22
sahəsində aparıcı rol oynaması gözlənilsə də, bütün üç tənzimləmə orqanı maliyyə məhsulları
sahəsində istehlakçı təhsilinin təşviqi üçün konkret cavabdehlik daşımalıdırlar.
Maliyyə təhsili sahəsində milli proqram yaradılmalıdır. Məktəb sistemi maliyyə təhsili
sahəsində uzun müddətli proqramın həyata keçirilməsinin vacib metodu olmalıdır. Yuxarı sinif
şagirdləri üçün də proqramlar olmalıdır. Təhsil Nazirliyi ibtidai sinif şagirdləri üçün artıq maliyyə
vərdişləri üzrə müəyyən treyninqləri də özündə əks etdirən “həyat vərdişləri” proqramını tətbiq
etmkdədir. Lakin, təhsil üçün maliyyə məsələləri ilə bağlı alətlər dəstlərini və texniki təcrübəni
tələb edir. Sığorta Nəzarəti İdarəsi və Qiymətli Kağızlar üzrə Dövlət Komitəsi ilə birlikdə, AMB,
Təhsil Nazirliyi ilə təlim proqramının hazırlanması üzrə iş aparmalıdır. Tədris proqramının
hazırlanmasında, həmçinin, peşəkar maliyyə assosiasiyaları, istehlakçıları təmsil edən qurumlar
(misal üçün, istehlakçıların QHT-ləri) və müəllimlər assosiasiyalarının nümayəndələri iştirak edə
bilərlər. AMB və digər maliyyə nəzarəti orqanları Təhsil Nazirliyini dərsliklərin və digər tədris
materiallarının hazırlanmasında və “müəllimlərin öyrədilməsi” proqramının yaradılmasında
texniki ekspert məsləhətləri ilə təmin etməlidirlər. Materiallar, həmçinin, digər nazirliklər və
təşkilatlara təqdim edilməlidir ki, onlar, tədris materiallarını onların müvafiq sektorlarında
paylaşdıra bilsinlər. İqtisadi İnkişaf Nazirliyinin regional idarələri fəaliyyətə yeni başlayan və
artıq fəaliyyət göstərən sahibkarların maliyyə savadlılığının artırılmasında mühüm rol oynaya
bilər.
Azərpoçt da maliyyə təhsilinin təkmilləşdirilmsində rol oynaya bilər. Dövlət Poçt İdarəsi
əhalinin maliyyə xidmətlərinə çıxış imkanlarının artırılması üçün ölkə miqyasıında proqram
üzərində işləyir. Proqramda həmçinin maliyyə xidmətlərinin keyfiyyətinin yüksək səviyyədə
olmasının təmin edilməsi da nəzərdə tutulmalıdır. Ölkə miqyasında yayılmış 1200 şöbəsi ilə
Azərpoçt ev təsərrüfatlarına məlumatların təqdim olunması və maliyyə xidmətləri istehlakçıları
kimi onların öz hüquqları və öhdəlikləri barəsində məlumatlılığının artırılmasında əhəmiyyətli rol
oynaya bilər.
Maliyyə savadlılığı sahəsində sorğular
Maliyyə təhsili proqramının birinci mərhələsi Azərbaycanda maliyyə potensialının
səviyyələri ilə bağlı ölkə miqyasında sorğunun hazırlanmasından ibarət olmalıdır. Sorğu
ətraflı və seqmentləşdirilmiş olmalıdır. O, coğrafi ərazi, sosial-iqtisadi səviyyə, cins, ailə
vəziyyəti, ev təsərrüfatının gəliri, rəsmi təhsilin səviyyəsi, peşə və milliyət üzrə seqmentlərə
bölünmüş Azərbaycanın bütün əsas əhali qruplarını əhatə etməlidir. Sorğu digər ölkələrdə
keçirilmiş maliyyə savadlılığı sorğuları əsasında hazırlanmalı, lakin, Azərbaycanın konkret
vəziyyətinə uyğunlaşdırılmalıdır.
Ölkə miqyasında maliyyə savadlılığı sorğuları az ölkədə keçirib. Bu günədək, bu cür sorğular
yalnız Birləşmiş Krallıq, Avstraliya, Yeni Zelandiya, Fransa, Macarıstan, Kanada və İrlandiyada
(hal-hazırda həyata keçirilir) həyata keçirilmişdir. Digər sorğular bir çox ölkədə özəl sektora aid
olan təşkilatlar tərəfindən keçirilib, lakin onlardan heç biri, maliyyə təhsili sahəsində hökumətin
siyasətini şərtləndirə biləcək ölkə miqyasında nəticələri təmin etməyib. Bununla Azərbaycan yeni
inkişaf edən bazarlar arasında hökumətin maliyyə dəstəyi ilə milli miqyasda sorğunu keçirəcək
ilk ölkə olacaq və maliyyə savadlılığı sahəsində digər yeni inkişaf edən ölkələr üçün rəhbərliyi
təmin edəcəkdir.
