Azərbaycan və avropa şurasi
Yüklə 1,11 Mb. Pdf görüntüsü
|
54 məsuliyyət daşıması üçün lazım ola biləcək infrastrukturları və kommunikasiyaları ABŞ-ın istifadəsinə verməyə hazırdır". Bu baxımdan nümayəndə heyətimizin başçısı hər bir çıxışında avropalılara erməni təcavüzünün mahiyyətini açıqlayır, faktlarla sübut edirdi ki, Ermənistanın Azərbaycana qarşı ərazi iddiası bizim ölkəmizə nə kimi təhlükə yaradıb və Avropaya necə təhlükə yarada bilər. "Dünyada terrorçuluğun bütün formalarına qarşı genişmiqyaslı antiterror kampaniyasına başlamağın və terrorçuluq ilə savaşda çox ciddi addımlar atmağın vaxtı gəlib çatmışdır" — söyləyən İlham Əliyev sessiyada ilk olaraq bu terror aktının bəşəriyyət üçün böyük təhlükə olduğunu və Azərbaycanın terrorizmə qarşı mübarizədə barışmaz mövqe tutduğunu, terrorizmlə mübarizədə hər bir əməli yardım və əməkdaşlığa ölkəmizin hazır olduğunu bildirərək bəyanat verdi. Bunun səbəbini izah edərkən İlham Əliyev həm də göstərdi ki, Azərbaycan daim Ermənistan tərəfindən terrora məruz qalmış, nəticədə minlərlə insan həlak olmuşdur. Avropanın bir çox ölkələrinin hələ seçim haqqında düşündüyü bir zamanda İlham Əliyevin qətiyyətli və cəsarətli bəyanatı Azərbaycan diplomatiyasının növbəti uğurlu addımı idi. Çünki bununla Azərbaycan bir həm demokratiyaya sadiq olduğunu, həm də erməni terroruna məruz qaldığını göstərdi. Cənab İlham Əliyevin sessiyadakı çıxışında əsas diqqəti qondarma Dağlıq Qarabağ respublikasında terrorçular hazırlayan hərbi bazaların mövcudluğuna, bu ərazinin ermənilər tərəfindən məqsədyönlü şəkildə çirkli pulların yuyulması mərkəzinə çevrilməsinə yönəltməsi informasiya müharibəsində ermənilərin mövqelərinə ciddi zərbə kimi dəyərləndirildi. 11 sentyabr faciəsi göstərdi ki, heç bir dövlət belə dəhşətli terror aktlarından sığortalanmayıb və bu bəla ilə effektiv mübarizə aparılması üçün milli və dini mənsubiyyətindən, habelə coğrafi mövqeyindən asılı olmayaraq, bütün dünya dövlətlərinin birgə səy göstərməsi vacibdir. Bundan başqa, AŞ PA-da azərbaycanlı məcburi köçkün və qaçqınların acınacaqlı vəziyyəti, işğal olunmuş ərazilərdə mədəniyyət abidələrinin məhv edilməsi, ali və orta təhsil müəssisələrinin tamamilə dağıdılması haqqında da müxtəlif sənədlər hazırlandı və yayıldı. Ermənistanın təcavüzü nəticəsində minlərlə azərbaycanlı uşağın təhsil hüququndan məhrum edilməsi, 616 orta məktəb, 234 məktəbəqədər müəssisə, 12 peşə məktəbi, 5 texniki məktəb, 1 universitet, 3 universitet filialı və 3 peşə məktəbi filialının məhv edilməsi, 20 min təhsil işçisinin, 130 min tələbə və şagirdin qaçqın düşməsi təşkilatda təmsil olunan ölkələrin nümayəndələrinin diqqətinə çatdırıldı. Sənədə assambleyanın bir çox deputatları imza atdılar. AŞ PA Siyasi Komitəsinin tərkibində yaradılmış və Azərbaycan, Gürcüstan və Ermənistanın daxil olduğu işçi qrupunun görüşü keçirilmişdir. Görüşdə Cənubi Qafqaz bölgəsində sabitlik paktının hazırlanması, müharibə zamanı əsir və itkin düşənlərin qaytarılması və bir sıra sahələrdə əməkdaşlığın perspektivləri