Azərbaycan və avropa şurasi
Yüklə 1,11 Mb. Pdf görüntüsü
|
58 məsələlərin həllində nümayəndə heyətinin mövqeyi həlledici əhəmiyyətə malik idi. Deputatlarımız hər bir qrupda Azərbaycan haqqında obyektiv ictimai rəyin formalaşması üçün fəal işlə məşğuldurlar. Təsadüfi deyil ki, bu gün Ermənistan mətbuatı da yazır ki, Azərbaycan nümayəndə heyəti AŞ PA-nın üzünü Azərbaycana tərəf çevirdi. İki ilə yaxın bir müddətdə İlham Əliyev Dağlıq Qarabağ münaqişəsi üzrə AŞ PA-nın xüsusi məruzəçisinin təyin edilməsinə çalışırdı. Çünki götürülmüş öhdəlikdə də bu münaqişənin sülh yolu ilə həllinə çalışmaq xüsusi qeyd edilmişdi. Lakin Ermənistan nümayəndə heyəti bu məsələdən yayınmağa cidd-cəhdlə çalışırdı. Nəhayət ki, bu məsələ də öz həllini tapdı. 2003-cü il Azərbaycan diplomatiyasının yeni uğurları ilə başladı. Avropa Şurası Parlament Assambleyasının qış sessiyasının ilk günündə daimi nümayəndə heyətinin başçısı, millət vəkili İlham Əliyev AŞ PA-nın sədr müavini və büro üzvü seçildi. Bu hadisənin əhəmiyyətini daha yaxından dərk etmək üçün AŞ PA-nın idarəetmə sisteminə nəzər salmaq yerinə düşərdi: Parlament Assambleyasının reqlamentinə görə, qış sessiyasının ilk günündə bir il müddətinə prezident və vitse- prezidentlər seçilir. Bir qayda olaraq, əlahiddə hadisə baş verməzsə, seçilən şəxs iki dəfə məsul vəzifəyə sahiblik edir. Parlament Assambleyası dairələrində yaxşı tanınan, yüksək nüfuza və təşkilatçılıq qabiliyyətinə malik olan şəxs seçilir. Qeyri-rəsmi olaraq prezident AŞ PA-ya daxil olan böyük dövlətlərin müsbət rəyinə malik olmalıdır. Vitse-prezidentlər isə əhalisinin sayına görə dörd qrupa bölünən ölkələrdən seçilir. Azərbaycan əhali sayına görə üçüncü qrupdadır və onun nümayəndəsinin rəyasət heyətinə seçilməsi heç də ancaq təmsilçiliklə bağlı deyil. Avropa Şurası nüfuzlu beynəlxalq təşkilatdır və onun dünya proseslərinə təsiri, imkanları çox böyükdür. Avropanın aparıcı dövlətləri bunu yaxşı bildiklərindən təşkilatın səmərəli idarə edilməsinə çox həssaslıqla yanaşırlar. Buna görə də onun rəhbər orqanlarına kimlərin və hansı dövlət nümayəndələrinin seçilməsi çox böyük əhəmiyyət kəsb edir. Vitse-prezidentlər AŞ PA sistemində statuslarına görə ikinci şəxs sayılırlar və heç birinin digərindən üstünlüyü yoxdur. Prezident olmadıqda vitse-prezidentlər assambleyanın iclaslarını aparmaq hüququna malikdirlər. Onlar büro iclaslarında ümumi və ya komitə iclaslarının gündəliklərinin formalaşmasında müstəsna hüquqlara malikdirlər. Eyni zamanda, prezidentin tapşırığı ilə vitse-prezidentlər Avropa Şurasının səlahiyyətlərinə aid məsələlərin həlli ilə də məşğul olurlar. Nümayəndə heyətinin başçısı İlham Əliyevin timsalında kiçik bir ölkənin nümayəndəsinin Avropa Şurası sistemi çərçivəsində qazandığı uğurları istənilən avropalı siyasətçi arzu edə bilər. Qısa müddətdə İlham Əliyev özünü müasir dünya problemlərini bilən və onların həllinə dair real və konkret təkliflər verən strateq kimi tanıda bildi. 