Sorğu anketin yoxlanması və təkrar yoxlanması üçün iki pilot sorğunun hazırlanmasını
tələb edə biləcək. Digər ölkələrdə keçirilmiş maliyyə savadlılığı sorğularına əsasən seçicilərin
2.000-3.000 iştirakçıdan ibarət olması mümkündür. Sorğu doldurulmasına təxminən bir saat tələb
olunan anketlə notbuklardan istifadə etməklə həyata keçiriləcək. Hər üzbəüz müsahibə üçün tələb
olunan vaxtı nəzərə alaraq, yetərli seçim həcminin əldə edilməsinə qədər 16.000-24.000 şəxsin
müqavilə əsasında cəlb olunması tələb oluna bilər. Sorğuya yalnız maliyyə savadlılığının mövcud
23
səviyyəsi ilə bağlı suallar deyil, həmçinin, Avrobarometr Aİ-nin üzv ölkələri üçün hazırladığı
kimi, istehlakçıların etimadı haqqında suallar daxil ola bilər.
Mövcud resursları və statistik potensialı nəzərə alaraq, AMB sorğuya nəzarət etmək üçün
ən yaxşı mövqeyə malik olacaqdır. AMB-nin rolu yerinə yetirilməli işin həcminin müəyyən
edilməsi, tender prosesinin həyata keçirilməsi və sorğunu keçirən şirkətlər tərəfindən görülən işə
nəzarətdən ibarət olacaq. AMB, həmçinin, maliyyə sorğuları sahəsində beynəlxalq təcrübənin
Azərbaycanın kontekstinə uyğunlaşdırılması üçün zəruri yerli bilikləri təmin edəcəkdir.
İlkin səviyyə baza təhlili qismində keçiriləcək və ondan üç-beş il sonra təkrar sorğular
keçiriləcəkdir. İlkin sorğu yalnız paytaxtda deyil, həmçinin, kənd ərazilərində maliyyə
savadlılığının mövcud səviyyəsinin baza qiymətləndirməsini təmin edəcək. O, həmçinin,
seqmentləşdiriləcəkdir ki, xüsusi qruplar üçün ünvanlı proqramların yaradılması mümkün olsun.
Misal üçün, kənd ərazilərində plastik debet kartlarının istifadəsi çətinliklər yaratmışdır, çünki
bütün dövlət pensiyaları – və dövlət tərəfindən ödənilən əmək haqları – birbaşa deposit vasitəsilə
ödənilir və resipientlərdən vəsaitdən bankomatlar vasitəsilə istifadə edilməsini tələb edir. Bəzi
benefisiarlar üçün bu bankomatdan istifadə edə bilən vasitəçinin köməyindən istifadə edilməsini
tələb etmişdir. Maliyyə savadlılığı sorğusundan əldə ediləcək məlumatlarla maliyyə təşkilatları
yeni benerisiarlara bankomatlardan istifadə etməyi öyrənməyə kömək edən proqramları hazırlaya
biləcəklər.
Baza maliyyə savadlılığı sorğusunun nəticələri maliyyə təhsili üzrə milli proqramın
təkmilləşdirilməsi üçün istifadə edilməlidir. Sorğunun hazırlanması, həyata keçirilməsi və
təhlil edilməsi iki-üç il müddəti tələb oluna bilər. Eyni zamanda milli maliyyə təhsili proqramı ən
azı pilot əsasda yaradılmalıdır. Sorğunun başa çatdırılmasından sonra, maliyyə təhsili üzrə
proqrama sorğu nəticəsində qaldırılmış məsələləri nəzərə alan dəyişikliklər edilməlidir. Ondan
sonra, proqramın səmərəliliyinin və tələb oluna biləcək dəyişikliklərin müəyyən edilməsi üçün
əlavə sorğulardan istifadə etmək olar.
Həm sorğunun nəticələri, həm metodologiya dərc olunmalıdır və dünyanın maliyyə
tənzimləyicilərinə onları asanlıqla əldə etmək imkanları yaradılmalıdır. Birləşmiş Krallığın
Maliyyə Xidmətləri İdarəsi tərəfindən həm nəticələrin, həm ətraflı metodologiyanın dərc edilməsi
beynəlxalq ictimaiyyətə Birləşmiş Krallıqda həyata keçirilmiş işdən faydalanmağa imkan
vermişdir. Azərbaycan oxşar yanaşmanı qəbul etməlidir.