62
Məruzə ətrafında gedən gərgin müzakirələrdə 12 deputat çıxış etmişdir.
Onların əksəriyyəti məruzənin səthi hazırlandığını, qərəzli xarakter daşıdığını,
hətta Avropa Şurasının meyarlarına uyğun gəlmədiyini, bəzi məqamların, o
cümlədən Azərbaycan Prezidentinin 2003-cü il 17 iyun tarixli fərmanı ilə 106
məhbusun azad olunması faktının məruzədə öz əksini tapmadığını bildirmiş, bu
məsələ ilə əlaqədar Avropa Şurasının Baş katibi Valter Şvimmer tərəfindən təyin
edilmiş ekspertlər qrupunun rəyi ilə məruzəçinin mövqeyinin ziddiyyət təşkil
etdiyini xüsusi vurğulamışlar. Deputatlar kimin "siyasi məhbus", kiminsə
cinayətkar olmasının ciddi araşdırmalara ehtiyacı olduğunu bildirmiş, məsələyə
tam aydınlıq gətirmək üçün müstəqil ekspertlər qrupuna əlavə vaxt verilməsi
təklifini irəli sürmüşlər.
AŞ PA sədrinin müavini və büro üzvü İlham Əliyev Azərbaycan
nümayəndə heyətinin rəhbəri kimi qətiyyət nümayiş etdirərək artıq gündəliyə
salınmış "siyasi məhbus" haqqında məruzənin ziddiyyətli olduğunu və seçkiqabağı
vəziyyətə təsir etmək məqsədi güddüyünü bəyan edir. Cənab İlham Əliyev
demokratik qrupun yığıncağındakı çıxışında məruzə hazırlanandan sonra ölkədə
əsaslı dəyişikliklər baş verdiyini və Prezidentin sonuncu əfv fərmanını sessiya
iştirakçılarının nəzərinə çatdırdı: "Bu fərmana əsasən 106 məhbus həbsxanadan
buraxılır. Azərbaycan Avropa Şurasına daxil olduğu vaxtdan bəri bəzi qeyri-
hökumət təşkilatlarının hazırladığı 716 nəfərdən ibarət "siyasi məhbus" siyahısı
527 nəfər azalmışdır. Bu, o deməkdir ki, bizim Avropa Şurasındakı üzvlüyümüz
dövründə bəzi qeyri-hökumət təşkilatlarının "siyasi məhbus" hesab etdiyi 527
dustaq azadlığa buraxılmışdır". Onların Kleyfartın sənədi ilə yox, Prezidentin
fərmanı ilə bağışlandığını deyən Avropa Şurasının Baş katibi V.Şvimmerin təyin
etdiyi müstəqil ekspertlərin "siyasi məhbus" saydığı iki
şəxsin də dövlətimizin
başçısının son fərmanı ilə azad olunduğunu bildirən İlham Əliyev məruzə ilə
müstəqil ekspertlərin fikirləri arasında ciddi ziddiyyətlər olduğunu avropalı
deputatlara çatdırdı: "Müstəqil ekspertlərin siyasi məhbus hesab etmədiyi bəzi
şəxslər məruzəçi tərəfindən "siyasi məhbus" hesab olunur. Bu da öz əksini layihədə
tapmışdır. İkinci səbəb məruzənin siyasi baxımdan sərt olmasıdır. Bu da
Azərbaycanın siyasi həyatına çox mənfi təsir göstərə bilər". Avropa Şurasının
fəaliyyəti tarixində ölkələrin prezident, yaxud parlament seçkiləri ərəfəsində bu cür
məsələləri müzakirə etmək praktikasına rast gəlinməmişdir. AŞ PA xüsusən
Ermənistanın problemlərinə həssaslıqla yanaşır. Heç zaman bu ölkənin daxili
məsələlərini siyasiləşdirmək cəhdləri görünmür. İlham Əliyev məruzənin 25
paraqrafında dəyişikliklər etmək ehtiyacının yarandığını bildirdi, bütün bunlara
görə bu məsələnin AŞ PA-nın qış sessiyasınadək təxirə salınmasını təklif etdi.
Azərbaycanın təklifini Rusiya, İtaliya, Gürcüstan, Fransa, İngiltərə və başqa
ölkələrin nümayəndələri dəstəklədilər və ölkəmizi qrup şəklində müdafiə
edəcəklərini bildirdilər. Siyasi məsələlər, Hüquqi məsələlər və İnsan hüquqları
komitələrində də Azərbaycanın təklifinə həssaslıqla yanaşıldı. Siyasi məsələlər
komitəsi qurumun Baş katibinə ünvanladığı məktubunda müzakirə olunacaq
63
məsələnin yalnız Azərbaycan nümayəndə heyətinin nüfuzuna deyil, eyni zamanda
qarşıdan gələn prezident seçkiləri prosesinə, eləcə də Dağlıq Qarabağ məsələsinə
təsir edə biləcəyindən narahatlığını ifadə etdi.
