Azərbaycan və avropa şurasi
Yüklə 1,11 Mb. Pdf görüntüsü
|
86 qəzet və jurnal, 20-dən artığı telekanal, 50-yə yaxını elektron KİV-dir. 14(iv) (e) Qəbul olunduğu vaxtdan keçən iki ildən gec olmayaraq KİV haqqında qanunu yenidən nəzərdən keçirmək və təkmilləşdirmək. 7 dekabr 1999-cu il tarixli KİV haqqında Qanun 28 dekabr 2001-ci ildə yenidən nəzərdən keçirilmişdir. Xüsusilə qanunun jurnalistlərin akkreditasiyası və kütləvi informasiya vasitələrinin bağlanması proseduruna dair müddəalara Avropa Şurasının tövsiyələri əsasında düzəlişlər edilmişdir. 2008-ci il mayın 7-də KİV haqqında Qanuna dəyişikliklər və əlavələr edilmişdir. 14(iv) (f) Milli televiziya kanalını müstəqil inzibati şura tərəfindən idarə edilən ictimai kanala çevirmək "İctimai televiziya və radio yayımı haqqında" Qanun 28 sentyabr 2004-cü ildə qəbul edilmiş və noyabrın 9-da müvafiq Prezident fərmanından sonra dərc edilmişdir. Prezident fərmanına əsasən İctimai televiziya Azərbaycan televiziyasının 2-ci kanalı və Dövlət Radiosunun 1-ci kanalı əsasında yaradılmış və 2005-ci il avqustun 29-da fəaliyyətə başlamışdır. Prezidentin 2005-ci ilin martında imzaladığı başqa bir fərmanla Dövlət Televiziya və Radio Şirkəti qapalı səhmdar cəmiyyətə çevrilmişdir, yəni, onun idarəçiliyi dövlət tabeliyindən çıxarılaraq Səhmdar Cəmiyyətin idarə heyətinə verilmişdir. Qapalı Səhmdar Cəmiyyətin səhmlərinin 51 faizi dövlətə məxsusdur. 14(iv) (g) Qəbul olduğu vaxtdan keçən üç il ərzində Konstitusiya və Cinayət Məcəlləsində əks olunmuş ayrı-seçkiliyin yolverilməzliyi haqqında müddəaları tamamlayan və milli azlıqlar haqqında prezident fərmanını əvəz edən azlıqlar haqqında qanun qəbul etmək. Milli azlıqlar haqqında Qanun hazırlanma prosesindədir. 87 14(iv) (h) Qəbul olunduğu vaxtdan keçən bir ildən gec olmayaraq assosiasiyaların qeydiyyat və müraciət prosedurlarını nizamlayan qaydaları yenidən nəzərdən keçirmək və təkmilləşdirmək. Avropa Şurası ekspertlərinin və yerli QHT-lərin yaxından əməkdaşlığı ilə hazırlanmış Hüquqi şəxslərin dövlət qeydiyyatı və dövlət reyestri haqqında Qanun 12 dekabr 2003-cü ildə qəbul olunmuşdur. Qanun QHT-lər də daxil olmaqla, hüquqi şəxslər üçün tamamilə yeni qeydiyyat proseduru nəzərdə tutur. Azərbaycan Respublikası Prezidentinin sərəncamı ilə 27 iyul 2007-ci ildə "Azərbaycan Respublikasının qeyri-hökumət təşkilatlarına dövlət dəstəyi Konsepsiyası" qəbul edilmişdir. Azərbaycan Respublikası Prezidentinin Fərmanı ilə 13 dekabr 2007-ci ildə Azərbaycan Respublikası Prezidenti yanında QHT-lərə Dövlət Dəstəyi Şurası yaradılmışdır. Şura 2009-cu il üçün 226 layihəyə dəstək olaraq 1 milyon 848 manat vəsait ayırmışdır. 2009-cu il iyun ayının 30- da QHT-lər haqqında qanuna dəyişikliklər edilmişdir. 