Azərbaycan və avropa şurasi
Yüklə 1,11 Mb. Pdf görüntüsü
|
66 Ümumiyyətlə, AŞ PA-da Azərbaycan parlament nümayəndə heyətinin fəaliyyəti təqdirəlayiqdir. Hadisələrin inkişafı göstərir ki, Avropa ictimaiyyəti Azərbaycan həqiqətlərinə biganə deyil və Ermənistanın ölkəmizə qarşı hərbi təcavüzünün doğurduğu ağır nəticələrin aradan qaldırılmasına öz töhfəsini verə bilər. Azərbaycan nümayəndə heyətinin nailiyyəti bu mənada indiyə qədər eyni qəbildən olan fəaliyyət görsəntilərindən məhz qaldırılan problemlərin Avropa müstəvisinə maksimum yaxınlaşdırılması xüsusiyyətləri ilə fərqlənir. Məlum məsələdir ki, AŞ PA öz tərkibinə görə çoxspektrli bir qurum olduğundan, burada bir-birinə zidd siyasət yeridən, dövlət maraqları qlobal miqyasda toqquşan ölkələrin nümayəndələri toplaşır, üstəlik, onların siyasi baxışları çoxcəhətlidir. Belə bir geniş auditoriyada yalnız ümumdünya və Ümumavropa əhəmiyyətli problemlərdən bəhs etməklə, siyasi baxış və görüşlər fərqinə yüksəlməklə uğur qazanmaq mümkündür. AŞ PA-da nümayəndə heyətimizin üzvləri Azərbaycanın milli maraqları ilə bağlı məsələlərdə siyasi ambisiyalarını bir kənara qoyduqları, Azərbaycanın haqq səsini dünya ictimaiyyətinə çatdırmağa çalışdıqları üçün bu mühüm beynəlxalq qurumda çox dəyərli sənədlərin qəbuluna nail olublar. Ermənistandan fərqli olaraq, Azərbaycanın Avropa Şurası qarşısında götürdüyü öhdəliklərin hamısına vaxtlı-vaxtında əməl etməsi, cənab İlham Əliyevin sözləri ilə desək, uzun illər ərzində Avropa ölkələrinin keçdiyi yolu qısa bir zamanda keçmək istəməsi, Azərbaycanın rəsmi mövqeyini ifadə edərək beynəlxalq təşkilatda Ermənistan nümayəndə heyəti ilə əlaqələr yaratmaqdan imtina edilməsi — bütün bunlar insan hüquqları və demokratikləşmə prosesinin sistemli şəkildə irəli getdiyindən xəbər verir. Beləliklə, səmərəli fəaliyyətin nəticəsi olaraq Azərbaycanın təmsilçisi bu mötəbər beynəlxalq təşkilatda əsas söz sahiblərindən birinə çevrilmiş, AŞ PA-nın siyasi idarəetmə iyerarxiyasında təmsil olunaraq qurumun fəaliyyət istiqamətlərini, siyasətini müəyyənləşdirən rəhbər heyətin üzvü olmaq haqqını qazanmışdır. Bu yüksəliş İlham Əliyevin şəxsində Azərbaycanın qazandığı elə bir uğurdur ki, bir millət olaraq biz bu kimi nailiyyətləri çox az yaşamışıq. 2003-cü il oktyabr ayının 15-də Azərbaycanda keçirilmiş prezident seçkilərində böyük üstünlüklə qalib gəlmiş İlham Heydər oğlu Əliyev Azərbaycan Respublikasının Prezidenti seçildi və bununla əlaqədar olaraq AŞ PA-dakı fəaliyyətini dayandırdı. Onu da qeyd etmək lazımdır ki, Avropa Şurası bu seçkilərə böyük maraq göstərdi və böyük bir nümayəndə heyətini beynəlxalq müşahidəçi qismində seçki prosesini izləmək üçün Azərbaycana göndərdilər. Təşkilat və onun Azərbaycan üzrə məruzəçiləri beynəlxalq standartlara uyğun keçirilmiş prezident seçkilərində cənab İlham Əliyevin qalib gəldiyini rəsmi şəkildə bəyan edərək ölkəmizdə yaranmış yeni siyasi şəraitlə əlaqədar bir sıra təkliflər verdilər. 