40
Avropa
Şurasının Azərbaycana belə münasibəti, bir tərəfdən,
respublikamızın Avropa inteqrasiya proseslərinə qoşulması yolunda əlavə
maneələr yaradır, digər tərəfdən isə bütövlükdə regionda asayişin bərpa olunması
prosesini sürətləndirməyə imkan vermirdi. Lakin Lissabon sammitinin məlum
bəyanatından sonra Azərbaycana münasibətdə əsaslı dönüş yarandı ki, bu, Avropa
Şurası ilə Azərbaycan arasında əlaqələrə də yeni məzmun gətirdi. Avropa
Şurasının üzvü olan dövlətlərin Azərbaycanın iqtisadiyyatı ilə bağlılığı, bu
dövlətlər tərəfindən Azərbaycana qoyulan investisiyalar, beynəlxalq aləmdə
Azərbaycana dəyişilmiş münasibət, respublikamızın yüksəlməkdə olan imici,
başqa qurumlarla olduğu kimi, Avropa Şurası ilə də əməkdaşlığın genişlənməsində
mühüm rol oynayırdı.
Azərbaycanla Avropa Şurası arasında əməkdaşlığın genişləndirilməsi
yolunda praktiki olaraq ən mühüm addım Heydər Əliyevin 1998-ci il 20 yanvar
tarixli "Azərbaycan Respublikası ilə Avropa Şurası arasında əməkdaşlığın
dərinləşdirilməsi sahəsində tədbirlər haqqında" Sərəncamı olmuşdur. Sərəncamda
insan hüquqlarının qorunmasına dair bir sıra beynəlxalq sənədlər imzalamış
Azərbaycanın Avropa Şurasına qoşulmasına dair hazırlıq tədbirlərinin görülməsi
öz əksini tapmışdı. Azərbaycanda ölüm hökmünün ləğv olunması söz azadlığının
təmini və bütün kütləvi informasiya vasitələrinə sərbəstlik verilməsi və senzuranın
ləğv edilməsi, Konstitusiya Məhkəməsinin yaradılması demokratik cəmiyyət
quruculuğunun başlıca atributlarını əks etdirməklə yanaşı, ölkəmizin Avropa
Şurasının üzvlüyünə qəbulu yolunda mühüm addım kimi qiymətləndirilirdi.
Avropa Şurası ilə bağlı Azərbaycan üçün mühüm hadisələrdən biri də 1997-
ci il oktyabr ayının 10-11-də Strasburqda keçirilən Avropa Şurasının üzvü olan
ölkələrin dövlət və hökumət başçılarının 2-ci zirvə toplantısında Azərbaycan
Respublikasının Prezidenti Heydər Əliyevin iştirak etməsi idi. Şuranın 1993-cü ilin
oktyabrında Vyanada keçirilən 1-ci zirvə görüşündən sonra ötən müddət ərzində
Avropa Şurasına artıq 8 yeni üzv qəbul olunmuşdu.
2-ci zirvə toplantısı ərəfəsində Azərbaycan Respublikasının Prezidenti
Heydər Əliyevin Avropa Şurasının iqamətgahında Şuranın Baş katibi Daniel
Tarşislə görüşü zamanı Azərbaycanda demokratik proseslərin gedişi, ölkəmizin
Avropa strukturları, o cümlədən Avropa Şurası ilə əlaqələri barədə ətraflı fikir
mübadiləsi aparılmışdı. D.Tarşis bildirmişdi ki, Avropa Şurasına daxil olmaq üçün
ölkələrin heç də hamısının dərhal mükəmməl demokratiyaya malik olması zəruri
deyildir. Onların demokratiya prinsiplərinə sadiqlik nümayiş etdirməsi kifayətdir.
Prezident Heydər Əliyev Strasburqda AŞ PA-nın sədri Leni Fişerlə görüşü
zamanı, habelə 1997-ci il oktyabr ayının 11-də Strasburqda üzv ölkələrin dövlət və
hökumət başçılarının zirvə toplantısında söylədiyi nitqində Avropa ölkələrinin
inteqrasiyası və Azərbaycanın bu prosesdə rolunu belə qiymətləndirmişdi:
"Azadlıq, demokratiya və humanizm idealları ətrafında sıx birləşmiş yeni Avropa,
həmişə olduğu kimi, bütün bəşəriyyətin tərəqqisində və çiçəklənməsində mühüm
rol oynayacaqdır. Əminəm ki, çox böyük təbii sərvətlərə, zəngin mədəni və
41
intellektual potensiala malik olan Azərbaycan Respublikası bu nəcib prosesə öz
layiqli töhfəsini verəcəkdir".
