Azərbaycan və avropa şurasi
Yüklə 1,11 Mb. Pdf görüntüsü
|
64 Azərbaycanın ümummilli mənafeyini qorumaq vəzifəsini bir daha inamla, heç bir şərt qəbul etmədən prinsipiallıqla yerinə yetirməsi olmuşdur. AŞ PA-nın 2003-cü il payız sessiyasında Avropa Şurasında müşahidəçi statusu ilə təmsil olunan dövlətlərdə ölüm cəzasının ləğvi, təşkilatla qeyri-hökumət qurumları arasında münasibətlər, milli azlıqların hüquqları, miqrasiya və sığınacaq sahəsində ümumi siyasət və digər məsələlər müzakirəyə çıxarılmışdır. Sessiyada iştirak edən Azərbaycan nümayəndə heyətinin üzvləri müzakirələrə qatılaraq müəyyən məsələlərə öz münasibətlərini bildirmişlər. Sessiyanın gedişi zamanı müxtəlif komitələrdə yığıncaqlar keçirilir. Monitorinq komitəsinin iclasında ölkəmizdə olmuş komitə üzvü Martines Kassan öz səfəri barədə məlumatında Azərbaycanda siyasi vəziyyət, seçkiqabağı proseslər, seçki kampaniyasının aparılması ilə bağlı məsələlərə toxunur. Komitənin digər üzvü, macarıstanlı deputat isə qərəzli mövqe tutaraq heç bir fakta əsaslanmadan guya ölkəmizdə demokratik ideyalara təzyiq göstərildiyini qeyd etmişdir. Xatırladaq ki, bu deputat artıq deputatlıq səlahiyyəti bitmiş belçikalı Corc Kleyfartı ölkəmizə qarşı qərəzli mövqe tutmaqda həmişə dəstəkləmişdir. Azərbaycan nümayəndəsi onun ölkəmizdə gedən demokratik inkişaf barədə digər deputatlarda yanlış təsəvvür yaratmaq səyinə qarşı kəskin etirazını bildirərək komitədə belə neofaşist fikirlərin səslənməsinə son qoymağa çağırmış, müstəqil Azərbaycan dövlətinə, ölkəmizdə bərqərar olan demokratik proseslərə hörmətlə yanaşmağı tələb etmişdir. Eyni zamanda, o, komitə üzvlərinin diqqətini Azərbaycanda demokratik təsisatların normal işləməsinə, seçkiqabağı kampaniyanın demokratik şəkildə aparılmasına, müxalifətin seçkilərdə iştirakına tam şərait yaradılmasına, hətta AŞ PA deputatlarının onların yaratdıqları internet saytlarına daxil olaraq apardıqları kampaniya ilə ətraflı tanış ola bildiklərinə yönəltmişdir. Deputatımızın Azərbaycanda demokratik seçkilər keçiriləcəyi, xalqımızın öz iradəsini ifadə edərək prezidentini seçəcəyi barədə məlumatını komitə üzvləri böyük razılıq hissi ilə qarşılamışlar. AŞ PA-nın Elm, təhsil və mədəniyyət komitəsinin növbəti iclasında Ermənistan xarici işlər naziri Vardan Oskanyanın sessiyanın gedişi zamanı Strasburqda Avropa Şurasının Baş katibi Valter Şvimmerə şəxsən təqdim etdiyi məktub, parlamentin üzvünün isə bu beynəlxalq quruma ünvanladığı bir neçə sənədlə əlaqədar məsələ müzakirə olunmuşdur. Məktub və sənədlərdə Naxçıvan Muxtar Respublikasının Culfa rayonu ərazisində ermənilərə məxsus qəbiristanlıq və qədim abidələrin olduğu və onların dağıdıldığı iddia edilmiş, Avropa Şurasından bu barədə ciddi ölçü götürmək xahiş olunmuşdur. Xatırladaq ki, hələ aprel ayında məsələ ilə əlaqədar Ermənistan nümayəndə heyəti Elm, təhsil və mədəniyyət məsələləri komitəsinə müraciət etmişdi. Ermənilərin bu təşvişi həmin dövrdə Milli Məclisin deputatının AŞ PA sessiyasında — Cənubi Qafqazda mədəniyyətin vəziyyəti barədə məruzəsində işğal 65 edilmiş