
arasında Azərbaycan Respublikası və Özbəkistan Respublikası vətəndaşla-
rının vizasız gediş-gəlişi haqqında 18 iyun 1997-ci il tarixli Sazişə Əlavə 2
Azərbaycan Respublikasının ərazisinə girmə, çıxma və hərəkət etmə üçün Özbəkistan Respublikasının
vətəndaşlarının sənədlərinin siyahısı
1.
Özbəkistan Respublikasının vətəndaşının pasportu.
2.
Özbəkistan Respublikasının diplomatik pasportu.
3.
Özbəkistan Respublikasının vətəndaşının köhnə nümunəli pasportu (1 yanvar 2016-cı ilə qədər).
4.
16 yaşına çatmamış Özbəkistan Respublikası vətəndaşının vəsiqəsi (yetkinlik yaşına çatmamış
vətəndaşların gediş-gəliş Sənədi (1 yanvar 2016-cı ilə qədər).
5.
Doğum haqqında şəhadətnamə (pasportlarına onlar haqqında məlumat və şəkli daxil edilən valideynləri və
ya qanuni təmsilçiləri tərəfindən müşayiət olunan, 16 yaşına çatmamış uşaqlar üçün (1 yanvar 2016-cı ilə
qədər).
6.
Hava gəmisinin ekipaj üzvünün vəsiqəsi (uçuş tapşırığında müvafiq qeydlə).
7.
Özbəkistan Respublikasına qayıdış şəhadətnaməsi (yalnız Özbəkistan