44
Azərbaycan Respublikası Prezidentinin seçkilərindən sonra 1998-ci il
oktyabrın 12-də ATƏT-in Demokratik Təsisatlar və İnsan Haqları Bürosu və AŞ
PA-nın kütləvi informasiya vasitələri üçün Azərbaycanda prezident seçkilərinin
gedişi barədə keçirdiyi mətbuat konfransında müşahidəçilər bildirmişlər ki, ATƏT
(DQİHB) və AŞ PA 1998-ci il oktyabrın 11-də Azərbaycan Respublikasında
keçirilmiş prezident seçkilərini birgə müşahidə etmişlər. Seçki günü 150-dən artıq
beynəlxalq müşahidəçi ölkənin birgə bölgələrində yerləşdirilmişdi. AŞ PA-nın
siyasi məsələlər üzrə komitəsi noyabr ayının 3-də keçirdiyi iclasda Azərbaycanda
prezident seçkilərinə Nəzarət Bürosunun Xüsusi komitəsinin məruzəsini dinləmiş
və təsdiq etmişdi. Məruzədə aşağıdakılar qeyd olunmuşdu: "Xüsusi komitə hesab
edir ki, 1995-ci illə müqayisədə seçkilər ölkənin demokratikləşdirilməsi
istiqamətində irəliyə atılmış uğurlu addımdır. Seçki prosesinin, habelə seçki
kampaniyasının təşkilində açıq-aşkar tərəqqi əldə edilmişdir. Təcrübənin
olmamasına baxmayaraq, səsvermənin özü düzgün təşkil olunmuşdur.
Bütün qeyd edilənlərlə yanaşı, Avropa Şurası, öz növbəsində,
Azərbaycanda demokratik təsisatların inkişafına və birliyinə kömək göstərilməsini
davam etdirməlidir".
1999-cu il fevralın 28-dən martın 4-dək Bakıda "Avropada yerli hakimiyyət
orqanlarının modelləri və bələdiyyə idarəçiliyi" mövzusunda Azərbaycan
Respublikasının Milli Məclisi ilə Avropa Şurasının birgə təşkil etdiyi seminar,
1999-cu ilin may ayında AR Milli Məclisində Avropa Şurasının 50 illiyinə həsr
edilmiş elmi-praktik konfrans və 1999-cu il iyulun 29-30-da "Azərbaycanda qeyri-
hökumət təşkilatları haqqında" Azərbaycan Respublikasının qanun layihəsini
müzakirə etmək üçün Avropa Şurasının ekspertləri ilə birgə seminar keçirilmişdir.
AŞ PA-nın siyasi məsələlər komitəsinin sədri Viktor Ruffi, AŞ PA-nın siyasi
məsələlər komitəsinin Azərbaycan üzrə məruzəçisi Jak Bomel, bu beynəlxalq
təşkilatın Hüquq məsələləri və insan hüquqları komitəsi katibliyinin rəhbəri Allard
Plat, komitənin Azərbaycan üzrə məruzəçisi Corc Kleyfart və AŞ PA-nın siyasi
məsələlər komitəsinin katibi Petr Şixdən ibarət nümayəndə heyəti 1999-cu il
dekabrın 7-dən 10-dək respublikamızda olmuşdur. Nümayəndə heyətinin üzvləri
Milli Məclisin Sədri ilə görüşmüş, Azərbaycan qanunvericiliyinin Avropa
Şurasının standartlarına uyğunlaşdırılması üçün görülmüş işlər barədə geniş
məlumat almışlar.
1999-cu il dekabrın 10-da Milli Məclisin iclasında bütün dünyada
demokratiyanın və sosial tərəqqinin dayaqlarından biri olan Avropa Şurasının 50
illiyi ilə əlaqədar məsələ müzakirə olunmuş, bu nüfuzlu beynəlxalq təşkilatın
fəaliyyətinə dair maraqlı çıxışlar edilmişdir.
2000-ci il martın 27-28-də Azərbaycan Respublikası Milli Məclisinin
Avropa Şurasının 8 konvensiyasına qoşulmasına dair respublika rəhbərliyinin
imzaladığı müqavilələri ratifikasiya etməsi Azərbaycanın Avropa Şurasına
qəbuluna dair müzakirələri şərtləndirdi.