15(i) Qəbul olunduğu vaxtdan keçən üç ildən gec olmayaraq Vəkillik haqqında qanunu yenidən nəzərdən keçirmək və təkmilləşdirmək. "Vəkillər və vəkillik fəaliyyəti haqqında" 28 dekabr 1999-cu il tarixli Qanuna müxtəlif dövrlərdə dəyişikliklər edilmişdir. Son belə dəyişikliklər 2005-ci il iyunun 14-də Milli Məclis tərəfindən qəbul olunmuşdur. Həmin dəyişikliklər AŞ ekspertləri tərəfindən də müsbət qiymətləndirilmişdir. 15(ii) Qəbul olunduğu vaxtdan keçən iki ildən gec olmayaraq Konstitusiya Məhkəməsinə müraciət şərtlərini yenidən nəzərdən keçirmək və hökumət, Baş prokuror, bütün səviyyəli məhkəmələr və xüsusi hallarda isə fərdlərə müraciət hüququ vermək. Konstitusiya Məhkəməsi haqqında yeni Qanun 23 dekabr 2003-cü ildə qəbul olunmuşdur. Qanun şəxslərə, bütün instansiya məhkəmələrinə, o cümlədən ombudsmana Konstitusiya Məhkəməsinə birbaşa müraciət etmək hüququ verir. 2004-cü ilin iyununda Venesiya Komissiyası Konstitusiya Məhkəməsinin Prosedur Qaydalarına dair rəy vermişdir. 2009- cu il 18 mart referendumu nəticəsində Konstitusiyanın 130-cu maddəsinin IX hissəsinə Konstitusiya Məhkəməsinin 88 qərarlarının dərc edilməsi ilə əlaqədar müddəa əlavə edilir. 15(iii) Qəbul olunduğu vaxtdan keçən üç ildən gec olmayaraq hakimlərin təyin edilməsi və fəaliyyət müddətləri prosedurlarını yenidən nəzərdən keçirmək və təkmilləşdirmək. 24 avqust 2002-ci ildə keçirilmiş referenduma əsasən, hakimlərin təyinedilmə proseduru və onların fəaliyyət müddətinə dair Konstitusiyanın müvafiq müddəalarına düzəlişlər edilmişdir. Hal-hazırda apellyasiya məhkəmələrinin hakimləri parlament tərəfindən təyin olunur. Onların fəaliyyət müddəti 10 ildir. Konstitusiya Məhkəməsi hakimlərinin fəaliyyət müddəti 15 il müəyyənləşdirilmişdir. Hakimlərin təyinatı qaydasının təkmilləşdirilməsi üzrə Fəaliyyət Planı tərtib edilmişdir. Fəaliyyət Planına uyğun olaraq hazırlanmış və Avropa Şurasında ekspertizadan keçirilərək 2005-ci il yanvarın 31-dən qüvvəyə minmiş "Məhkəmə-Hüquq Şurası haqqında" və "Məhkəmələr və hakimlər haqqında Azərbaycan Respublikası Qanununa əlavə və dəyişikliklər edilməsi haqqında" qanunlara əsasən, yeni demokratik üsullarla formalaşdırılmış Məhkəmə Hüquq Şurası fəaliyyətə başlamışdır. Ədliyyə naziri Şuranın sədri seçilmiş, beynəlxalq mütəxəssislərin tövsiyələrinə uyğun hazırlanaraq Avropa Şurasında ekspertizadan keçirilmiş "Hakimlərin Seçki Komitəsi haqqında Əsasnamə" və "Vakant olan hakim vəzifələrinə hakim olmayan namizədlərin seçilməsi Qaydaları" təsdiq olunmuşdur. Eyni zamanda, yeni qanunvericiliyin tələblərinə əsasən, 20-dək normativ sənədin, o cümlədən hakimlərin fəaliyyətinin qiymətləndirilməsi, intizam icraatının aparılması qaydaları haqqında təlimatların və s. sənədlərin hazırlanması üzrə tədbirlər görülmüş, bəzi sənədlər qəbul olunmuşdur. Avropa Şurasının ekspertləri Azərbaycanda məhkəmə fəaliyyətinin təkmilləşdirilməsi və ədalət mühakiməsinin səmərəliliyinin artırılması üzrə tədbirləri yüksək qiymətləndirmiş, bu sahədə yeni qəbul Yüklə 1,11 Mb. Dostları ilə paylaş:
|