Zirvə toplantısında Avropa inteqrasiyası, sülh, təhlükəsizlik və demokratiya
problemləri, üzvlüyə namizəd ölkələrin Avropa Şurasına qəbuluna hazırlıq
məsələləri müzakirə edilir. 2-ci zirvə toplantısının Azərbaycan üçün əhəmiyyət
kəsb edən cəhətlərindən biri də ondan ibarət idi ki, ilk dəfə olaraq Avropa
Şurasının zirvə görüşündə Azərbaycan Respublikasının Prezidenti çıxış edərək
Ermənistan — Azərbaycan münaqişəsi, bu münaqişənin həllində Azərbaycanın
mövqeyini diqqətə çatdırmışdı. Zirvə görüşünün yekun bəyannaməsində deyilirdi:
"Toplantı iştirakçıları əmindirlər ki, qitədə baş vermiş dərin dəyişikliklər, onun
qarşılaşdığı genişmiqyaslı problemlər Avropanın bütün demokratik institutları
arasında əməkdaşlığın güclənməsini tələb edir. Avropa Şurasının genişlənməsi
qitədə demokratik təhlükəsizliyin daha çox yayılmasına zəmin yaratmışdır".
Dövlətin Avropa Şurasına qəbul olunması ilə əlaqədar təşkilatın iş
xüsusiyyətlərindən biri səlahiyyətli nümayəndələr tərəfindən həmin dövlət
haqqında məruzələrin hazırlanması və Parlament Assambleyasında oxunmasıdır.
Bu cəhətdən Azərbaycanın Avropa Şurasına qəbul edilməsi barədə məruzə
hazırlayan Fransa Milli Assambleyasının deputatı Jak Bomelin rəhbərlik etdiyi
nümayəndə heyətinin 1997-ci il oktyabr ayının 13-də baş tutan Azərbaycana səfəri
maraq doğurur. Nümayəndə heyəti Azərbaycanla tanışlıqdan sonra məruzə
hazırlanması üçün məlumatlar toplayır.
1998-ci ilin yanvar ayının ortalarında Azərbaycan Respublikasının Avropa
Şurasına daxil olmasına dair Avropa Şurası Parlament Assambleyasının
məruzəçiləri Jak Bomel və Corc Kleyfart Azərbaycanda olmuş və dövlət başçısı
tərəfindən qəbul edilmişlər. Jak Bomel Avropa Şurasına qəbul olunmaq sahəsində
Azərbaycanda görülmüş işlərdən razılığını bildirərək demişdir: "Biz Bakıya səfərə
Azərbaycanın Avropa Şurasına qəbul olunması prosesini hazırlama və bu işi
tezliklə başa çatdırmaq ümidi ilə gəlmişik. Mən bu dəfəki səfərdə görürəm ki,
Azərbaycanda, həqiqətən, böyük müsbət dəyişikliklər olmuşdur. Mən təsdiq
edirəm ki, sizin respublikanızın həyatında həddindən artıq yaxşılaşma prosesi
getmişdir. Mən bu müsbət dəyişiklikləri, yaxşılaşmanı birinci növbədə insanların
həyatında, ikincisi isə cəmiyyətin demokratik yolla inkişafında görürəm". Jak
Bomel, eyni zamanda, görülməsi zəruri olan işlərdən danışaraq demişdir:
"Konkret olaraq Konstitusiya Məhkəməsi məsələsinin, müəyyən boşluq olduğunu
hiss etdirən qanunların, xüsusilə Cinayət-Prosessual Məcəlləsi, "Vəkillər və
məhkəmələr haqqında", "Mətbuat haqqında" qanunların müzakirə və qəbul
edilməsi Azərbaycanı Avropa, yəni Qərb demokratiyası ruhuna daha da
yaxınlaşdırardı. Bu da Azərbaycanın Avropa Şurasına qəbul olunmasında böyük
bir addım olardı". Məruzəçi Azərbaycanda ölüm cəzasının ləğv edilməsini
Strasburq, yəni, Avropa Şurası yolunda böyük addım" adlandırmışdır.
Avropa Şurasına doğru Azərbaycanda görülmüş işlərlə əlaqədar Belçikanın
Baş naziri Jan Lük Deanın fikirləri də Azərbaycanın tezliklə Avropa Şurası üzvü
Dostları ilə paylaş: |