45
Azərbaycan Respublikasında 2000-ci il noyabrın 5-də keçirilmiş parlament
seçkilərini Təhlükəsizlik və Əməkdaşlıq Təşkilatının Demokratik Təsisatlar və
İnsan Hüquqları Bürosunun, ATƏT-in Parlament Assambleyasının və Avropa
Şurası Parlament Assambleyasının nümayəndə heyətlərindən ibarət Beynəlxalq
Seçkiləri
Müşahidə
Komissiyasının
üzvləri
izləmişlər.
Beynəlxalq
müşahidəçilərdən ibarət nümayəndə heyəti seçkilərdən bir gün sonra mətbuat üçün
məlumat yaymışlar. Məlumatda xüsusilə qeyd olunmuşdu ki, Azərbaycanda
parlament seçkilərinin beynəlxalq standartlardan aşağı olmasına baxmayaraq,
irəliləyiş vardır.
Beynəlxalq müşahidəçilər xüsusilə siyasi plüralizmin güclənməsi
baxımından irəliləyiş olduğunu, seçkilərin Avropa Şurası Venesiya Komissiyasının
və ATƏT/DTİHB-in tövsiyələrini özündə birləşdirən təkmilləşdirilmiş
qanunvericilik çərçivəsində aparıldığını bəyan etmişlər. Bütün bunlarla yanaşı,
müşahidəçilər tərəfindən seçki qanunvericiliyinin həyata keçirilməsində ciddi
çatışmazlıqlar qeydə alınmışdır. Belə ki, namizədlərin birmandatlı seçki dairələri
üçün qeydiyyata alınması əsaslı şəkildə düzgün aparılmamış və son nəticədə
namizədlərin təqribən yarısının seçkilərdə iştirak etməsinin qarşısı alınmışdı.
Seçki günündə AŞ PA-dan olan 18 parlament üzvünün də daxil olduğu 200-
dən artıq beynəlxalq seçkiləri müşahidə missiyasının nümayəndələri Azərbaycan
ərazisində yaradılmış 5 min seçki məntəqəsinin 700-də olmuş və səsvermənin,
ümumiyyətlə, sakit şəraitdə aparıldığını bildirmişlər. Bununla belə, beynəlxalq
müşahidəçilər hakimiyyət orqanlarına təcili surətdə qanun pozuntularının şəffaf
şəkildə araşdırılması və dərhal lazımi tədbirlər görülməsi ilə bağlı müraciət
etmişlər.
2000-ci ilin iyulundan noyabrınadək davam edən müzakirələrdən sonra
noyabrın 9-da AŞ PA-nın 222 saylı rəyi əsasında Avropa Şurası Nazirlər
Komitəsinin 107-ci sessiyasında 14 saylı xüsusi qətnamə qəbul edildi. Qətnamədə
deyilirdi:
Azərbaycanın Avropa Şurasına üzv olmağa və nizamnaməyə qoşulmağa
dəvət edilməsi;
Azərbaycan Respublikasının Avropa Şurası Parlament Assambleyasındakı
nümayəndələrinin sayının 6 nəfər həddində müəyyənləşdirilməsi;
Qətnaməyə uyğun olaraq Azərbaycanın Avropa Şurasına müxtəlif bölgülü
maliyyə ödəmələrinin miqdarının müəyyənləşdirilməsi.
§ 3. III mərhələ:
- Ölkəmiz Avropa Şurasına qəbulunu hazırlamaq məqsədilə yaradılmış
Monitorinq qrupu lazımi sənədləri təqdim etdikdən sonra 2001-ci il yanvarın 17-də
Azərbaycan Avropa Şurasına tamhüquqlu üzv qəbul edildi və rəsmi mərasim
yanvarın 25-nə təyin olundu. Bununla da Azərbaycan diplomatiyası Avropa
inteqrasiya proseslərinə qoşulmaq uğrunda mübarizədə böyük qələbə əldə edərək
Avropanın üzvi hissəsinə çevrildiyini işdə sübut etdi.
Dostları ilə paylaş: |