72
Üzvlüyə qəbuldan sonra İnsan hüquqları üzrə müvəkkil (ombudsman)
təsisatı yaradıldı. Azərbaycan İnsan Hüquqları üzrə Avropa Konvensiyasına
qoşulduqdan sonra hər bir vətəndaş hüquqlarının pozulduğunu hesab etdiyi
hallarda Avropa Məhkəməsinə müraciət etmək hüququ əldə etdi. Avropa
məhkəməsinə Azərbaycandan olan hakim seçildi.
Ölkədə yüzlərlə qəzet, onlarla jurnal, 30-dan çox müstəqil teleradio şirkəti
fəaliyyət göstərir. "Kütləvi informasiya vasitələri haqqında" qanuna edilən
dəyişikliklər onların daha da müstəqil olmasına şərait yaratdı. İctimai televiziya,
Milli Teleradio Şurası yaradıldı.
Ölkəmiz açıq cəmiyyət olduğunu siyasi sahə ilə yanaşı, iqtisadi sahədə də
sübuta yetirdi. Sahibkarlığın inkişafı üçün bütün maneələr aradan götürüldü, vergi
və gömrük normaları xeyli liberallaşdırıldı. Xarici investisiyaların ölkə
iqtisadiyyatına cəlb edilməsi üçün hüquqi təminat sistemi yaradıldı.
Azərbaycanın Avropa Şurası qarşısında üzərinə götürdüyü öhdəliklərin
hazırkı icra vəziyyəti onu deməyə əsas verir ki, Avropa Şurası Parlament
Assambleyasının 28 iyul 2000-ci il tarixli 222 saylı Tövsiyəsində nəzərdə
tutulan öhdəliklərin əksəriyyəti yerinə yetirilmişdir.
Belə ki, bu sənəddə diqqət tələb edən, zəif, inkişaf etməmiş və demokratiya
proseslərini əngəlləyən halların aradan qaldırılması zərurəti qeyd olunur.
Avropa Şurasının üzərimizə qoyduğu öhdəlikləri 5 əsas qrupa bölmək olar:
Bir sıra vacib Avropa konvensiyalarının ratifikasiyası, Dağlıq Qarabağ
münaqişəsinin sülh yolu ilə həlli, daxili qanunvericilikdə islahatlar, aparılması
insan hüquqlarının vəziyyətini yaxşılaşdırmaq, öhdəliklərin yerinə yetirilməsinin
monitorinqini təşkil etmək.
Göstərilən hər bir kateqoriya isə özündə Avropa Şurasının konkret
müddətlər müəyyən etdiyi bir neçə öhdəliyi birləşdirir.
Beləliklə, öhdəliklərin və onların yerinə yetirilməsinin xronoloji
ardıcıllığına diqqət yetirək.
ÖHDƏLİKLƏR
Dərhal
I. Konvensiyalarla bağlı:
1.
Avropa İnsan Hüquqları Konvensiyasını və onun 1 4, 6 və 7 saylı
protokollarını imzalamaq;
2.
Avropa Şurasının İmtiyaz və immunitetləri haqqında Baş sazişi və ona
əlavə protokolları imzalamaq.
II. Daxili qanunvericiliklə bağlı:
Seçkilər haqqında qanunvericiliyə, xüsusilə Mərkəzi Seçki Komissiyası
haqqında qanuna və seçkilər haqqında qanuna, əvvəlki seçkilər zamanı beynəlxalq
müşahidəçilər tərəfindən irəli sürülmüş tövsiyələri nəzərə almaqla, yenidən
baxmaq.
73
1 il müddətində
Konvensiyalarla bağlı:
1.
Avropa İnsan Hüquqları Konvensiyasını və onun 1, 4, 6 və 7 saylı
protokollarını təsdiq etmək;
2.
İşgəncə və qeyri-insani və ya insan ləyaqətini alçaldan rəftar və ya
cəzanın qarşısının alınması haqqında Avropa Konvensiyasını və onun
protokollarını imzalamaq və təsdiq etmək;
3.
Milli azlıqların müdafiəsi haqqında Avropa Şurasının Çərçivə
Konvensiyasını imzalamaq və təsdiq etmək;
4.
Yerli özünüidarə haqqında Avropa Xartiyasını imzalamaq və təsdiq
etmək;
5.
Avropa Şurasının imtiyaz və immunitetləri haqqında Baş sazişi və ona
əlavə protokolları təsdiq etmək.
daxili qanunvericiliklə bağlı:
1. Avropa Şurası ekspertlərinin qeydlərini nəzərə almaqla, Cinayət
Prosessual Məcəlləni qəbul etmək;
2.
Ombudsman haqqında qanun qəbul etmək;
3.
Korrupsiyaya qarşı mübarizə haqqında qanun qəbul etmək;
4.
Birliklərin qeydiyyatını tənzimləyən normalara və şikayət
prosedurlarına yenidən baxmaq və onlara əlavə və dəyişikliklər etmək.
2 il müddətində
Konvensiyalarla bağlı:
1.
