40
Xanlığın əhalisi
Erməni katolikosluğunun Qərbi Azərbaycana köçürülməsi və ermənilərin
Üçkilsə ətrafında məskunlaşmağa başlaması. Azərbaycanın ayrılmaz tərkib hissəsi
olan İrəvan xanlığının ərazisi ən qədim zamanlardan başlayaraq müxtəlif tarixi
dövrlərdə Azərbaycan türklərinin elliklə ən sıx yaşadığı bölgələrdən biri olmuşdur.
Azərbaycan xalqı bu diyarda öz tarixinin ən zəngin və ən şanlı səhifələrini
yaratmışdır. Qriqorian missionerləri istisna edilməklə, ermənilərin bu Azərbaycan
torpaqlarında peyda olması prosesi 1441-ci ildə erməni katolikosluğunun
Kilikiyadan
Azərbaycan Qaraqoyunlu dövlətinin ərazisinə - Üçkilsəyə
köçürülməsindən [34,326-327; 105,19] sonra başlamışdır. Bunu Üçkilsə
katolikoslarının Azərbaycan hökmdarlarının qılığına girərək onlardan aldıqları
kəndlərin, torpaqların və digər əmlakın Matenadaranda saxlanılan alqı-satqı
sənədləri tam açıqlığı ilə sübut edir [bax: bölmənin sonu, cədvəl 1].
İrəvan bölgəsindəki Azərbaycan torpaqlarını ermənilərin hansı yollarla ələ
keçirmələri ilə bağlı Matenadaranda saxlanılan 1687-ci il tarixli bir sənəd olduqca
əhəmiyyətlidir. Həmin sənəddə qeyd olunur ki, biz (yəni ermənilər - red.)
Azərbaycan türklərinə məxsus olan torpaqları "...ya satın alır, ya zəbt edir, ya
sahibinin əlindən çıxarır, ya rüşvət verib alır, ya bəxşiş kimi əldə edir və yaxud da
zorla ələ keçiririk" [51,28]. Erməni müəllifi qeyd edir ki, məhz bu yollarla XV-
XVIII əsrlərdə erməni kilsəsinin və dünyəvi feodallarımn torpaq mülkiyyəti
formalaşmışdı [51,28].
Qeyd etmək lazımdır ki, erməni katolikosluğu mərkəzinin 1441-ci ildə
Çuxursəd (İrəvan) bölgəsinə köçürülməsinə qədər burada ermənilərə məxsus heç
bir kənd və yaxud torpaq sahəsi olmayıb. Hətta, erməni katolikosluğunun
yerləşdiyi Üçkilsə (Valarşabad
*
) kəndi belə 1443-cü
ildən başlayaraq hissə-hissə
müxtəlif vasitələrlə Azərbaycan, türklərindən alınmışdı. Məsələn, Azərbaycan
Qaraqoyunlu hökmdaları Cahanşahın razılığı ilə Üçkilsə katolikosu təyin olunan
(1443) Qriqor Makulu, tanınmış azərbaycanlı nəslinin nümayəndəsi, azyaşlı Səid
bəyin mülkü olan Üçkilsə (Valarşabad) kəndinin bir hissəsini 8 min 40 dinara
[105,100], 3 il sonra isə qalan hissəsini və əlavə 6 kəndi müsəlman Rüstəmdən 90
min dinara satın ala bilmişdi [105,102; bax: bölmənin sonu, cədvəl: 1].
Qaraqoyunlu, Ağqoyunlu və Səfəvi dövlətlərinin himayəsindən istifadə
edən Üçkilsə katolikosları və onların Avropadakı havadarları Azərbaycanın bu
hissəsində ermənilərin kök salıb çoxalmasına başçılıq etmişlər. Belə ki, erməni
keşiş Q.Kiğamiyans ermənilərin "qurtuluş hərəkatının onların Qriqorian kilsəsi
*
Erməni dilində heç bir izahı olmayan "Valarşabad" toponimi Arşakilər (Arsaklılar) sülaləsindən olan
Sanatürkün (Sanatrukun) oğlu Valar şahın (194-216) adı ilə bağlıdır. Uzun tarixi dövr ərzində
"Valarşabad" kimi işlənmiş bu toponim erməni ədəbiyyatında təhrif olunaraq "Vağarşabad" formasma
salınmışdı. Valarşabadm əsası Valar şah tərəfindən qoyulmuşdu [bax: 95,116; 190, 29].