59 Milli Məclisin deputatı İlham Əliyevin AŞ PA-nın sədr müavini və büro üzvü seçilməsi ölkəmizin beynəlxalq münasibətlər sistemində öz yerinin möhkəmləndirilməsi və qloballaşan dünyaya inteqrasiyası istiqamətində atılan yeni bir uğurlu addım idi. Azərbaycan nümayəndə heyətinin başçısı, Avropa Şurası Parlament Assambleyası sədrinin sədr müavini və büro üzvü İlham Əliyev Avropa Şurası ilə Azərbaycan arasında münasibətləri çox aydın görərək yüksək qiymətləndirmişdir: "Avropa Şurası tərəfindən Azərbaycana münasibət çox yüksəkdir, çox müsbətdir. Mənim AŞ PA sədrinin müavini və büro üzvü seçilməyim bir daha onu göstərir ki, Avropa Şurası ilə Azərbaycan arasında, eləcə də Azərbaycan nümayəndə heyətinin üzvləri arasında heç bir problem yoxdur. Əksinə, əməkdaşlıq, gözəl münasibət var. Biz birlikdə çalışacağıq ki, Azərbaycanda gedən demokratik prosesləri daha da genişləndirək. Eyni zamanda, Azərbaycan nümayəndə heyəti AŞ PA-da öz mövqeyini müdafiə edəcəkdir. Ermənistanı təcavüzkar, işğalçı dövlət kimi ifşa edəcək və bizim milli maraqlarımızı müdafiə edəcəkdir". Azərbaycan parlament nümayəndə heyətinin başçısı İlham Əliyev qış sessiyasının gündəliyindəki "Cənub-Şərqi Avropa üçün sabitlik paktının imkanları" məsələsinin müzakirəsində etdiyi çıxışında AŞ PA-nın son sessiyasında Azərbaycan torpaqlarının Ermənistan tərəfindən işğal olunması faktının tanınaraq bu məsələyə önəm verilməsini müsbət hal kimi qiymətləndirmişdir. O, xüsusilə vurğulamışdır ki, Azərbaycanın işğal olunmuş əraziləri sadalanmış sənədin sessiyada qəbul edilməsinə Avropa Şurasının üzvü olduqdan sonra Azərbaycan nümayəndə heyəti iki il vaxt sərf etmişdir. Bütövlükdə görülmüş işlər nəticəsində indi Azərbaycan nümayəndə heyətinin qurumda rolu artmış və onunla hesablaşırlar. AŞ PA-nın komitələrində Azərbaycanın mənafeyinə xidmət edən məsələlərin qaldırılması, nümayəndə heyətimizin tək Azərbaycanla bağlı deyil, başqa dövlətlərə dair məsələlərə münasibət bildirməsi ölkəmizin beynəlxalq arenada çəkisini artırır, Azərbaycanın obyektiv olaraq demokratik, hüquqi dövlət imicinin təşəkkülünə müsbət təsir edir. Monitorinq Komitəsinin iclaslarında da azərbaycanlı deputatlar fəal şəkildə iştirak edirlər. Bir çox ölkələrlə bağlı öhdəliklərin müzakirəsi zamanı bizim mövqeyimizin həmin məsələlərə baxılıb-baxılmamasında həlledici rolu oldu. Müqayisə üçün qeyd etmək lazımdır ki, Ermənistandan cəmi bir nəfər Monitorinq Komitəsinə üzv seçilmişdi. Bizim üçün çox əhəmiyyətli olan Miqrasiya, qaçqınlar və demoqrafiya məsələləri üzrə Komitənin "Qaçqınların işi" alt komitəsinə ermənilərdən heç kim seçilə bilmədi. Azərbaycan isə orada iki nümayəndə ilə təmsil edilmişdir. AŞ PA-nın 2003-cü il yaz sessiyasının gündəliyinə Ermənistanda prezident seçkilərinin nəticələri, Avropa Şurasının 50 illiyi çərçivəsində böyük Avropada nəqliyyat siyasəti, mühacirlərin vəziyyəti, kənd təsərrüfatı sahəsində yeni siyasət, Azərbaycan, İsveç və Ermənistandan Avropa Məhkəməsinə hakimlərin seçilməsi, Yüklə 1,11 Mb. Dostları ilə paylaş:
|