barədə 55 Gürcüstan nümayəndə heyətinin təklifi və layihə barədə fikir mübadiləsi aparılmışdır. Azərbaycan tərəfi Cənubi Qafqaz bölgəsində sabitlik paktının yaradılmasının, bu sahədə müəyyən tədbirlər görülməsinin zəruriliyini və bununla bağlı müzakirələrə hazır olduğunu, müharibə zamanı əsir və itkin düşmüş insanların taleləri ilə maraqlanmağın vacibliyini, Azərbaycanın bu haqda zəruri sənədləri təqdim və qarşı tərəflə məsələni müzakirə etməyə hazır olduğunu bildirmişdir. Azərbaycan, Gürcüstan və Ermənistanın əməkdaşlığı haqqında layihədə ekologiya, turizm sahələrində, habelə iqtisadiyyatın müəyyən sahələrində əməkdaşlıq barədə müddəalar var idi. Ermənistan nümayəndələri bu məsələlərə hazır olduqlarını bildirmişlər. Lakin Azərbaycan tərəfi buna qəti etiraz edərək Ermənistan—Azərbaycan, Dağlıq Qarabağ münaqişəsi həllini tapmayınca, işğal olunmuş torpaqlar azad edilməyincə və bölgədə sülh bərqərar olmayınca, Ermənistanla hər hansı əməkdaşlıqdan söhbət gedə bilməyəcəyini vurğulamışdır. Cənab İlham Əliyev məsələ ilə bağlı qeyd etmişdir: "Münaqişə başlandığı dövrdən Ermənistan terror təşkilatları Azərbaycanda 32 terror aktı törətmişdir. Azərbaycan terrora məruz qalan bir ölkədir. Ermənistanın silahlı qüvvələri zəbt etdikləri Azərbaycan ərazilərini azad etməyincə iki ölkə arasındakı hər hansı bir əməkdaşlıqdan söhbət gedə bilməz". AŞ PA-da hər bir nümayəndə heyəti öz ölkəsinin müxtəlif siyasi dairələrinin, o cümlədən müxalifət partiyalarının mənafelərini ifadə edir. Orada deputatlar öz nümayəndə heyətlərinin üzvləri olmaları ilə yanaşı, ayrı-ayrı siyasi baxışları əks etdirən siyasətçilər kimi fəaliyyətdədirlər. Demək, AŞ PA üzv ölkələrin müxtəlif siyasi-ictimai spektrlərinin fikirlərini əks etdirən deputatların məclisidir. Bu spektrdə Azərbaycan nümayəndə heyətinin nüfuzunun getdikcə artması asanlıqla başa gəlməyib. Ölkəmizin Avropa Şurasının tamhüquqlu üzvü olduğu ilk gündən Ermənistana tam dəstək verən ayrı-ayrı qruplar və siyasi komitələr daxilində Azərbaycana münasibətdə formalaşdırılmış yanlış fikirlərin təsiri sonda nümayəndə heyətimizin ardıcıl fəaliyyəti nəticəsində aradan qaldırıldı. 2002-ci il qış sessiyasının gündəliyinə digər məsələlərlə yanaşı, "Azərbaycanda siyasi məhbuslar" məsələsi də müzakirəyə çıxarılmışdı. Bu məsələnin gündəliyə çıxarılmasında Avropa Şurasının erməni lobbisinin xüsusi rolu olmuşdu. Təəssüf ki, belə bir məsələnin gündəmə çıxmasında Azərbaycan müxalifətinin və onun təsiri altında olan bəzi qeyri-hökumət təşkilatlarının fəaliyyəti də az olmamışdır. Müzakirələrə qədər nümayəndə heyətinin başçısı cənab İlham Əliyevin Avropa Şurası təşkilatının vəzifəli şəxsləri ilə və müxtəlif dövlətlərin nümayəndə heyətlərinin başçıları ilə keçirdiyi görüşlər öz nəticəsini verdi. Məruzəçilərin qeyri-obyektivliyinə baxmayaraq, Rusiyanı, Fransanı, Türkiyəni, Polşanı və digər dövlətləri təmsil edən deputatlar öz çıxışlarında "siyasi məhbus məsələsinin ümumiyyətlə qondarma bir termin olduğunu vurğuladılar. Yüklə 1,11 Mb. Dostları ilə paylaş:
|