50
Qısa müddət ərzində Avropa Şurası Parlament Assambleyasında
nümayəndə heyəti tərəfindən onlarla sənəd hazırlanmış və onlar şuranın rəsmi
sənədləri kimi yayılmışdı. Təsəvvür etsək ki, bu qurumda 47 ölkənin
parlamentlərinin deputatları fəaliyyət göstərir və qəbul edilmiş sənədlər həm onlara
paylanır, həm də həmin ölkələrin parlamentlərinə göndərilir, onda qarşıya
qoyulmuş birinci vəzifə ilə bağlı görülmüş işlərin miqyası haqqında konkret fikir
formalaşa bilər. Belə ki, "Ermənilərin azərbaycanlılara qarşı törətdikləri soyqırımı
haqqında", "Dağlıq Qarabağda, zəbt olunmuş ərazilərdə mədəniyyət abidələrinin
məhv edilməsi haqqında", "Ermənistanda və Dağlıq Qarabağda olan hərbi əsirlər
və girovlar haqqında", "Qaçqın və məcburi köçkün uşaqların təhsili haqqında",
"Azərbaycanda məcburi köçkünlərin vəziyyəti haqqında" və s. sənədlər Avropa
Şurası Parlament Assambleyasında qəbul edilmişdir.
2002-ci ilin sentyabrında Strasburqda AŞ PA-da Azərbaycanın nümayəndə
heyətinin rəhbəri olarkən cənab İlham Əliyev Azərbaycan Respublikası
televiziyasına verdiyi müsahibədə bildirirdi: "Mən deyə bilərəm ki, Avropa Şurası
deputatlarının indiyə qədər bu məsələ ilə bağlı o qədər böyük məlumatları yox idi.
Çünki bu, bir tərəfdən erməni təbliğatı, erməni lobbisinin fəaliyyəti, digər tərəfdən
isə Azərbaycanın bu qədər böyük tribunasının olmaması ilə bağlı idi. Amma biz
Avropa Şurasına daxil olandan sonra bu tribunadan, bu kürsüdən çox səmərəli
istifadə elədik".
Görülən işin miqyasını və əhəmiyyətini qiymətləndirmək üçün Avropa
Şurasının strukturuna diqqət yetirmək kifayətdir.
Belə ki, Avropa Şurası Nizamnaməsinin 32-ci maddəsinə uyğun olaraq
assambleya ildə bir dəfə özünün növbəti sessiyasına toplanır. Assambleya öz
sessiyasını dörd kiçik sessiyaya bölür.
"Azərbaycanın Avropa Şurasına qəbul edilməsi onun nəinki müstəqil,
suveren, demokratik, dünyəvi dövlət kimi tanınmasıdır, həm də Avropa ailəsinin
bərabərhüquqlu üzvü kimi Azərbaycan dövlətinin inkişafında yeni mərhələnin
başlanğıcıdır".
Heydər Əliyev
Assambleyada beş siyasi qrup mövcuddur: sosialistlər qrupu, Avropa Xalq
Partiyası qrupu, Avropa demokratları, liberallar, demokratlar və islahatçılar qrupu.
Parlament Assambleyası öz sessiyasında Avropa Şurasının səlahiyyətlərinə
daxil olan və Nazirlər Komitəsi tərəfindən sessiyaya çıxarılmış, həmçinin
komitənin təqdim etdiyi hesabat əsasında təşkilatın fəaliyyəti ilə bağlı məsələləri
müzakirə edir, Parlament Assambleyası iclaslarının gündəliyini sərbəst
müəyyənləşdirir.
