Azərbaycan Respublikasının Fövqəladə Hallar Nazirliyinin fəaliyyətinin təmin edilməsi ilə bağlı bəzi məsələlər haqqında
Yüklə 0,5 Mb. Pdf görüntüsü
|
| xvii[17]
19. Kiçik həcmli gəmilər üzrə Dövlət Müfəttişlərinin vəzifələrinin siyahısı və onların vəzifə öhdəlikləri, eləcə də ştatdankənar ictimai müfəttişlər haqqında əsasnamə və kiçik həcmli gəmilərin istismar qaydaları, onların qeydiyyatı, texniki baxışdan keçirilməsi və gəmi sürücülərinin attestasiyası qaydaları Nazirlik tərəfindən təsdiq edilir. 20. Müfəttişliyin aparatının və büdcədən maliyyələşdirilən struktur bölmələrinin maliyyələşdirilməsi dövlət büdcəsində Nazirliyin saxlanılması üçün nəzərdə tutulmuş vəsait hesabına həyata keçirilir. 21. Müfəttişliyin fəaliyyətinə Nazir tərəfindən vəzifəyə təyin və vəzifədən azad edilən, öz vəzifəsinə görə, eyni zamanda Azərbaycan Respublikasının kiçik həcmli gəmilər üzrə Baş Dövlət Müfəttişi hesab edilən rəis rəhbərlik edir. Rəis Müfəttişliyə həvalə olunmuş vəzifələrin yerinə yetirilməsi və hüquqların həyata keçirilməsi üçün şəxsən məsuliyyət daşıyır. 22. Rəisin Azərbaycan Respublikasının fövqəladə hallar naziri tərəfindən vəzifəyə təyin və vəzifədən azad edilən iki müavini vardır. 23. Kiçik həcmli gəmilər üzrə dövlət müfəttişləri xüsusi geyim forması və fərqlənmə nişanları daşımaq hüququna malikdirlər. 24. Rəis aşağıdakı səlahiyyətlərə malikdir: 24.1. Müfəttişliyin işini təşkil edir və onun fəaliyyətinə rəhbərlik edir; 24.2. öz müavinləri arasında vəzifə bölgüsü aparır, onların məsuliyyət dairəsini və səlahiyyətlərini müəyyən edir; 24.3. Müfəttişliyin maliyyə-təsərrüfat fəaliyyətinə rəhbərlik edir, pozuntular aşkarlandığı hallarda Nazirliyə müvafiq təqdimatlar verir və ya öz səlahiyyətləri daxilində tədbirlər görür; 24.4. Müfəttişliyin fəaliyyət sahəsinə aid olan məsələlərlə bağlı normativ hüquqi aktları müəyyən olunmuş qaydada təsdiq edilmək üçün Nazirliyə təqdim edir; 24.5. Müfəttişliyin vəzifəli şəxslərinin qanunvericiliyə zidd olan əmr və göstərişlərini ləğv edir; 24.6. Müfəttişliyin struktur bölmələri haqqında əsasnamələrin layihələrini hazırlayır və təsdiq olunmaq üçün Nazirliyə təqdim edir; 24.7. Müfəttişliyin fəaliyyəti üzrə məlumatları və hesabatları hazırlayır və Nazirliyə təqdim edir; 24.8. Müfəttişliyi dövlət orqanları, digər qurumlar və şəxslər, beynəlxalq təşkilatlarla münasibətlərdə öz səlahiyyətləri daxilində təmsil edir; 24.9. Müfəttişliyin əməkdaşlarının qanunvericiliklə müəyyən edilmiş qaydada attestasiyasının keçirilməsini təşkil edir; 24.10. qanunvericiliklə nəzərdə tutulan inzibati xətalara dair protokol tərtib etməyə səlahiyyəti olan vəzifəli şəxslərin siyahısını Nazirliyə təqdim edir; 24.11. Müfəttişliyin tabeliyində olan struktur bölmələrin yaradılması, yenidən təşkili və ləğv edilməsi barədə Nazirliyə təkliflər verir; 24.12. Müfəttişlik sisteminə daxil olan büdcədən maliyyələşdirilən struktur bölmələrinin xüsusi rütbəsi olan əməkdaşlarına və mülki işçilərinə qanunvericilikdə nəzərdə tutulmuş həvəsləndirmə və intizam tənbehi tədbirlərinin tətbiq edilməsi barədə Nazirliyə təqdimat verir; 24.13. Müfəttişlik dövlət büdcəsindən Nazirliyə ayrılmış və qanunvericiliyə zidd olmayan mənbələrdən əldə olunmuş maliyyə vəsaitini öz səlahiyyətləri daxilində qanunvericiliklə müəyyən olunmuş qaydada idarə edir, fəaliyyətinin xüsusiyyətləri və Müfəttişliyə ayrılmış vəsaitin həddi nəzərə alınmaqla, əməkdaşlarının vəzifə maaşlarına qanunvericiliklə müəyyən edilmiş məbləğdə əlavələrin, maddi yardım və mükafatların verilməsi barədə Nazirlik qarşısında məsələ qaldırır; 24.14. Müfəttişliyin səlahiyyətlərinə aid edilən məsələlər üzrə növbəti il üçün Nazirliyin saxlanılması xərclərinin formalaşdırılması ilə bağlı təkliflər verir, fəaliyyəti ilə əlaqədar olaraq qanunvericiliklə müəyyən edilmiş mənbələr hesabına Nazirliyin büdcədənkənar vəsaitlərinin yaradılmasında iştirak edir və Nazirliyin təsdiq etdiyi gəlirlər və xərclər smetasına uyğun olaraq həmin vəsaitlərdən təyinatı üzrə istifadə olunmasını təmin edir; 24.15. qanunvericiliklə müəyyən edilmiş digər səlahiyyətləri yerinə yetirir. 25. Müfəttişliyin xüsusi rütbəsi olan əməkdaşları qanunvericiliklə müəyyən edilmiş qaydaya və siyahıya uyğun olaraq xidməti silah gəzdirə bilərlər. Azərbaycan Respublikası Prezidentinin 2006-cı il 29 dekabr tarixli 511 nömrəli Fərmanı ilə TƏSDİQ EDİLMİŞDİR Yüklə 0,5 Mb. Dostları ilə paylaş:
|