Azərbaycan və avropa şurasi
Yüklə 1,11 Mb. Pdf görüntüsü
|
52 Tarixdə bəlkə də ilk dəfə idi ki, Cənubi Qafqazın qarşılaşdığı problemlər Ümumavropa siyasəti səviyyəsində belə ciddi şəkildə müzakirəyə çıxarılırdı. Belə diplomatik həmlə ermənilər üçün gözlənilməz idi və hadisələrin gedişi Ermənistan nümayəndələrinin bu cür qəfil gedişlərə hazır olmadıqlarını göstərirdi. Başlanğıc olduqca uğurlu alındı və ilk gündən nümayəndə heyəti qazanılmış üstünlüyü qoruyub saxlamağı bacardı. Nümayəndə heyətimiz azərbaycanlılara qarşı ermənilər tərəfindən törədilmiş soyqırımı haqqında sənədin tanınması və azərbaycanlı girov, habelə hərbi əsirlərin Ermənistanda və Dağlıq Qarabağda saxlanılması barədə rəsmi sənədin qəbul olunması haqqında məsələ qaldırmış və belə bir sənədin qəbul edilməsinə nail olmuşdur. Azərbaycan nümayəndə heyətinin rəhbəri İlham Əliyev sessiyada daha uğurlu nəticələr əldə etmək üçün AŞ PA-nın bütün alt qurumlarında — komitə və komissiyalarında da mütəşəkkil təbliğat kampaniyasının aparılmasını təşkil etməyə müvəffəq oldu. Azərbaycanlı əsir və girovların sayı haqqında dəqiq məlumatlar, onların saxlanma şəraitinin nə qədər acınacaqlı olması, ermənilər tərəfindən ən zorakı işgəncələrə məruz qalmaları cənab İlham Əliyevin çıxışlarında qeyd olunurdu və digər Avropa ölkələri nümayəndələrinin diqqət mərkəzində saxlanılırdı. Bundan əlavə, yayılan sənədlərdə Dağlıq Qarabağ ərazisindən narkobiznes və insan alverində tranzit kimi istifadə olunmasına dair faktlar da beynəlxalq ictimaiyyəti regionda baş verən proseslərə yenidən baxmağın vacibliyinə inandıra bildi və bu da Azərbaycan diplomatiyasının uğuru idi. Bu proses sonrakı mərhələlərdə də davam etdirildi və artıq payız sessiyasında İlham Əliyevin rəhbərliyi ilə nümayəndə heyətimiz yeni faktlar əsasında Ermənistanın mövqelərinə daha sarsıdıcı zərbələr endirməyə müvəffəq oldu. Aparılmış fəal təbliğat prosesi və diplomatik-taktiki addımlar ölkənin xarici siyasətində yeni uğurların əldə edilməsinə gətirib çıxardı. Hələ bu sessiyaya qədər Azərbaycan nümayəndə heyəti Avropa Şurasının Nazirlər Komitəsində üzv ölkələrin ərazi bütövlüyü məsələsinin müzakirəsinə nail olmuşdu və Ermənistan həmin müzakirələrin nəticəsi kimi ortaya çıxan sənədi imzalamamaqla, əslində, beynəlxalq ictimaiyyətin gözü qarşısında özünü ifşa etmişdi. Avropa Şurasının üzvü olan dövlətlərin hamısı sənədə imza atsa da, erməni deputatlar bundan imtina etdilər. Avropa Şurası Parlament Assambleyasının 2001-ci il payız sessiyasında sentyabrın 24-də qəbul edilən qərarda Ermənistan—Azərbaycan, Dağlıq Qarabağ münaqişəsinin yalnız Azərbaycanın ərazi bütövlüyü nəzərə alınmaqla həll olunmasının zəruriliyi qeyd edilirdi. Bu, parlament nümayəndə heyəti səviyyəsində əldə edilmiş növbəti diplomatik uğur idi. Cənab İlham Əliyevin rəhbərliyi ilə hazırlanmış və Nazirlər Komitəsinə ünvanlanmış "Azərbaycanın ərazi bütövlüyünün Ermənistan tərəfindən tanınması" yazılı sualı 43 ölkənin nümayəndələrinin iştirakı ilə müzakirəyə çıxarıldı. Ermənistan ona dəstək verən bəzi qüvvələrin