127
digər vilayətlərdə isə Alban dili X əsrdən sonra yox olmağa başladı.
Lakin qriqoryanlaşdırma prosesi albanların kəskin müqavimətinə rast
gəldi, buna görə də bu çox uzun sürdü. XIII əsrdə Gəncədə yaşamış
Kirakos Qandzaketsi yazır ki, "...erməni dilini yalnız Alban
"rəislərinin" əksəriyyəti, yəni zadəganlar bilir və bu dildə danışırdı.
Deməli, hətta XIII əsrdə Arran əhalisinin hamısı erməni dilini bilmir
və öz ana dilində danışırdı. Bunu S.T.Yeremyan da təsdiq edir və bu
nəticəyə gəlir ki, "Alban ədəbiyyatı" yenə də (!) yaşayırdı"
1
.
Arranın dağlıq vilayət və rayonları olan Sünik
2
, Arsax,
Xaçen, Şəki, Girdiman əhalisi ilə indiki Gəncə, İsmayıllı, Qəbələ,
Oğuz rayonlarının və Azərbaycan Respublikasının bir sıra digər
rayonların əhalisi, həmçinin Ermənistan Respublikasında Sisian,
Basarkeçər və digər rayonların bəzi kənd yerlərinin əhalisi indi
erməni olsa da, bu əhalinin adət və ənənələri, qonşuluqda yaşayan və
ata-babaları müxtəlif səbəblər üzündən müsəlman olan
azərbaycanlıların adət və ənənələrinin eynidir. Bu rayonların əhalisi
məhz onlardır ki, “erməni dini kilsəsinə qoşulmuş və ermənilərlə
qarışmışlar”
3
.
İ.P.Petruşevski haqlı olaraq göstərir ki, erməni kilsəsi
Albaniyada "ölkəni erməniləşdirmək aləti olmuşdur. Onun bu rolu
VIII əsrin başlanğıcından etibarən xüsusilə nəzərə çarpır, yəni o
zamandan sonrakı erməni monofızit katolikosu Yegi xalkedonçuluq
edən Alban katolikosu Nersesi (Bakuru) ərəb xəlifəsinin köməyi ilə
devirmişdi və Albaniyada ruhanilər və knyazların bir hissəsinin,
Alban kilsəsinin erməni kilsəsindən müstəqilliyini qorumaq cəhdini
əks etdirən xalkedonçuluq (pravoslav, yunanpərəst, gürcüpərəst)
hərəkatı ermənipərəst monofızitlər tərəfındən yatırılmışdır"
4
.
N.Y.Marr da vaxtilə göstərmişdir ki, Albaniya ərəb
xəlifələrinin köməyi ilə "Ermənistanın antixalkedon kilsəsinin əlinə
1
Yenə orada, səh. 329.
2
Sünikin Alban vilayəti olması barədə b a x: Feofon.
3
A.İohannesyan. Sitat gətirilən əsəri, səh, 130.
4
И.П.Петрушевский. О дохристианских верованиях крестьян
Нагорного Карабаха, стр. 8.
128
keçmişdir"
1
. Ruhanilərin başına əl qoyub onları keşişliyə keçirmək
hüququ Alban katolikoslarından erməni katolikoslarına keçdi və
bundan sonra Arranda xalkedonçuluğa rəğbət bəsləyənlər "qılıncla və
əsarətdə məhv edilməli"
2
idi. Tədqiqatçıların bir hissəsi arasında
geniş yayılan "erməni Albaniyası", "erməni albanları"
3
kimi adlar elə
buradan törəmişdir.
Beləliklə, aydın olur ki, nə Arsax və nə də əhalisi
erməniləşdirilmiş albanlardan, hazırda isə ermənilərdən ibarət olan
digər vilayət və rayonlar "heç bir zaman erməni mədəniyyəti
mərkəzlərinə mənsub olmamışdır. Erməni kilsəsi heç olmazsa
Sünikdə Orbeli naxararları dövründə və ondan sonra göstərdiyi
mədəni təsiri Arran xalqlarının erməniləşmiş nəsilləri arasında
göstərə bilməmişdir."