67 Azərbaycanın AŞ PA-dakı nümayəndə heyəti rəhbərinin müavini, millət vəkili Səməd Seyidov ölkəmizin Avropa Şurasında təmsil olunduğu heyətə rəhbər təyin edildi. AŞ PA-nın 2004-cü il yaz sessiyasında Azərbaycan Respublikasının Prezidenti İlham Əliyevin iştirakı əlamətdar bir tarixə təsadüf edirdi. Dövlət başçımızın AŞ PA-da ölkəmizin nümayəndə heyətinə rəhbərlik etdiyi 3 illik dövr ciddi nailiyyətlərlə yadda qaldı. Azərbaycan Respublikasının Prezidenti İlham Əliyev özü də AŞ PA-da fəaliyyət göstərdiyi illərin onun üçün çox qiymətli olduğunu vurğulayırdı: "Həyatımın bu dövrü mənim üçün, bəlkə də ən maraqlı, mühüm zaman kəsiyidir və bu dövr gələcək fəaliyyətimdə, əlbəttə ki, bugünkü vəzifəmdə də vacib rol oynadı". Azərbaycan Prezidentinə AŞ PA-nın fəxri üzvü diplomu və medalının təqdim olunmasını bu təşkilatın İlham Əliyevin səmərəli fəaliyyətinə və işgüzarlığına verdiyi yüksək qiymət kimi səciyyələndirmək olar. "Biz ən fəal deputat və nümayəndə heyətinin rəhbəri, habelə AŞ PA-nın ən fəal rəhbərlərindən biri, nəhayət, ən fəal dövlət başçısı kimi qiymətləndirdiyimiz Azərbaycan Prezidenti İlham Əliyevi yenidən öz yanımızda görməkdən fərəh hissi keçiririk. Sizin Avropa dəyərlərinə, Avropa Şurasına xüsusi diqqətiniz hamımızda minnətdarlıq hissi doğurmuşdur". Bu sözləri AŞ PA-nın sədri Piter Şider Azərbaycan Prezidentinə fəxri üzv diplomunu və medalını təqdim edərkən söyləyib. Prezidentin ən müxtəlif görüşlərdə, o cümlədən AŞ PA-dakı çıxışında və burada keçirdiyi mətbuat konfransında vurğuladığı məqamlar Azərbaycan haqqında Avropada həqiqi və obyektiv təsəvvürlərin formalaşmasını təmin etməyə istiqamətləndirilmişdir. "The Quardian" qəzeti Azərbaycan Prezidentinin sabiq həmkarları ilə görüşünü tarixi hadisə adlandıraraq qeyd etdi ki, İlham Əliyevin Strasburqa səfəri Ermənistan hakimiyyətini çaşqın duruma saldı. Təsadüfi deyil ki, İlham Əliyevin AŞ PA-da çıxışından bir gün sonra Ermənistan hakimiyyət partiyalarının parlament fraksiyaları bir araya gələrək mövcud vəziyyəti müzakirə etdilər. Ermənistan siyasi dairələrinin bu narahatlığı İlham Əliyevin sessiyada işğalçı rejimin ünvanına söylədiyi sərt ittihamlardan və Ermənistanı ifşa etməsindən irəli gəlirdi. Səfərin nəticələri belə deməyə əsas verdi ki, Avropada Azərbaycana regionun ən inkişaf etmiş ölkəsi kimi baxırlar və respublikamızın iqtisadi tərəqqisini ifadə edən amillər, eyni zamanda demokratiyanın təşəkkülü sahəsində irəliləyişlər müstəqil dövlətimizin yalnız hüquqi anlamda deyil, həm də faktiki baxımdan beynəlxalq birliyin bərabərhüquqlu üzvü kimi özünü təsdiqlədiyini göstərir. 2005-ci il parlament seçkiləri: Qərbə sürətlə inteqrasiya edən və Avropa dəyərlərini mənimsəyən Azərbaycanda və ölkə hüdudlarından kənarda böyük maraqla izlənilən 2005-ci il parlament seçkiləri demokratikləşmə proseslərini sürətləndirən bir çox pozitiv yeniliklərlə yaddaqalan olmuş, nəticə etibarilə xalqın Yüklə 1,11 Mb. Dostları ilə paylaş:
|