42
olmaq inamını təsdiq edirdi: "Son illər Azərbaycanda həyata keçirilən siyasi və
iqtisadi dəyişikliklər, islahatlar artıq Azərbaycanın Avropa Şurasına üzv olması
üçün əsaslar yaradır. Bu islahatlar davam etdirilir və bunlar tam həyata
keçirildikdən sonra Azərbaycanın bütün hüquqi əsasları olacaqdır ki, Avropa
Şurasının tamhüquqlu üzvü olsun".
Azərbaycan Respublikasının Prezidenti Heydər Əliyevin 1998-ci il aprel
ayının 1-də AŞ PA-nın Hüquq məsələləri və insan hüquqları komitəsinin İnsan
hüquqları üzrə yardımçı komitəsinin ölkəmizdə olan nümayəndə heyətini qəbul
etmiş və Azərbaycanın Avropa Şurasına tamhüquqlu üzv kimi qəbulolunma
arzusunu bildirərək demişdi: "Biz Azərbaycanda Avropa Şurası ilə əməkdaşlığa
xüsusi əhəmiyyət veririk. Avropa ölkəsi olaraq və Avropa standartlarına uyğun
surətdə öz ölkəmizdə dövlət quruculuğu apararaq Avropa Şurasına tam hüquqlu
üzv olmaq arzusundayıq". Corc Kleyfart və Hanniker Gelderblum Azərbaycanın
Avropa Şurasına qəbulu ilə əlaqədar bir çox məsələlər barəsində fikir mübadiləsi
aparmışlar.
1998-ci il mayın 22-də Azərbaycanda səfərdə olan Avropa Şurası Parlament
Assambleyasının vitse-prezidenti Ernest Muleman respublika Prezidenti Heydər
Əliyev tərəfindən qəbul edilmişdi. Görüş zamanı Azərbaycanla Avropa Şurası
arasındakı əlaqələrdən danışılmış, Azərbaycanın təşkilata tamhüquqlu üzv kimi
real əsasları olduğu qeyd edilmişdi. E.Muleman demişdi: "Azərbaycan üçüncü
ölkədir ki, burada ölüm cəzası ləğv olunmuşdur. Sizin qanunvericiliyinizdə həddən
artıq irəliləyişlər var. Sizin standartlarınız hətta Avropa Şurası üzvlərinin
çoxlarının standartlarından yüksəkdir". Qonaq həmçinin qeyd etmişdir ki, bəziləri
tərəfindən Azərbaycanın Avropa Şurasına qəbul edilməsində Dağlıq Qarabağ
münaqişəsi maneə kimi qiymətləndirilir. Lakin şəxsən onun fikrincə, bu münaqişə
Azərbaycanın Avropa Şurasına qəbul edilməsinə əngəl olmamalıdır.
Ermənistanın təcavüzünün dəf edilməsi, respublikamızın pozulmuş ərazi
bütövlüyünün bərpası və işğalçıların ölkə ərazisindən çıxarılması, Dağlıq Qarabağ
probleminin həlli ilə beynəlxalq aləmin dəstəyinin qazanılması, müstəqil dövlət
quruculuğunun bütün dövrlərində Azərbaycan diplomatiyasının qarşısında duran
ən mühüm vəzifələrdən biri olmuşdur.
1998-ci il iyunun 15-də AŞ PA-nın nümayəndə heyəti — Azərbaycanın və
Ermənistanın Avropa Şurasına daxil olmaq üzrə məruzəçiləri Jak Bomel, Corc
Kleyfart və Eyso Volter Prezident sarayında Azərbaycan Prezidenti Heydər Əliyev
tərəfindən qəbul edilmişlər. Görüş zamanı Jak Bomel Ermənistan-Azərbaycan
münaqişəsi barədə fikrini açıqlayaraq demişdi: "İstəyirik ki, münaqişə ədalətlə həll
edilsin, Dağlıq Qarabağın statusu isə Helsinki aktına, Paris Xartiyasına və ümumən
beynəlxalq hüquq normalarına əsasən müəyyən olunsun. Biz münaqişələrin sülh
yolu ilə həlli, Azərbaycanın Avropaya qovuşması üçün əlimizdən gələni edəcəyik.
Çünki bilirik ki, Azərbaycan əsl Avropa ölkəsidir və Avropa ölkələri arasında öz
yerini tutmalıdır". Jak Bomel Ermənistanın münaqişə ilə əlaqədar qərəzli niyyəti
barədə fikrini açıqlayaraq demişdi ki, rəsmi yox, adi dildə danışsaq, Ermənistan
43
Dağlıq Qarabağın müstəqilliyini tələb edir, sonrakı fikri isə onu bir vaxt
Ermənistana birləşdirməkdir. Siz, əlbəttə, buna heç vaxt razı olmazsınız.