Ərazi birlikləri və hakimiyyət orqanları arasında sərhədaşırı
əməkdaşlıq haqqında Avropa Çərçivə Konvensiyası və onun əlavə protokollarını
imzalamaq və təsdiq etmək;
2.
Ekstradisiya haqqında Konvensiyanı imzalamaq və təsdiq etmək;
3.
Cinayət məsələlərində qarşılıqlı yardım haqqında Konvensiyanı
imzalamaq və təsdiq etmək;
4.
Cinayətkar yollarla əldə edilmiş gəlirlərin leqallaşdırılması, axtarışı,
həbsi və müsadirəsi haqqında Avropa Konvensiyasını imzalamaq və təsdiq etmək;
5.
Məhkum edilmiş şəxslərin verilməsi haqqında Konvensiyanı
imzalamaq və təsdiq etmək;
6.
Avropa Sosial Xartiyasını imzalamaq;
7.
Korrupsiya haqqında cinayət hüquqi Konvensiyasını imzalamaq və
təsdiq etmək;
8.
Korrupsiya
haqqında
mülki
hüquq
Konvensiyasını
imzalamaq və təsdiq etmək;
daxili qanunvericiliklə bağlı:
1.
Korrupsiyaya qarşı mübarizə haqqında dövlət proqramı qəbul etmək;
2.
Avropa standartlarına uyğun olaraq alternativ xidmət haqqında qanun
qəbul etmək;
74
3.
Ən gec olaraq Avropa Şurasına daxil olduğu iki il müddətində kütləvi
informasiya vasitələri haqqında qanuna yenidən baxmaq və ona əlavə və
dəyişikliklər etmək;
4.
Konstitusiya Məhkəməsinə müraciətin şərtlərinə yenidən baxmaq və
Azərbaycan Respublikası hökumətinə, Baş prokurora, bütün səviyyələrdə olan
məhkəmələrə, ayrı-ayrı hallarda isə fərdlərə də müraciət hüququ vermək.
3 il müddətində
Konvensiyalarla bağlı:
Avropa Sosial Xartiyasını təsdiq etmək. Daxili qanunvericiliklə bağlı:
1. Növbəti yerli seçkilərə qədər, yerli hakimiyyət orqanlarının
səlahiyyətlərini tənzimləyən mövcud qanunvericiliyə, onlara daha geniş vəzifələr
və müstəqillik vermək istiqamətində, Avropa Yerli və Regional Hakimiyyətlər
Konqresinin bu barədə tövsiyələrini nəzərə almaqla, əlavə və dəyişikliklər etmək;
Ayrı-seçkiliyə yol verilməməsi haqqında Konstitusiyada və Cinayət
Məcəlləsində təsbit olunmuş müddəaları tamamlayan və milli azlıqlar haqqında
Azərbaycan Respublikası Prezidentinin məlum fərmanını əvəz edən azlıqlar
haqqında qanun qəbul etmək;
Vəkillik haqqında qanuna yenidən baxmaq və ona əlavə və dəyişikliklər
etmək;
Hakimlərin təyin olunması prosedurlarına və səlahiyyət müddətinə yenidən
baxmaq və onlara əlavə və dəyişikliklər etmək.
Müddəti göstərilməyən öhdəliklər:
1.
İcraedici
hakimiyyət
qarşısında
qanunverici
hakimiyyətin
möhkəmləndirilməsi məqsədilə islahatları davam etdirmək, belə ki, o, hökumət
üzvlərinə parlament sorğuları vermək hüququndan istifadə edə bilsin;
2.
Həbsxanalarda cəza çəkən və ya intizam batalyonlarında xidmət edən
vicdanla bağlı səbəblərdən hərbi xidmətdən imtina etmiş bütün şəxsləri, silahsız
hərbi xidmət və ya alternativ mülki xidmətin icrasına icazə verməklə ("Alternativ
xidmət haqqında" qanun qüvvəyə mindikdən sonra) bağışlamaq.
3.
Beynəlxalq Qızıl Xaç Komitəsi ilə, onun məhbuslarla məhdudiyyətsiz
və qeyd-şərtsiz görüşmək imkanına dair saziş imzalamaq;
4.
İnsan hüquqlarının müdafiəsi üzrə təşkilatlar tərəfindən "siyasi
məhbuslar" kimi tanınan məhbusları, xüsusilə İsgəndər Həmidovu, Əlikram
Hümbətovu və Rəhim Qazıyevi azad etmək və ya onların işinə məhkəmədə
yenidən baxmaq;
5.
Öz vəzifə borclarının icrası zamanı insan hüquqlarını (xüsusilə
işgəncənin qadağan edilməsi) pozmuş hüquq-mühafizə orqanları əməkdaşlarını
cinayət hüquqi qaydada təqib etmək;
6.
Söz azadlığı və mətbuat və jurnalistlərin müstəqilliklərini təmin
etmək, xüsusilə mətbuat azadlığını məhdudlaşdıran inzibati tədbirlərdən istifadəni
Dostları ilə paylaş: |