32
yanmada mühərrikin detalları qızır, o, sərt və qeyri-müntəzəm işləyir, gücü aşağı düşür, yanacaq
sərfi isə artır (şəkil 3.1). Bütün bunlara görə mühərrikin ömür uzunluğu azalır. Benzinlərin
detonasiyaya qarşı davamlılığı oktan ədədi ilə qiymətləndirilir. Oktan ədədi izooktanla normal
heptan qarışığındakı izooktanın %-lə miqdarına deyilir ki, bu qarışığın detonasiyaya davamlılığı
sınaqdan keçirilən benzinin detonasiya davamlılığına bərabər olur. Oktan ədədi yüksəldikcə
benzinin istismar keyfiyyətləri yaxşılaşır, o cümlədən detonasiyaya davamlılığı artır.
Verilmiş benzin üçün oktan ədədi etalon yanacağa görə sınaq üsulu ilə təyin olunur. Buna
görə dəyişən sıxma dərəcəsinə malik bir silindrli mühərriki olan standart qurğulardan istifadə
edilir. Oktan ədədi motor (MON) və tədqiqat (RON) üsullarının biri ilə təyin edilir. Tərkibində
aromatik və izoparafinli karbohidrogenləri olan benzinlər yüksək detonasiya davamlılığına
malikdir. Benzinlərin tərkibində kükürdlü və qatranlı birləşmələrin olması onların detonasiya
davamlılığını aşağı salır. Benzinlərin oktan ədədini yüksəltmək üçün onların tərkibinə yüksək
oktanlı birləşmələr - antidetonatorlar əlavə edirlər. Antidetonator kiml etil mayelərindən (TC-1,
P-9) daha çox istifadə edilirdi. 1997-ci ildən Azərbaycan Respublikasında bu antidetonator
qadağan olunmuşdur.
Oktan ədədi
Şəikil . Gücün (N·m) və yanacaq sərfinin (Q) oktan ədədindən asılılıq əyriləri.
1 - gücün aşağı düşməsi; 2 - yanacaq sərfinin artması.
Mühərrikin detallarının yeyilmə şiddətini artıran amillərdən biri benzinin tərkibində
kükürdün olmasıdır. Benzinin tərkibində 0,003% kükürd olduqda mühərrik detallarının
yeyilməsini vahid qəbul etsək, kükürdün miqdarı 0,1 %-ə çatdırıldıqda yeyilmə 2,7 dəfə, 0,2%-ə
çatdırıldıqda isə detalların yeyilməsi 3,9 dəfə artır. Kükürdün yanacağın tərikbində olması
silindrlərin, porşen üzüklərinin, klapanların və digər mühərrik detallarının yeyilmələrini
sürətləndirməklə bərabər yanma kamerasında qurumun əmələ gəlməsinə səbəb olur. Bunun
nəticəsində isə mühərrikin istilik rejimi pozulur, karter yağının köhnəlmə prosesi sürətlənir,
yanacaq sərfi artır. Qurumun və həmçinin sorma kollektorunda çöküntülərin yaranma
səbəblərindən biri də benzinin tərkibində qatranlı birləşmələrin olmasıdır. Buna görə standartda
benzinin tərkibində qatranlı birləşmələrin olması məhdudlaşdırılır (istehsalatda - 7mq/100ml,
istismarda -15 mq/100 ml).
Mühərrik detallarının yeyilməsində mineral və üzvü turşuların, həmçinin qələvilərin də
rolu az deyil. Dövlət standartına görə yanacaqların tərikbində göstərilən zərərli birləşmələr
olmamalıdır. Buna görə benzinlərin tərkibi kəmiyyət nöqteyi-nəzərindən deyil, keyfiyyətcə
yoxlanılır, yəni turşuların və qələvilərin miqdarı deyil, ancaq onların olub-olmaması təyin edilir.
Dizel yanacaqları. Bu yanacaqların mühərrikin detallarının yeyilmə şiddətinə təsir
edəm əsas istisrmar parametrləri aşağıdakılardır: yanacağın özlülüyü, öz-özünə alışma
33
qabiliyyəti, fraksiya tərkibi, yanacağın tərkibində kükürdlü, qatranlı, mexaniki qarışıqların
olması, suyun miqdarı.
Dizel yanacaqlarının istismar keyfiyyətlərini xarakterizə edən əsas fiziki-kimyəvi xassələri
aşağıdakı kimi qruplaşdırmaq olar:
а) yanacağın vurulmasını müəyyən edən — yanacağın özlülüyü, aşağı temperatur xassələri,
mexaniki qarışıqların və suyun olması;
b) yanıcı qarışıq əmələ gətirməni müəyyən edən — özlülük, sıxlıq,fraksiya tərkibi, doymuş
buxarların təzyiqi, səthi gərilmə, yanacaq buxarlarının ətraf mühitə diffuziya etmə qabiliyyəti,
gizli buxarlanma istiliyi, istilik tutumu;
c) yanmanı müəyyən edən — öz-özünə alışma qabiliyyəti, setan ədədi.