Göründüyü kimi, nümayəndə heyətimizin başçısı öz diplomatik məharəti ilə
ölkənin milli maraqlarını qorumağa yönələn kifayət qədər güclü dəstək qazana,
nəticədə AŞ PA-nın məqbul qərara gəlməsinə nail ola bildi.
"Avropada muxtar vilayətlərin müsbət təcrübəsi" məsələsi ilə bağlı məruzə
edən A.Qross dünyanın qaynar nöqtələrinə çevrilmiş və mənfi təcrübəsi olan
muxtar vilayətlərin adlarını çəkməyəndə İlham Əliyev məruzəçini ciddi tənqid etdi.
İlham Əliyevin təklifi ilə layihə qətnaməsinə "muxtariyyət verilməsi dövlətin
özünün suverenliyinə və ərazi bütövlüyünə əsaslanmalıdır" və "muxtar qurumların
beynəlxalq aləmdə tanınmış sərhədləri pozmağa hüququ yoxdur" əlavələri salındı.
Beləliklə, bu sessiyada Azərbaycan nümayəndə heyətinə sanksiyalar təklif
ediləcəyi barədə mülahizələr yürüdən şəxslər növbəti dəfə məyus oldular.
Nəzərə alsaq ki, C.Kleyfartın məruzəsində "siyasi məhbus" məsələsinə görə
əməkdaşlıqdan yayındığı üçün nümayəndə heyətinin mandatına baxılması
məsələsi də öz əksini tapmışdı, onda şəxsi mülahizələrə əsaslanan bu bəndin
İlham Əliyev tərəfindən ciddi tənqid edilməsinin səbəbi aydınlaşar: "Hesab
edirəm ki, belə məsələlərdə insanlar gərək şəxsi hisslərdən bir az uzaq olsunlar.
Amma eyni zamanda oraya salınan bənd şəxsən məni heç də qorxutmur. Bu,
qəbul
olunsa da, mənim şəxsi mövqeyimdə heç bir dəyişiklik olmayacaqdır".
Dağlıq Qarabağ üzrə məruzənin hazırlanmasına nail olaraq Avropa
Şurasının növbəti dəfə öz sənədlərində Ermənistanı "işğalçı dövlət" adlandırmasına
və Azərbaycan torpaqlarının azad edilməsinə çalışan İlham Əliyev "Vəzifəm
burada Azərbaycanın milli maraqlarını qorumaqdan ibarətdir" — dedi. O bildirdi
ki, bu yolda onu nə Kleyfartın hədələri, nə də layihəyə salınan maddələr qorxudur.
Çünki Kleyfartın Azərbaycanda bəyəndiyi bəzi siyasi qurumlar və şəxslər var ki,
onlar bir-biri ilə qrup marağından işbirliyi yaratmaqdadırlar.
Xüsusilə qeyd edilməlidir ki, AŞ PA-nın bəzi deputatları Azərbaycana qarşı
aqressiv mövqeləri ilə həmişə seçilmişlər. Bu məsələ ilə bağlı İlham Əliyev iyunun
26-da verdiyi müsahibədə deyirdi: "Bir qrup deputat var ki, Azərbaycana
münasibətdə daim ədalətsiz mövqe nümayiş etdirir, ikili standartla yanaşır,
Azərbaycanla bağlı hər hansı xırda məsələni şişirdir və beləliklə, ölkəmiz haqqında
mənfi imic formalaşdırmaq istəyir.
Biz belə hallarla əvvəllər də rastlaşmışdıq. Bu sessiyada da belə hallar
mövcud idi. Amma buna baxmayaraq, assambleyada təmsil olunan deputatların
əksəriyyəti Azərbaycana böyük rəğbətlə, böyük maraqla, böyük hörmətlə yanaşır.
Biz bu xoş münasibəti burada daim hiss edirik. Elə buna görə də siyasi məhbuslarla
bağlı məsələ sessiyanın gündəliyindən çıxarılıbdır".
Beləliklə, AŞ PA "siyasi məhbus" məsələsi ilə bağlı məruzəni qeyri-təkmil
və ziddiyyətli sayaraq yenidən işləmək və payız sessiyasında müzakirəyə
çıxarılması üçün komitəyə qaytarmış, bu uğura səbəb isə İlham Əliyevin