4
Beləliklə, erməni kilsəsi "Albaniyanın bütün kilsələrində
sülh"ü yalnız yadelli işğalçıların köməyi ilə bərqərar etmişdi
5
.
Erməni katolikosluğu və naxararlarının mənafeyi hər dəfə tələb
etdikdə erməni kilsəsi həmişə yadelli işğalçıların köməyinə əl atır,
1
Н.Я.Марр. Аркаун, монгольское название христиан в связи с
вопросом об армянах-халкедонитах, т.XIII, 1906, стр. 7.
2
История Агван, стр. 240-247/192-198.
3
К.П.Патканов. Ванские надписи и значение их для истории
Передней Азии, стр. 338-339.
4
İ.P.Petruşevski. Sitat gətirilən əsəri, səh. 13. B a x: Н.Адонц. Армения
в эпоху Юстиниана (стр. 225): "Arsax həmişə erməni təsiri dairəsindən kənarda
olmuşdur". Belə fikirlər söyləndiyi halda, başa düşmək olmur, nə səbəbə
A.L.Yakobson, məsə-lən, iddia edir ki, Arsax (və Xaçen) qədim erməni
vilayətləridir (və ya knyazlıqlarıdır), halbuki onun özü Alban Qandzasar
məbədindən (monastırından deyil) bəhs edərkən təsdiq edir ki, bu məbəd "XIX
əsrədək Alban katolikosunun kafedrası olmuşdur (b a x
А.Л.Якобсон. Из истории армянского средневекового зодчества, стр. 144)
5
История Агван, стр. 247.
129
"xaç bayrağı ilə öz yolu üzərində tarixi Aqvaniya və onun bir hissəsi
olan Qarabağ (Arsax) xalqlarını" yox edirdi
1
.
N.Vartapetov qeyd etdiyi kimi, erməni kilsəsi "həmişə özü
üçün yeni şəraitə bacarıqla uyğunlaşırdı və siyasi vəziyyətdən asılı
olaraq, Səfəvilərə, sonra da rus çarına qulluq göstərirdi; necə ki,
vaxtilə eynilə həmin qaydada hərəkət edib Bizans imperatorları,
İranın Sasani şahları, ərəb xəlifələri, monqollar və digərləri
qarşısında baş əymişdi"
2
.
3. Azərbaycan Əməvilər xilafəti tərkibində
(VIII əsrin I yarısı)
Təxminən 681-ci ildə knyaz Cavanşir bizanspərəst əhvali-
ruhiyyəli Arran knyazlarının gizli qəsdi nəticəsində öldürüldü
3
.
Knyaz Cavanşir öldürüləndən sonra, Arran knyazlıq taxtını ələ
keçirmək üstündə ölkədə daxili çəkişmə və vuruşmalar başlandı; bu
çəkişmədə knyazlar və ruhanilərdən başqa, "silahlı camaat" da iştirak
edirdi
4
. Xalq kütlələrini sakitləşdirmək üçün, paytaxt şəhəri Bərdəyə
zadəgan nəsillərinin başçıları, hökmdarlar, canişinlər, əyanlar,
naxararlar və ölkənin hıər yerindən knyazlar toplandılar; onlar
katolikos Yeliazarla birlikdə vəliəhd seçmək barəsində
məsləhətləşməyə başladılar. Onlar "razılaşdılar ki, [taxta] baş
naxararlardan birini, imperatorun verdiyi ekskonsul [apoipat] titulu
1
А.С.Вартапетов. К вопросу об историческом исследовании
христианских памятников Народного Карабаха, в I; yenə onun: Христианские
памятники Карабаха, л. 9.
2
А.С.Вартапетов. Христианские памятники Карабаха, стр. 11
3
Bu əhvalat, Alp İlitverin komandanlığı ilə xəzərlərin ölkəyə basqınından
bir az əvvəl, 681-ci ilin 9 iyun-23 dekabr arasında və yəqin 680-cı ilin
sentyabrından sonra baş vermişdir. B a x: История Агван, стр. 185.
4
История Агван, стр. 182/145.
Dostları ilə paylaş: |