ərazilərimizdəki milli-mədəni sərvətlərin ermənilər tərəfindən dağıdılması haqqında məlumatından irəli gəlmişdir. Komitə üzvləri Avropa Şurası Katibliyində həmin materiallarla yaxından tanış olmuş və bununla bağlı müzakirə keçirmişlər. Müzakirə zamanı Culfa rayonu ərazisindəki qəbiristanlığın və digər abidələrin alban tayfalarına məxsus olduğu, başqa dövlətlərin mədəni irsinə kölgə salmağa vərdiş etmiş ermənilərin həmin abidələri öz adlarına çıxdığı, Ermənistan tərəfindən işğal edilmiş ərazilərimizdə, habelə Ermənistan ərazisində olan və YUNESKO-nun rəsmi qeydiyyatından keçmiş abidələrimizin dağıdıldığı konkret faktlarla açıqlanmış, həmişə dünya ictimaiyyətinin diqqətini əsas məsələdən yayındırmağa çalışan ermənilərin növbəti bəhanələrinin əsassız olduğu bildirilmişdir. İşğal altında olan ərazimizdəki qədim Azıx mağarasında ermənilərin bir neçə ölkənin mütəxəssisləri ilə birlikdə qazıntılar aparmaları barədə Azərbaycanın xarici işlər naziri V.Quliyevin Avropa Şurasının Baş katibinə göndərdiyi məktub və onun məzmunu xatırladılmışdır. Məktubda xalqımızın milli sərvəti olan Azıx mağarasında aparılan qazıntılara kəskin etiraz bildirilmiş, mədəniyyət abidələrinin qorunması barədə beynəlxalq konvensiyanın dördüncü maddəsinin ciddi şəkildə pozulduğu vurğulanmışdır. Geniş və qızğın müzakirələrdən sonra komitə Cənubi Qafqazın hər üç ölkəsində məsələni yerindəcə araşdırmaq üçün müstəqil ekspertlər qrupunun yaradılmasını məqsədəuyğun saymışdır. Xatırladaq ki, ermənilər Gürcüstan ərazisində də onlara məxsus abidələrin dağıdıldığını iddia edirlər. Komitə ekspertlər qrupunun fəaliyyəti üçün şərait yaradılması barədə hər üç ölkəyə müraciət etməyi, sənədlərdə göstərilən yerlərə qrupun səfərinin təşkili, onun məlumatının komitədə, əgər ciddi məsələlər üzə çıxarsa, AŞ PA-nın sessiyalarının birində müzakirəyə çıxarılması üçün Avropa Şurasının rəhbərliyinə müraciət etmək barədə qərar çıxarmışdır. Azərbaycan nümayəndə heyətinin uğurları ilə bağlı çoxlu fakt göstərmək olar. Təşkilata tamhüquqlu üzv olduğumuz qısa müddət ərzində AŞ PA-nın iki mühüm komitəsinin Qaçqınlar və miqrasiya, İqtisadi məsələlər üzrə komitələrinin iclasları Bakıda keçirilmişdir. İqtisadi məsələlər üzrə komitənin iclası çərçivəsində Xəzərin hüquqi statusu və enerji sərvətlərinin istismarı ilə bağlı seminarın keçirilməsi xüsusi qeyd edilməlidir. AŞ PA-nın müvafiq strukturlarının təklifi ilə bu iclasın və seminarın işinə nümayəndə heyətimizin rəhbəri İlham Əliyev sədrlik etmişdi. Digər fakt: bu dövr ərzində nümayəndə heyətimizin üzvlərindən biri AŞ PA-nın çox mühüm komitəsi olan monitorinq, yəni, üzv ölkələrdə öhdəliklərin yerinə yetirilməsinə nəzarət üzrə komitənin üzvü seçilmiş, nümayəndə heyətinin başqa bir üzvü isə Elm, təhsil və mədəniyyət komitəsinin Cənubi Qafqaz üzrə məruzəçisi təyin olunmuşdu. Göründüyü kimi, Azərbaycan nümayəndə heyəti digər beynəlxalq qurumlara nisbətən daha çox bu təşkilatda uğur qazanmışdır. Sözsüz ki, bu, nümayəndə heyətinin rəhbəri İlham Əliyevin nüfuzu ilə bağlıdır. Yüklə 1,11 Mb. Dostları ilə paylaş:
|