Azərbaycan Respublikası Prezidentinin
2006-cı il 29 dekabr tarixli 511 nömrəli Fərmanı ilə
TƏSDİQ EDİLMİŞDİR
Azərbaycan Respublikası Fövqəladə Hallar Nazirliyinin Dövlət Yanğın Nəzarəti Xidməti haqqında
Ə S A S N A M Ə
I. ÜMUMİ MÜDDƏALAR
1. Azərbaycan Respublikası Fövqəladə Hallar Nazirliyinin Dövlət Yanğın Nəzarəti Xidməti (bundan
sonra - Xidmət) ölkə ərazisində binaların və qurğuların layihələndirilməsi,
tikintisi,
yenidən
qurulması, təmiri, istismarı dövründə yanğın təhlükəsizliyi norma və qaydalarının tələblərinə riayət
olunmasına nəzarəti təmin edən, yanğın təhlükəsizliyi sahəsində məcburi qaydada sertifikatlaşdırılan
məhsulların və xidmətlərin sertifikatlaşdırılmasını aparan, daşınmaz əmlakın (yaşayış binaları, yaşayış
evləri və mənzillərin icbari sığortası istisna olmaqla) və daşınmaz əmlakın istismarı ilə bağlı mülki
məsuliyyətin icbari qaydada sığortalanmasına nəzarəti həyata keçirən icra hakimiyyəti orqanıdır.
i[1]
2. Xidmət öz fəaliyyətində Azərbaycan Respublikasının Konstitusiyasını, Azərbaycan Respublikasının
tərəfdar çıxdığı beynəlxalq müqavilələri, Azərbaycan Respublikasının qanunlarını, Azərbaycan
Respublikası Prezidentinin fərman və sərəncamlarını, Azərbaycan Respublikası
Nazirlər Kabinetinin
qərar və sərəncamlarını, Azərbaycan Respublikası Fövqəladə Hallar Nazirliyi haqqında Əsasnaməni,
bu Əsasnaməni və Azərbaycan Respublikası Fövqəladə Hallar Nazirliyinin (bundan sonra - Nazirlik)
əmr və göstərişlərini rəhbər tutur.
3. Xidmət fəaliyyətini bilavasitə tabeliyində olan strukturlar vasitəsilə həyata keçirir.
4.
Xidmət müstəqil balansa, üzərində Azərbaycan Respublikasının Dövlət gerbinin təsviri, Nazirliyin
və Xidmətin adı
həkk olunmuş möhürə,
müvafiq ştamplara və blanklara, xəzinə və bank hesablarına
malikdir.
5. Xidmətin saxlanması xərcləri və fəaliyyəti Nazirlik tərəfindən təsdiq olunmuş xərc smetasına
uyğun
olaraq ayrılmış büdcə vəsaiti və mövcud qanunvericiliyə zidd olmayan digər mənbələr hesabına
maliyyələşdirilir.
6. Xidmət Bakı şəhərində yerləşir.
Dostları ilə paylaş: 