Dağlıq Qarabağa Azərbaycan Respublikası çərçivəsində muxtariyyət
verilməsi barədə məruzəçilərin sualına cavab olaraq Azərbaycan Prezidenti Heydər
Əliyev bildirmişdi ki, Dağlıq Qarabağa dünya ölkələrinin təcrübəsində mövcud
olan hər hansı özünüidarə, muxtariyyət statusu verməyə hazırıq. Seçmə hüququnu
isə Ermənistan tərəfinə veririk. Görüş zamanı Azərbaycanla Avropa Şurası
arasında əlaqələrin müxtəlif cəhətləri barədə fikir mübadiləsi aparılmışdı.
Avropa Şurası nümayəndələrinin Azərbaycana növbəti səfəri 1998-ci
ilin avqust ayında olmuşdu. Avropa Şurasının Baş katibi Daniel Tarşisin başçılıq
etdiyi nümayəndə heyəti onları maraqlandıran məsələlər üzrə məlumatlar toplamış
rəsmi görüşlər keçirmişdi. Səfərlə əlaqədar Yunanıstanın xarici işlər üzrə dövlət
katibi İoanis Kranidiotis demişdi ki, vəzifəmiz səfərdən sonra Azərbaycanın
bugünkü vəziyyəti haqqında AŞ PA-ya məruzə etməkdir. Azərbaycan
Respublikasının Prezidenti Heydər Əliyevlə görüşü zamanı Azərbaycanla Avropa
Şurası arasında yaranmış əlaqələrdən bəhs edən D.Tarşis demişdi: "Son zamanlar
Azərbaycan nümayəndələri Avropa Şurasının işində fəal iştirak edirlər. Avropa
Şurasının tərkibindəki təşkilatlardan yalnız birində Azərbaycanın nümayəndəsi
yoxdur. O, Yerli Seçki Dairələri Şurasıdır və burada ayrı-ayrı regionların
nümayəndələri təmsil olunur. Mən istərdim ki, orada Azərbaycanın da
nümayəndəsi olsun".
Bu da onu təsdiq edir ki, Avropa Şurası nümayəndələrinin Azərbaycana hər
bir səfəri Azərbaycanın Avropa Şurası təşkilatına inteqrasiya prosesini
sürətləndirir. Ölkəmizin bu təşkilatda daha geniş təmsil olunması üçün yeni
imkanlar açır. 1998-ci ilin sentyabr ayının birinci ongünlüyündə Avropa Şurasının
texniki və məsləhətçi orqanı olan Venesiya Komissiyasının nümayəndə heyəti
Azərbaycanda səfərdə olmuşdu. 11 sentyabr 1998-ci il tarixdə Azərbaycan
Respublikasının Prezidenti Heydər Əliyev Belçikanın Konstitusiya və Arbitraj
Məhkəməsinin sədri Mişel Melşorun rəhbərlik etdiyi Venesiya Komissiyasının
nümayəndə heyətini qəbul etmişdi. Görüşdə Venesiya Komissiyası ilə Azərbaycan
arasında əlaqələrə rəhbərlik edən Azərbaycan Respublikası Konstitusiya
Məhkəməsinin sədri X.Hacıyev də iştirak etmişdi. Mişel Melşor qeyd etmişdir ki,
səfər zamanı Venesiya Komissiyası Bakıda üçüncü seminarını keçirmişdir.
Azərbaycanda ölüm hökmünün ləğv edilməsi, bütün kütləvi informasiya
vasitələrinə sərbəstlik verilməsi, ölkədə Konstitusiya Məhkəməsinin yaradılması
demokratik islahatların içərisində ən vacibləridir.
Azərbaycan Respublikasının Prezidenti Heydər Əliyev Misel Melşorun
Konstitusiya Məhkəməsini hakimiyyətin dördüncü qanadı hesab etməsi fikrinin
əhəmiyyətli olduğunu qeyd etmiş və bildirmişdi ki, Konstitusiya Məhkəməsi
Azərbaycanda demokratiyanın inkişafı, dövlətçiliyin möhkəmləndirilməsi və
dövlət quruculuğu prosesinin uğurla həyata keçirilməsi üçün öz xidmətlərini
göstərəcəkdir.
Dostları ilə paylaş: |