qərarın qəbul olunmasına maneçilik törətməsinə baxmayaraq, 53 Nazirlər Komitəsi yeddi bənddən ibarət qərar qəbul etdi. Qərarda deyilirdi: "Nazirlər bütün Avropada beynəlxalq ictimaiyyət tərəfindən tanınmış sərhədlərə, suverenliyə və dövlətlərin ərazi bütövlüyünə, eləcə də Birləşmiş Millətlər Təşkilatının Nizamnaməsində, ATƏM-in Helsinki Yekun Aktında və digər müvafiq mətnlərdə əks olunmuş beynəlxalq hüquq prinsiplərinə hörmət edilməsinə dəstəklərini bir daha təsdiq edirlər". Bununla Avropa Şurası Nazirlər Komitəsi öz qərarında xalqların öz müqəddəratını təyin etmək hüququndan bəhs olunarkən bu hüququn BMT Nizamnaməsinin məqsəd və prinsipləri, beynəlxalq hüququn normaları, o cümlədən dövlətlərin ərazi bütövlüyünə dair normalara uyğun olaraq həllini nəzərdə tutur. Qərarda o da xüsusi vurğulanırdı ki, nəticə etibarı ilə bu hüquq yalnız sülh danışıqları əsasında həyata keçirilə bilər. Torpaq əldə etmək məqsədilə gücdən istifadə qəbuledilməzdir və ondan irəli gələn heç bir nəticə qanuni tanına bilməz. Azərbaycan parlament nümayəndə heyəti sessiyada daha bir neçə vacib problem qaldırdı. Bunlardan biri də bütün dünyanın birmənalı şəkildə pislədiyi terrorizm idi. Amerika Birləşmiş Ştatlarında baş vermiş terror hadisəsi bir daha sübut etdi ki, bu bəla yalnız qüvvələrin birləşməsi ilə aradan qaldırıla bilər. Azərbaycan terrordan ən çox zərər çəkən ölkə kimi bu bəlanın nə kimi dəhşətlər törətdiyini yaxşı bilir. Odur ki, bütün terror təşkilatlarına, o cümlədən nəinki Azərbaycanda, eləcə də bütün dünyada qanlı cinayətlər törətmiş erməni terrorçularına qarşı da bütün dünya, beynəlxalq ictimaiyyət qətiyyətlə mübarizə aparmalıdır. Beynəlxalq terrorizm məsələsi geniş müzakirə edilmiş iclasda müxtəlif ölkələrdən olan deputatlar çıxış edərək minlərlə dinc əhalinin məhvinə səbəb olan terror aktlarını, xüsusilə sentyabrın 11-də Amerika Birləşmiş Ştatlarında törədilmiş vəhşilikləri qətiyyətlə pisləmiş, terrorçuluğun yeni forma — siyasi terror forması almasından narahat olduqlarını bildirmiş, dünya ölkələrini bu təhlükəyə qarşı mübarizəyə çağırmışlar. Bu sessiyada Azərbaycan nümayəndə heyətinin başçısı İlham Əliyev tutarlı faktlarla çıxış edərək Ermənistanın Azərbaycana qarşı təcavüzə başladığı vaxtdan 30-dan artıq terror aktı törətdiyini və bunun nəticəsində 2 mindən çox Azərbaycan vətəndaşının həlak olduğunu vurğulamış, həmçinin ASALA erməni terror təşkilatının Ermənistan hökuməti ilə sıx əlaqədə işlədiyini bildirmişdir. "Azərbaycan terrorizmə qarşı mübarizədə Amerika Birləşmiş Ştatları ilə bir alyansdadır. Biz bütün demokratik dünya ilə birlik və dünyada terrorizmə son qoymaq üçün əlimizdən gələn töhfəni verməyə hazırıq" — söyləyən Azərbaycan Prezidenti Heydər Əliyev Amerika Birləşmiş Ştatlarına qarşı yönəldilmiş hücumlardan sonra etdiyi çıxışında Azərbaycanın Birləşmiş Ştatlara tam dəstəyini ifadə etmişdi: "Azərbaycan özünün hava məkanını Birləşmiş Ştatlar üçün açmışdır və Birləşmiş Ştatlarda terror aktları törədənlərin ədalət məhkəməsi qarşısında Yüklə 1,11 Mb. Dostları ilə paylaş:
|