68
iradəsini əks etdirmişdir. Bu reallıq istər prosesdə bilavasitə iştirak edən maraqlı
tərəflər, istərsə də parlament seçkiləri kampaniyasının gedişini ilk mərhələdən
diqqətlə izləyən çoxsaylı müşahidəçi qruplar tərəfindən açıq etiraf olundu. 2005-ci
il noyabr ayının 6-da Azərbaycanda keçirilmiş parlament seçkilərinin nəticələrinə
görə Yeni Azərbaycan Partiyası böyük üstünlüklə qalib gəldi.
Bu seçkilərdə Azərbaycan tarixində ilk dəfə "exit-poll" keçirildi və əksər
dairələrdə "exit-poll"un nəticələri ilə MSK-nın elan etdiyi nəticələr üst-üstə düşdü.
Seçkiləri, həmçinin, 45 ölkədən 1586 beynəlxalq müşahidəçi izləmişdir. Onların
tərkibinə gəlincə, ATƏT-in Demokratik Təsisatlar və İnsan Hüquqları Bürosundan
663 nəfər, Avropa Şurasından 1 nəfər, Avropa Şurası Parlament Assambleyasından
51 nəfər, MDB-dən 361 nəfər, habelə bir çox ölkələrin hökumət və qeyri-hökumət
təşkilatlarından yüzlərlə müşahidəçi seçkilərin gedişini müşahidə etmişdir.
Seçkiləri Beynəlxalq Müşahidə Missiyasının (SBMM) ilkin faktlar və
nəticələr haqqında bəyanatında 6 noyabr parlament seçkilərinin obyektivliyi öz
əksini tapır. Azərbaycanda keçirilmiş parlament seçkilərini müşahidə edən
Seçkiləri Beynəlxalq Müşahidə Missiyası ATƏT-in Demokratik Təsisatlar və İnsan
Hüquqları Ofisinin, ATƏT-in Parlament Assambleyasının, Avropa Şurası
Parlament
Assambleyasının,
Avropa Parlamentinin, NATO Parlament
Assambleyasının birgə fəaliyyətidir. Seçkiyə hazırlıq prosesində, eləcə də
səsvermə gedişində nəzərə çarpan müsbət meyillər bu bəyanatda xüsusi
qiymətləndirilir. Missiyanın bəyanatında SBMM-in seçki günü müşahidə apardığı
məntəqələrin 87 faizində səsvermə müsbət dəyərləndirilmişdir.
SBMM-in və bütövlükdə seçkiləri yaxından izləmiş digər müşahidə
missiyalarının bəyanatlarında müəyyən qüsurlara, çatışmazlıqlara baxmayaraq, 6
noyabr parlament seçkilərinin ümumilikdə demokratik və azad şəraitdə keçirilməsi,
xalqın mütləq əksəriyyətinin iradəsini əks etdirməsi xüsusi qeyd edilmişdir.
2006-cı ilin ilk günləri Azərbaycanın Avropa məkanında növbəti uğura
imza atması ilə əlamətdar oldu. Ümumiyyətlə, Avropa Şurasının rəsmi
sənədlərində Azərbaycan ərazilərinin Ermənistan hərbi birləşmələri tərəfindən
işğal olunması faktı dəfələrlə qeyd edilmişdir. Bu müsbət prosesin davamı kimi
2006-cı il yanvar ayının 9-da AŞ PA-nın Dağlıq Qarabağ problemi üzrə alt
komitəsinin Strasburqda keçirilən növbəti iclasında lord Rassel Constonun
hazırladığı yeni hesabatda Azərbaycan ərazilərinin işğalı, Dağlıq Qarabağdakı
rejimin separatçı olması, bir milyon azərbaycanlının yurdundan didərgin
düşməsi və s. faktların öz əksini tapması yuxarıda qeyd edilənlərə sübutdur.
Beləliklə, bu mötəbər qurum növbəti dəfə bəyan etdi ki, Ermənistan-
Azərbaycan, Dağlıq Qarabağ münaqişəsinin həlli ilə bağlı Avropa Şurasının və
rəsmi Bakının mövqeləri üst-üstə düşür.
Avropa Şurası Parlament Assambleyasının 2006-cı il qış sessiyasında
ölkəmizdə keçirilən 2005-ci il parlament seçkilərinin nəticələri ilə bağlı aparılan
ilkin müzakirələr bir sıra maraqlı məqamları üzə çıxardı. Məsələlərə qeyri-obyektiv
yanaşma tərzi ilə seçilən AŞ PA-nın isveçrəli həmməruzəçisi Andreas Qross
69
Azərbaycana münasibətdə bu dəfə də qərəzli mövqe nümayiş etdirdi.
