9.6. kiçik həcmli gəmilərin müəyyən edilmiş qaydada təsnifatını, dövlət qeydiyyatını və uçotunu, ilkin
və illik texniki müayinəsini və baxışını, onlara dövlət (bort) nömrəsinin, qeydə alınmış gəmilərə gəmi
biletinin və digər sənədlərin verilməsini həyata keçirmək;
9.7. kiçik həcmli gəmilərdən istifadə olunması qaydalarının və onların praktiki
idarə edilməsi
vərdişlərinin öyrədilməsi üçün proqramlar işləyib hazırlamaq və
Azərbaycan Respublikasının
Dövlət Dəniz Administrasiyası ilə razılaşdırmaq, kiçik həcmli gəmilərin idarə edilməsi hüququnun
verilməsi üçün imtahanlar və gəmi sürücülərinin attestasiyasını keçirmək, kiçik həcmli gəmiləri
idarəetmə hüququ verən vəsiqələr vermək;
xv[15]
9.8. kiçik həcmli gəmilərin reyestrini, kiçik həcmli gəmiləri idarə etmək hüququ verən sürücülük
vəsiqələrinin, kiçik həcmli gəmilərin və gəmi sürücülərinin üzməyə buraxılması üçün zəruri olan
qeydiyyat və başqa sənədlərin uçotunu aparmaq;
9.9. konstruksiyasından və gücündən asılı olaraq gəminin sərnişin tutumunu, yükgötürümünü,
mühərriklərin maksimal gücünü və sayını, yelkənlər üçün yol verilən sahəni,
üzmə ərazisini, gəminin
üzməyi bacaracağı dalğa hündürlüyünü, gəminin sualtı hissəsini və minimal suüstü bortunu,
xilasetmə və yanğından qoruma vasitələri ilə, siqnal işıqları, naviqasiya və digər avadanlıqlarla
təchizatı ilə bağlı məcburi şərtləri, normaları və texniki tələbləri
müəyyən etmək;
9.10. kiçik həcmli gəmilərdən və onların dayanacaq bazalarından istifadə qaydalarına əməl
olunmasına nəzarət etmək, bu qaydaların, üzmə təhlükəsizliyinə və ətraf mühitin mühafizəsinə aid
digər norma və tələblərin pozulmasını aşkar etmək və qarşısını almaq;
9.11. kiçik həcmli gəmilərlə bağlı
qəza və hadisələrin, qəza nəticəsində sularda insanlarla əlaqədar baş
verən bədbəxt hadisələrin uçotunu aparmaq, onların baş vermə səbəblərini və şəraitini təhlil etmək,
həmin səbəb və şəraitin aradan qaldırılması üçün tədbirlər görmək;
9.12. bazaların uçotunu aparmaq, onları illik texniki baxışdan keçirmək, bazaların istismarına icazə
vermək və ya təhlükəsizlik norma və qaydaları pozulduğu halda bu şərtlər təmin edilənə kimi
istismarına qadağa qoymaq;
9.13. bazalarda gəmilərin yerləşdirilmə normalarını, istismar təhlükəsizliyi üçün şərtləri və texniki
tələbləri müəyyən etmək;
9.14. kiçik həcmli gəmilərin dayanacaq bazalarının layihələrinə rəy vermək;
9.15. kiçik həcmli gəmi sürücülərinin hazırlığı üzrə kursları və mərkəzləri uçota almaq, kiçik həcmli
gəmilər üzərində qoyulmuş həbs və girovların qeydiyyatını aparmaq;
9.16. kiçik həcmli gəmilərin üzməsinin təhlükəsizlik səviyyəsinin qaldırılması üzrə tövsiyələr
hazırlamaq, onları müəyyən olunmuş qaydada dövlət orqanlarına və ictimai təşkilatlara təqdim etmək,
onların həyata keçirilməsinə yardım etmək;
9.17. kiçik həcmli gəmilərin hərəkətinin təhlükəsizliyinin təmin olunması üçün gəmi sahibləri
tərəfindən tədbirlər görülməsinə nəzarət etmək;
9.18. kiçik həcmli gəmilərin mühərriklərinin standartları,
texniki şərtləri, layihə və konstruksiyaları
üzrə onların istismar təhlükəsizliyinin təminatı ilə bağlı rəy vermək, yeni gəmi texnikası
nümunələrinin sınaqlarında və qəbulunda iştirak etmək;