Dizel mühərriklərində işçi qarışığının hazırlanmasında və yanmasında yanacağın özlülüyü
əsas rol oynayır. Özlülük yanacaq nasosunun və forsunkanın ömür uzunluğuna da təsir edir.
Yanacağın özlülüyü normadan kiçik olduqda şırnağın konus bucağı artır, yanacağın yanma
kamerasına nüfuz etmə qabiliyyəti azalır (eyni cinsli işçi qarışığı hazırlanması baxımından),
forsunka və yanacaq nasosunun birləşmələrindən sızmalar meydana çıxır, detalların yeyilməsi
artır. Yüksək özlülüyə malik dizel yanacağından istifadə etdikdə isə onun püskürmə qabiliyyəti
pisləşir, müəyyən hissəsi qurumun əmələ gəlməsinə səbəb olur, işçi qarışığının hazırlanma
prosesi pisləşdiyi üçün yanacaq sərfi artır, işlənmiş qazlar tüstülü çıxır. Yanacağın özlülüyü ilə
əlaqədar olan zərərli proseslərin qarşısını almaq üçün onun kinematik özlülüyü normalaşdırılır.
Müasir dizel yanacaqlarının kinematik özlülüyü (20°C-də) 1,5-6 sSt. arasında dəyişir.
Dizel yanacağının əsas istismar keyfiyyətlərindən biri onun öz-özünə alışma qabiliyyətidir.
Alışdırma mənbələri olmadan yanacağın alışma (alovlanma) xüsusiyyətinə onun öz-özünə alışma
qabiliyyəti deyilir. Mühərrikin normal işləməsi üçün yanacaq vaxtında alışmalı, səlis yanmalı,
silindrlərdə təzyiq müntəzəm artmalıdır. Ancaq bu halda mühərrik yumşaq rejimdə işləyə bilər.
Yanacaq vaxtında alışmasa (geciksə) mühərrik sərt rejimdə işləməli olur ki, bu da benzin
mühərriklərində detonasiya ilə yanmanı xatırladır. Dizel mühərriki sərt rejimdə işlədikdə onun
detalları həddindən çox yüklənir, tez sıradan çıxır, mühərrikin gücü aşağı düşür, yanacaq sərfi
artır.
Dizel yanacağının öz-özünə alışma qabiliyyəti setan ədədi ilə qiymətləndirilir. Setan ədədi
bir silindrli mühərrikdə sınaq üsulu ilə (tədqiq edilən yanacaq və etalon qarışıqda işlətməklə)
təyin edilir. Etalon yanacaq kimi iki karbohidrogenin qarışığı götürülür ki, bunlardan biri (setan -
) asan, digəri isə (α - metilnaftalin) çətin alışır. Göstərilən iki karbohidrogen qarışığındakı
setanın %-lə miqdarı yanacağın setan ədədini göstərir ki, bu da verilmiş (etalon) yanacağın öz-
özünə alışma qabililyyətinə bərabərdir.
Setan ədədi yanacağın tərkibində olan karbohidrogenlərin sinfindən asılıdır. Parafin
karbohidrogenləri olan yanacaqların setan ədədi ən böyük, aromatik karbohidrogenləri olan dizel
yanacaqlarının setan ədədi isə kiçik olur. Naften karbohidrogenləri aralıq hal təşikl edirlər.
Mühərrikin işə salınma anındakı yeyilmələrini azaltmaq üçün setan ədədi yüksək olmalıdır ki,
soyuq havalarda mühərrik asanlıqla işə düşsün. Setan ədədi xüsusi aşqarlar vasitəsilə yüksəldilir.
Yüksək aşqar kimi ən çox izopropilnitrat istifadə edilir. Lakin setan ədədinin normadan böyük
olması həm texniki və həm də iqtisadi cəhətdən əlverişli deyil. Belə ki, setan ədədi 60-dan çox
olduqda, yanacaq silindrə düşən kimi sürətlə buxarlanaraq hava ilə tam qarışa bilmir. Bunun
nəticəsində natamam yanma gedir, mühərrikin qənaətliliyi təmin edilmir.
Dizel yanacaqlarının fraksiya tərkibi onun buxarlanma qabiliyyətini xarakterizə edir.
Yüngül fraksiya tərkibinə malik dizel yanacaqlarının buxarlanma qabiliyyəti yaxşı olmadığı
üçün alışma vaxtında getmir, mühərrik aşağı temperaturlarda çətin işə düşür. Dizel
yanacaqlarının fraksiya tərkibini xarakterizə etmək üçün onların 10, 50, 90, 96 və 98%-nin
qovulma temperaturları verilir.
Mühərrik detallarının yeyilməsinə təsir edən əsas amillərdən biri yanacağın tərkibində
kükürdün olmasıdır. Xüsusən soyutma sistemində temperatur aşağı olduqda bu xüsusiyyət özünü
daha çox büruzə verir. Tədqiqatlar göstərir ki, soyutma sistemində suyun temperaturu 70°C-dən
35°C-yə düşdükdə detalların yeyilmə dərəcəsi təxminən 4 dəfə artır. Bu cəhətdən mühərrikin