Həmməruzəçinin çıxışında beynəlxalq müşahidəçilərin və nüfuzlu parlament
seçkilərini izləyən müşahidə missiyalarının prosesin şəffaf və demokratik
keçirilməsi ilə bağlı rəylərinə birbaşa zidd məqamlar özündə yer alıb.
Subyektivizmə söykənən, bilavasitə dünyanın nüfuzlu qurumlarının və
dövlətlərinin müşahidə missiyalarının rəylərinə qarşı yönəlmiş hesabatda yalnız
qanun pozuntuları öz əksini tapmışdır. Odur ki, bu hesabatı bütövlükdə parlament
seçkiləri haqda deyil, seçkilər zamanı yol verilmiş qanun pozuntuları haqda çıxış
adlandırmaq daha doğru olardı.
Azərbaycan nümayəndə heyətinin mandatı məsələsi sessiyada geniş
müzakirəyə səbəb oldu. Həm məruzədə, həm də çıxışlarda Azərbaycan nümayəndə
heyətinin üzvlərinə mandat verilməsinin vacibliyi vurğulanmışdır və bu məsələ ilə
əlaqədar səsvermə keçirildi. Səsvermənin nəticələrinə uyğun olaraq Azərbaycan
nümayəndə heyəti üzvlərinin mandatı təsdiq edildi.
Sessiyanın ilk günlərində nümayəndə heyətinin üzvü R.Hüseynov "Avropa
Şurasının təməl prinsiplərinə və əsas meyarlarına zidd fəaliyyət göstərən işğalçı
Ermənistanın bu təşkilatın üzvlüyündə qalmasının yolverilməzliyi" adlı sənəd
hazırladı. Ümumiyyətlə, Avropa Şurasında bir sıra sənəd formaları mövcuddur:
tövsiyə üçün təkliflər, yazılı bəyanat və Nazirlər Komitəsinə ünvanlanan yazılı
sual. R.Hüseynovun Nazirlər Komitəsinə ünvanlanmış yazılı sual şəklində yeni
hazırladığı sənəddə göstərilirdi ki, Ermənistan Avropa Şurası qarşısındakı
öhdəliklərini müntəzəm olaraq Azərbaycana qarşı işğalçılıq siyasətinə son qoymaq
barədə öhdəliyinə əməl etmək əvəzinə, bu işğalı daha da dərinləşdirmək
istiqamətində yeni addımlar atdığına və eləcə də öz ölkəsi daxilində insan
hüquqlarına münasibətdə son dərəcə mənfi mövqedə dayandığına görə Avropa
Şurası sıralarında qala bilməz.
Bir sözlə, yeni sənədin əsas məqsədi Ermənistanın işğalçı dövlət olduğunu,
bu ali təşkilatın tələblərinə cavab vermədiyini, meyarlarına uyğun gəlmədiyini
bir daha Avropa deputatlarına göstərməkdən ibarət idi.
Beləliklə, bu sessiyada Azərbaycanın Avropaya inteqrasiyasında maraqlı
olmayan, ölkəmizi demokratik görmək istəməyən qüvvələrin cəhdləri iflasa uğradı.
Bir daha hamı üçün aydın oldu ki, Avropa Şurası özünün demokratiya ideallarına
sadiqdir. Avropa Şurası ayrı-ayrı şəxslərin emosiyasını və şəxsi ambisiyasını
rəhbər tutmur. Demokratiya ideallarının və Avropa standartlarının özünün əsas
prinsipi olduğunu bir daha göstərdi və göründüyü kimi, ədalətli qərar qəbul
edilərək deputatlarımızın mandatı təsdiq edildi.
Həmin sessiyadan ötən 4 il ərzində Azərbaycan Parlament nümayəndə
heyətinin AŞ PA-dakı fəaliyyəti yüksək qiymətə layiqdir. Azərbaycan
diplomatiyasının uğurlu dövrü sayıla biləcək bu zaman kəsiyi bir sıra ciddi
nailiyyətlərlə yadda qalmışdır. AŞ PA sessiyalarının gündəliyindəki mövzuların
aktuallığı Azərbaycan nümayəndə heyətinin sessiyalarda xüsusilə fəal iştirakına,
heyət üzvlərinin bu məsələlər üzrə ölkəmizdə mövcud olan vəziyyəti diqqətə
Dostları ilə paylaş: |