Say 7-8 • 2014 | STRATEJİ TƏHLİL
23
BMT-nin yalnız içməli su ilə bağlı məlumatına görə, “süst közərən” 300-dən
çox münaqişənin 20-si artıq hərbi konfliktlə nəticələnmişdir. Göründüyü kimi,
böhran, ərzaq qıtlığı, su ehtiyatlarının çatışmazlığı, iqtisadi təşəbbüsün ələ
keçirilməsi cəhdləri münaqişələrin bazasını təyin edir.
Bu gün dünyada baş verən müharibələr və münaqişələr haqqında dəqiq
məlumat vermək çətindir. Bu rəqəmlər ayrı-ayrı dövlətlərin elmi-tədqiqat
mərkəzləri tərəfindən müxtəlif yanaşmalar əsasında hesablandığından son
rəqəmlər də müxtəlifdir. Heldelberq İnstitutu (AFR) 2006-cı ildə Yer kürəsində
278 sərt təbiətli münaqişəni qeydə almışdır. ABŞ-ın Müdafiə Məlumatları
Mərkəzinin hesablamalarına görə, dünyada yalnız 15 münaqişə mövcuddur.
Stokholmlu ekspertlər isə həmin il 19 böyük münaqişəni qeydə alıblar. Rusi-
yanın tədqiqat mərkəzləri ötən əsrin son 10 ilində belə münaqişələrin yalnız
postsovet məkanında 160-a, dünyada isə həlak olanların sayının 10 milyona
çatması haqqında məlumat verirlər. Bu rəqəm Birinci Dünya müharibəsində
həlak olanların sayına bərabərdir. Bütün münaqişələrin tən yarısı Afrika-
nın payına düşür. Beynəlxalq ekspertlərin bəzilərinin hesablamalarına görə,
münaqişələrdə hər il 300 minə yaxın insan həyatına son qoyulur. Ölənlərin
əksəriyyəti dinc sakinlərdir. Statistika isə Birinci Dünya müharibəsində ölənlərin
yalnız 5 faizinin, İkinci Dünya müharibəsində isə artıq 70 faizinin dinc sakinlər
olduğunu göstərir. Bütün faktiki müharibələr və münaqişələr nəticəsində dün-
yanın siyasi xəritəsinin - sərhədlərin dəyişməsi planetimizə sülhü və arzu edilən
stabilliyi gətirmək gücündə olmadı.
Siyasi coğrafiyanın belə dəyişdirilməsi, proseslərin süni, tarixi reallıqlar və
dünya düzəninə yeni qoşulan dövlətlərin haqlı tələbləri nəzərə alınmadan,
konfliktlərdə işğalçı tərəf kimi çıxış edən dövlətlərin ambisiyaları məcrasında
istiqamətləndirilməsi arzuolunan hal deyil. Müasir qloballaşmanın miqyası və
bəzi müəmmalı məqamları bu gün dünyanın yaşamış olduğu iqtisadi böhran-
dan daha ağır, daha böyük miqyaslı faciələrə gətirib çıxara bilər.
Siyasi şahmatda pat situasiyası
Əgər Azərbaycan-Türkiyə iqtisadi əlaqələri Ermənistanın zəifləməsinə, onun
işğalçı siyasətindən əl çəkməsinə xidmət edirsə, münaqişə həll edilmədən
Türkiyə-Ermənistan sərhədlərinin təcili açılması birmənalı şəkildə bölgədə sül-
hün və iqtisadi tərəqqinin əleyhinə yönəlmiş olur. Eyni zamanda, ortaya belə
bir sual da çıxır: Qafqazda bir dövlətlə sərhədin açılmasına önəm verilirsə, niyə
digər dövlətlə sərhədin açılması, ümumiyyətlə, gündəmə çıxarılmır? Əslində,
dünya birliyinin atdığı bu uğursuz addım heç bir siyasi məntiqə sığmamaq-
la yanaşı, həm də bölgədə sülhün və əmin-amanlığın bərqərar olmasına da
qətiyyən xidmət etmir.