9.19. kiçik həcmli gəmilərin istismar şərtlərini, onların konstruksiyalarının avadanlıq və
mexanizmlərinin xüsusiyyətlərini və nöqsanlarını öyrənmək və gəmilərin, avadanlıq və
mexanizmlərin etibarlılığının yüksəldilməsi üzrə təkliflər hazırlamaq;
9.20. kiçik həcmli gəmilərin qeydiyyatı və uçotu qaydalarının və həmin gəmilərdən və onların
dayanması üçün bazalardan istifadə qaydalarının pozulması faktlarının təhlilini və qeydiyyatını
aparmaq;
9.21. kiçik həcmli gəmilərin hərəkətinin təhlükəsizliyinin təmin olunması məqsədilə mövcud
beynəlxalq və daxili qaydaları əsas tutaraq vahid qaydalar işləyib hazırlamaq və müvafiq təşkilatlarla
razılaşdırmaq;
9.22. kiçik həcmli gəmilərin istismarı ilə bağlı qanunvericiliklə müəyyən olunmuş haqların gəmi
sahibləri tərəfindən ödənilməsinə nəzarət etmək;
9.23. müfəttişliyin gördüyü işlər və göstərdiyi xidmətlər üzrə tariflərin layihələrini işləyib hazırlamaq
və müəyyən edilmiş qaydada Nazirliyə təqdim etmək;
9.24. müəyyən olunmuş qaydalar və Azərbaycan Respublikasının tərəfdar çıxdığı
beynəlxalq
müqavilələrin tələbləri üzrə kiçik həcmli gəmilərin ətraf mühitə və atmosferə atdığı zərərli
(çirkləndirici) maddələrin texniki normativlərə uyğunluğunun vaxtaşırı yoxlanılmasını həyata
keçirmək;
9.25. kiçik həcmli gəmilərin istismarı zamanı qəzaların qarşısını almaq, insanların su obyektlərində
təhlükəsizliyini təmin etmək məqsədilə əhali arasında maarifləndirmə işi aparmaq;
9.26. inzibati xətalar haqqında protokol tərtib etmək, inzibati xətalara yol vermiş şəxslərə qarşı öz
səlahiyyətləri daxilində qanunvericiliklə müəyyən edilmiş qaydada inzibati tənbeh tətbiq etmək;
9.27. müfəttişliyin işçilərinin peşə fəaliyyəti istiqamətlərinə uyğun olaraq hazırlığını və əlavə təhsilini
həyata keçirmək;
xvi[16]
9.28. yoxlamaların və xüsusi baxışdan keçirmənin həcmlərini müəyyən edən texniki tələbləri və
normativləri, gəmilərin istismarının təhlükəsizliyi təminatına aid digər normativ-texniki sənədlər
işləyib hazırlamaq və müvafiq təşkilatlarla razılaşdıraraq təsdiq etmək, gəmi sahibləri tərəfindən bu
tələblərə və normativlərə əməl olunmasına nəzarət etmək;
9.29. sututarlarda fövqəladə halların qarşısının alınması və nəticələrinin aradan qaldırılması
tədbirlərinin həyata keçirilməsində iştirak etmək;
9.30. ölkənin su hövzələrində istismar edilən kiçik həcmli gəmilərin hərəkətinə operativ nəzarəti təşkil
etmək üçün mərkəzi radio-rabitə stansiyasını yaratmaq;
9.31. istismar müddəti başa çatmış köhnə və yararsız gəmilərdə texniki baxış keçirilməsini
dayandırmaq və istismarına qadağa qoymaq;
9.32. öz səlahiyyətləri daxilində kiçik həcmli gəmilərin öz təyinatı üzrə istismar olunmasına nəzarət
etmək;
9.33. üzgüçülük təhlükəsizliyi və nəzarətində olan gəmilərdən düzgün istifadə olunması haqqında
qanunvericiliyin izahı
və təbliği üzrə iş aparmaq;
9.34. digər icra hakimiyyəti orqanlarının Müfəttişliyin fəaliyyət sahəsi ilə bağlı işlərini əlaqələndirmək;
9.35. Azərbaycan Respublikasının tərəfdar çıxdığı beynəlxalq müqavilələrdən irəli gələn öhdəliklərin
yerinə yetirilməsini öz səlahiyyətləri daxilində təmin etmək;
9.36. Müfəttişliyin fəaliyyət istiqamətlərinə uyğun olaraq qanunvericiliklə nəzərdə tutulmuş digər
vəzifələri yerinə yetirmək.
Dostları ilə paylaş: