14
Digər təşkilatlar, həmçinin, istehlakçılardan şikayətlər almışdır. İqtisadi İnkişaf Nazirliyinin
Antiinhisar Departamenti maliyyə xidmətləri ilə bağlı ildə yalnız bir-iki şikayət alır. Lakin, qeyri-
hökumət təşkilatı olan Müstəqil İstehlakçılar Birliyi işçi heyətində ixtisaslaşmış ekspertlərin
olmamasına baxmayaraq maliyyə istehlakçılarından gündə üç-dörd zəng qəbul edir. Şikayətlər bir
qayda olaraq binada yanğının baş verməsindən sonra təminatın tam məbləğini ödəməkdən imtina
etmiş sığorta şirkəti, udmuş nömrələr kartdan kənar müəyyən edilən lotereya, ölkə xaricində
işləməmiş beynəlxalq kredit kartı ilə bağlı idi. Şikayətlərdən görünür ki, həll edilməli ilk
məsələlərdən biri Azərbaycanda maliyyə savadlılığının zəif səviyyəsidir.
Əsas nəticələr və tövsiyələr
Azərbaycanda istehlakçı hüquqlarının müdafiəsi və maliyyə savadlılığının artırılması üzrə
iki mərhələli prosesin həyata keçirilməsi nəzərdə tutulur. Birinci mərhələnin diqqət
mərkəzində maliyyə xidmətləri istehlakçılarının hüquqlarının təkmilləşdirilməsi üçün qanun və
normativ aktlara yenidən baxılması olacaq. İkinci mərhələdə, təşkilatların (xüsusilə QHT
sektorunda) istehlakçıların həm hüquqları, həm də öhdəlikləri haqqında agahlığının artırılması
üzrə potensialın gücləndirilməsinə prioritetlik verilməlidir.
Hüquqi və institusional çərçivə
Maliyyə istehlakçılarının hüquqlarının müdafiəsi üzrə hüquqi çərçivə gücləndirilməlidir.
Kreditlərin sürətli artımı müşahidə edilən mühitdə istehlakçının hüquqlarının müdafiəsi və təhsil
üzrə səmərəli rejimin yaradılmasını nəzərdən keçirmək zərurətini daha da artır. İstehlak kreditləri
Mülki Məcəllənin müddəaları, 2004-cü ilin Banklar haqqında Qanunu, bu yaxınlarda qəbul
olunmuş Mühasibat Uçotu haqqında Qanun, 1995-ci ilin İstehlakçı Hüquqlarının Müdafiəsi
haqqında Qanun və Reklam haqqında 1997-ci ilin Qanunu ilə tənzimlənir. İstehlakçı hüquqlarının
müdafiəsi ilə bağlı müddəalar hal-hazırda Milli Məclisdə müzakirə olunan Bank Olmayan
Maliyyə Təşkilatları haqqında qanun layihəsinə daxil edilmişdir. Lakin, İstehlak Krediti haqqında
Aİ Direktivi (hal-hazırda müzakirə olunur) hələ ki, icra olunmayıb. Bundan əlavə, Azərbaycanın
borcların yığılması ilə bağlı haqsız hərəkətləri qadağan edən və səyyar satışlar və ya internet və
ya telemarketinq vasitəsilə satılan maliyyə məhsullarının qaytarılması üçün ayrılan müddətləri
müəyyən edən ətraflı qanunları yoxdur. İlkin tədbir olaraq, məhsulun qaytarılmasına yeddi gün
müddətinin ayrılması faydalı olardı. Lakin, 2010-cu ildən sonra Aİ-də məhsulun qaytarılması
üçün 14 gün müddətinin tətbiq edilməsindən sonra, həmin müddət 14 günə uzadılmalıdır.
Maliyyə istehlakçılarının hüquqlarının müdafiəsi üzrə institusional mexanizmlər də
gücləndirilməlidir. AMB-də istehlakçı hüquqlarının müdafiəsi qrupu var və Antiinhisar
Fəaliyyəti haqqında cari Qanuna və Rəqabət Məcəlləsinin layihəsinə uyğun olaraq, İqtisadi
İnkişaf Nazirliyi nəzdində Antiinhisar departamenti rəqabət sahəsində maliyyə istehlakçılarının
hüquqlarının müdafiəsi məsələləri üzrə səlahiyyətlərə malikdir. Lakin, maliyyə istehlakçılarının
hüquqları üçün maliyyə ombudsmanı və ya məhkəmələrdən başqa mübahisələrin həlli üzrə digər
alternativ mexanizm mövcud deyil.
QHT-ların maliyyə istehlakçılarının hüquqlarının müdafiəsi sahəsində fəaliyyətləri
məhduddur. Azərbaycanın Müstəqil İstehlakçılar Birliyi bütün sahələrdə istehlakçı hüquqlarının
müdafiəsi üzrə iş aparır və maliyyə məsələləri sahəsində ixtisaslaşmır. Əlavə olaraq, Azərbaycan
Miromaliyyə Assosiasiyası (AMA) istehlakçı hüquqlarının müdafiəsi məsələlərində iştirak edir,
lakin onun iştirakı istehlakçılar deyil, əsasən fərdi sahibkarlarla bağlıdır.