Dövrümüzün aktual və perspektiv məsələlərini, o cümlədən müasir
cəmiyyətin problemləri və beynəlxalq siyasətin müxtəlif cəhətləri ilə bağlı
məsələləri müzakirə edən assambleya yalnız məcburi qüvvəsi olmayan tövsiyələr
vermək hüququna malikdir. Parlament Assambleyasının işi aşağıdakı sahələr üzrə
ixtisaslaşdırılmış komissiyalar tərəfindən hazırlanır:
51
Siyasi məsələlər;
İnsan hüququ və hüquqi məsələlər;
Sosial məsələlər, səhiyyə və ailə məsələləri;
Ətraf mühit, regional planlaşdırma və yerli hakimiyyət orqanları;
Elm və texnologiya;
İqtisadiyyat və inkişaf məsələləri;
Kənd təsərrüfatı;
Avropa Şurasının üzvü olmayan Avropa dövlətləri
ilə əlaqələr;
Miqrasiya, qaçqınlar və demoqrafiya;
Milli parlamentlər və ictimaiyyətlə əlaqələr.
Parlament assambleyası öz funksiyalarını xeyli genişləndirmişdir. Belə ki,
Assambleya sessiyalararası müddətdə iclaslar keçirən çoxlu ixtisaslaşmış komitə
yaratmışdır. Assambleyanın ixtisaslaşmış komitələrindən əlavə, xüsusi
rolu olan
daimi komitəsi də vardır. Assambleyanın bəzi səlahiyyətləri həmin komitəyə
verilmişdir. Bu komitə sessiya üçün material hazırlayır, assambleyanın
sessiyalararası müddətdə fəaliyyət göstərən komitələrinə rəhbərlik edir.
Parlament Assambleyası özünün daxili reqlamentini qəbul edir, öz
üzvlərindən sədrini və onun müavinlərini seçir. Sədr və onun müavinləri (hazırda
onlar sədr və 17 müavindən ibarətdir) Assambleya Bürosunu təşkil edir.
Avropa Şurasının tamhüquqlu üzvü olduqdan bu günə kimi ötən müddət
ərzində assambleyanın sessiyalarında xüsusi fəallığı ilə fərqlənən Azərbaycan
Respublikası Milli Məclisinin nümayəndə heyəti AŞ PA-nın 2001-ci il yanvarın
22-26-da Strasburqda keçirilmiş növbəti sessiyasında millət vəkili İlham Əliyevin
rəhbərliyi ilə iştirak etmişdi. Nümayəndə heyətinin tərkibinə deputatlardan Səməd
Seyidov, Gültəkin Hacıyeva, Nairə Şahtaxtinskaya, Vaqif Vəkilov, Qulamhüseyn
Əlibəyli daxil idilər.
Bundan başqa, 6 deputatdan ibarət əvəzedici heyət də yaradılaraq
Azərbaycan parlamentinin AŞ PA-da təmsilçilərinin sayı 12-yə çatmışdı.
Cənab İlham Əliyevin rəhbərlik etdiyi Azərbaycan nümayəndə heyəti 2001-
ci il aprelin 23-27-də ilk dəfə olaraq tamhüquqlu üzv kimi Avropa Şurası
Parlament Assambleyasının sessiyasında iştirak etmişdir.
2001-ci il aprel ayında AŞ PA-nın yaz sessiyası nümayəndə heyətimizin
iştirak etdiyi ilk sessiya idi. "Avropanın iqtisadi və transmilli mütəşəkkil
cinayətkarlığa qarşı mübarizəsi" mövzusunda aparılan müzakirələrdə çıxış edən
Azərbaycan nümayəndə heyətinin rəhbəri cənab İlham Əliyev bu problemin əhatə
dairəsinin genişlənməsində Ermənistanın oynadığı rola dair konkret faktları
iştirakçıların diqqətinə çatdırmış, Azərbaycan torpaqlarının Ermənistan silahlı
qüvvələri tərəfindən işğal edilməsi nəticəsində Dağlıq Qarabağda və ətraf
rayonlarda qeyri-qanuni əməliyyatların keçirildiyini, xüsusilə bu ərazilərdə
narkotiklərin yetişdirildiyini və nəql edildiyini, habelə bu ərazidə qeyri-qanuni
silahlı birləşmələrin hazırlandığını qeyd etmişdir.