Amma biz nəyin, hansı reallıqların şahidiyik? Naxçıvan bir anklav olaraq 20
ilə yaxındır ki, iqtisadi blokadada saxlanılır, Ermənistan tərəfindən çox ciddi
STRATEJİ TƏHLİL | Say 7-8 • 2014
24
və sərt maneələrlə üzləşir, 100 minlərlə insan ağır vəziyyətdə yaşayır. Naxçı-
van blokadada olmasaydı, Azərbaycan ona indikindən daha ciddi yardım edə
bilərdi, bu bölgə uğurlarını birə on artırardı. Nə Türkiyənin Qars müqaviləsindən
irəli gələn öhdəliklərini xatırladan var, nə də yumşaq tərzdə desək, dünya bir-
liyi bir ölkənin muxtar respublikasının blokada şəraitindəki məhrumiyyətlərini
görmək istəyir. İşğalçı dövlətin blokadası aradan qaldırılır, sərhədləri açılır,
onun təcavüzünə məruz qalan muxtar respublikanın blokadasını heç kim dü-
şünmür, xatırlamır. Bu iki faktı yanaşı qoyun və böyük güclərin işğalçı dövlətə
göstərdikləri qəyyumluqla mühasirədə yaşayan yüz minlərlə insanın taleyinə
nümayiş etdirdikləri biganəliyi müqayisə edin. Dünyada demokratik dəyərləri,
insan haqlarını qorumağı ümdə vəzifəsi kimi elan edən dövlətlərin bu addım-
larını qonşularının yüz illik işğallarından boğaza gələn Azərbaycan xalqı necə
qiymətləndirməlidir? Bir milyon qaçqın Avropanın demokratik dəyərləri və sülh
səyləri haqqında hansı qənaətə gəlməlidir? Bu halda bəşəri ədalət tərəzisinin
hansı meyarlarla işləməsinin fərqində olan varmı?
Bu suallar, təbii ki, bizi düşündürən qədər də Avropa İttifaqını düşündürməli,
narahat etməlidir. Həm Avropa İttifaqı, həm ABŞ və həm də qonşu dövlətlər
münaqişələrin həllində elə konstruktiv mövqe nümayiş etdirməlidirlər ki, heç
kimdə sülhün dalana dirənməsi, şahmatın siyasi taxtasında pat vəziyyətinin
görüntüsü barədə təsəvvür yaranmasın.
Burada bir faktı xüsusi olaraq qeyd etmək istərdik. 2002-ci ildə Avropa
Şurası Parlament Assambleyasında Ermənistanın konstitusiya islahatları ilə
bağlı götürdüyü öhdəliklərin icrasının müzakirəsi keçirilirdi. O zaman məsələ
qaldırıldı ki, Ermənistan öz konstitusiyasından qonşularına olan ərazi iddiaları
ilə bağlı maddələri çıxarsın. Lakin ermənilər bunun əleyhinə getdilər, AŞ PA
da buna göz yumdu. Onda kompromis kimi ikinci bir təklif irəli sürüldü ki,
Ermənistan qonşu dövlətlərin sərhədlərini tanıması ilə bağlı bəyanatla çıxış
etsin. Çox təəssüflər olsun ki, AŞ PA-nın monitorinq komitəsində 2 gün davam
edən siyasi müzakirələrdə ermənilər ciddi müdafiə olundu. AŞ PA və ermənilərə
dəstək verən digər dövlətlər belə qərara gəldilər ki, bu məzmunda bəyanatın
verilməsinə heç bir ehtiyac yoxdur. Böyük dövlətlərin, AŞ PA kimi nüfuzlu
təşkilatın Ermənistanın açıq şəkildə qonşu dövlətlərə qarşı ərazi iddialarına
göz yumması necə başa düşülməlidir? Belə qənaətə gələ bilərik ki, bu, ədalətli
siyasətdən daha çox münaqişələrin düşünülmüş şəkildə idarə olunmasına,
tənzimlənməsinə və gələcəkdə lazımi məcraya yönəldilməsinə hesablanan
addımdır.
Zənnimizcə, bu, Avropa İttifaqı qarşısında duran ən ciddi məsələlərdən
biri olmalıdır. Çünki son illər Avropada yaşanan sosial-mədəni və enerji böh-
ranı bir daha onu göstərdi ki, Avropanın böyük təhlükələrlə qarşılaşmaq eh-
timalı yüksəkdir. Enerji ehtiyatlarının, onların nəqlinin təhlükəsizliyinin ən
güclü təminatçısı sülhdür və buna başqa alternativ yoxdur. Dünya bunu dərk
etməlidir. İşğalçı qüvvələrin və onların himayədarlarının həm Qafqazda, həm
Dostları ilə paylaş: |