15
İlk addım olaraq, AMB haqqında Qanuna AMB-ə bank və mikromaliyyə sektorunda
istehlakçı hüquqlarının müdafiəsi üzrə səlahiyyətlərin verilməsini nəzərdə tutan
dəyişikliklər edilməlidir. AMB haqqında Qanun AMB-ə bank sektorunun sabitliyinin təmin
edilməsi və əmanətçilər və kreditorların hüquqlarının müdafiəsi üçün bank sektoruna nəzarət
etmək səlahiyyətini verir. Maliyyə istehlakçılarının hüquqlarının müdafiəsi həmin müddəada
nəzərdə tutula bilər, lakin, AMB-nin səlahiyyətlərini müəyyən edən qanunvericilikdə maliyyə
istehlakçılarının hüquqlarının müdafiəsi ilə bağlı dəqiq müddəaların olması daha məqsədyönlü
olardı.
İstehlakçıların müdafiəsi AMB-nin funksiyasının tərkib hissəsi olmalıdır. İstehlakçı
hüquqlarının müdafiəsi və prudensial nəzarət arasında maraqların toqquşması halları
qarşısıalınmazdır. Lakin, beynəlxalq təcrübədən görmək olar ki, iki funksiyanın iki təşkilat
əvəzinə bir təşkilatda cəmləşməsi Azərbaycan üçün daha yaxşı seçimdir. İstehlakçı hüquqlarının
müdafiəsi üzrə səlahiyyətlərin maliyyə nəzarətini həyata keçirən təşkilata verilməsi bəzi hallarda
mübahisələr yaradır, çünki maliyyə istehlakçılarına kömək etmək üçün görülən tədbirlər bəzi
hallarda bank sektorunun mənfəətlərinə və bununla maliyyə sabitliyinə zərər gətirə bilər. Lakin,
Birləşmiş Krallığın və İrlandiyanın təcrübəsi onu göstərir ki, bu cür mübahisələrin yaranması
qaçılmazdır və iki təşkilat arasında mübahisənin həll edilməsi əvəzinə, istənilən mübahisənin bir
təşkilat daxilində həll edilməsi daha məqsədəmüvafiqdir. Bundan əlavə, təşkilatlar aşkar etdilər
ki, istehlakçı hüquqlarının müdafiəsi ilə bağlı məsələlərin araşdırılmasından çıxarılan nəticələr
prudensial nəzarət üçün əhəmiyyətlidir. Bununla yanaşı, orta müddətli dövrdə istehlakçıların
güclü müdafiəsi maliyyə institutlarına ictimai inamın yaradılmasına və beləliklə də, maliyyə
sektorunun dərininə fəaliyyətinin və sabitliyinin genişləndirilməsinə köməklik göstərəcəkdir.
AMB yaxın müddətdə Azərbaycan Respublikasının Milli Bankı haqqında Qanuna dəyişikliklərin
edilməsini nəzərdən keçirir. Yenidən baxılmış qanunvericiliyə istehlakçı hüquqlarının müdafiəsi
üzrə səlahiyyətin daxil edilməsi məqsədyönlü olar.
İstehlakçı hüquqlarının müdafiəsi üzrə dəqiq vəzifələr qiymətli kağızlar və sığorta
sahəsində nəzarət orqanları ilə bağlı qanunvericilikdə əks olunmayıb. Sığorta fəaliyyəti
haqqında yeni qanunda yalnız müəyyən edilir ki, Dövlət Sığorta Nəzarəti Xidməti sığortaçılar,
sığortalılar və sığorta bazarının digər iştirakçılarının hüquqları və maraqlarının müdafiəsi üzrə
tədbirlər görməlidir. Mülki Məcəlləyə qiymətli kağızlar bazarında investorların müdafiəsi ilə
bağlı oxşar müddəalar daxildir.
Maliyyə nəzarəti orqanları maliyyə təşkilatları üçün yaxşı işgüzar davranış üzrə geniş
prinsiplərə əsaslanan işgüzar davranış haqqında qaydaların hazırlanması üzrə müvafiq
peşəkar assosiasiyalarla birgə iş aparmalıdır. Ümumi olaraq, həmin prinsiplər tənzimləmə
obyekti olan maliyyə xidmətlərinin təchizatçılarından aşağıdakıları tələb etməlidirlər:
1)
Müştərilərin maraqlarını öz sahiblərinin maraqları ilə tarazlaşdıraraq, vicdanla və
ədalətlə davranmaq;
2)
Müştərilərlə bütün məsələlərdə peşəkar səviyyədə, qayğı və
diqqətlə davranmaq;
3)
Müştərilərdə hər hansı məhsulun və ya xidmətin üstünlükləri və çatışmazlıqları ilə bağlı
yanlış təsəvvür yaratmamaq;
4)
Müştərilərə yalnız yararlı məhsulun və ya xidmətlərin satılmasını təmin etmək üçün
onlardan lazımi səviyyədə aidiyyəti məlumatları tələb etmək;
5)
Faiz dərəcələri, xidmət haqları və komisyon haqlar və təminatla bağlı tələblər daxil
olmaqla, bütün aidiyyəti mühüm məlumatları sadə dildə tam açıqlamaq;
6)
Maraqların münaqişəsi hallarının qarşısını almağa çalışmaq; və
7)
Səhvləri aradan qaldırmaq və şikayətləri sürətlə, səmərəli və ədalətli qaydada həll etmək.
Həmin prinsiplər istehlakçı hüquqlarının (və öhdəliklərinin) geniş parametrlərini
tənzimləyən və bütün müştərilərə ədalətli və vicdanla yanaşması üzrə standart müddəaları
daxil edən İstehlakçı Hüquqlarının Müdafiəsi Məcəlləsinin (və ya Davranış Kodeksinin)