41
tərəfindən vahid mərkəzdən idarə olunduqları zamandan başlandığını qeyd edərək
yazırdı ki, avropalı missionerlor qriqorianlara müraciətlə deyirdilər: "Əgər siz də
bizim kimi Papa ilə birlikdə olsanız, siz də bizim kimi əziz olarsınız və onda hətta
istiqlaliyyətinizi də ələ alarsınız". Bununla Şərqə əl uzatmağa çalışan avropalılar
XVI-XVII yüzilliklərdə Kilikiyadan İrana (Səfəvi dövləti ərazisinə - red.) köç
edərək burada məskunlaşan ermənilərin dini duyğularını alovlandırırdılar [117, 3-
4; 126, 33]. İlk dövrlərdə ermənilər İrəvan şəhərinin özündə deyil, ələ keçirə
bildikləri Üçkilsə katolikosluğunun ərazisində və ona bitişik torpaqlarda
məskunlaşmışdılar.
Beləliklə, xaricdəki havadarlarının və xristian missionerlərinin hesabına
varlanan erməni kilsəsi Azərbaycan hakimlərindən pulla ermənilərə yeni-yeni
torpaqlar və kəndlər alaraq Azərbaycanın tarixi torpaqlarında özlərinə daimi
məskənlər yaradırdılar.
Ermənilərin
Çuxursəd
(İrəvan)
bəylərbəyiliyinin
ərazisində
məskunlaşmasına təkan verən amillər. Qeyd etmək lazımdır ki, ermənilərin
Çuxursəd bəylərbəyiliyinin ərazisində məskunlaşmasına təkan verən amillərdən
başlıcası XVI-XVII əsrlərdə və XVIII əsrin I yarısında baş vermiş Səfəvi -
Osmanlı müharibələri idi.
Çünki qeyd olunan müharibələr zamanı yerli müsəlman əhali -
Azərbaycan türkləri ya qırılıb tələf olur, ya da şiə məzhəbindən olduqlarına görə
Osmanlı ordusunun hücumları zamanı doğma torpaqlarını tərk etməyə məcbur
olurdular. Məsələn, dövrün ilk mənbələri əsasında aparılmış tədqiqatlar təsdiq edir
ki, 1583-cü ilin avqustunda Fərhad paşanın başçılıq etdiyi Osmanlı ordusu İrəvan
bölgəsinin Şörəyel və Talın mahallarına daxil olan zaman yerli əhali öz
torpaqlarını tərk edib Ağrıdağ və onun yaxınlığındakı yaylaqlara çəkilmişdi
[192,346]. Belə hallarda yaranmış fürsətdən istifadə edən erməni kilsəsi
osmanlıların işğal etdikləri Azərbaycan kəndlərini onlardan əlverişli qiymətə satın
alır və Türkiyənin müxtəlif vilayətlərindən buraya axışan erməniləri həmin
ərazilərə yerləşdirirdi.
Qeyd etmək lazımdır ki, Üçkilsə və onun ətrafındakı Azərbaycan
torpaqlarında məskunlaşan ermənilərin burada daha da möhkəmlənməsinə Səfəvi
hökmdarı I Şah Abbas (1587-1629) geniş imkanlar yaratmışdır. Belə ki, onun
fərmanı ilə ermənilərə Səfəvi dövlətinin xarici ticarət əlaqələrinin həyata
keçirilməsində geniş imtiyazlar verilmiş, dövlətin ərazisində yerləşən erməni
kilsələrinə xüsusi güzəştlər
*
edilmişdi [174, 181-182; 126,29,32].
Bunu o zaman Üçkilsədə məskunlaşan ermənilərin özləri də təsdiq
*
Səfəvi şahlarının xristianlara, o cümlədən ermənilərə belə qayğı göstərməsi Avropa dövlətlərinin
Şərqin müsəlman ölkələrində yaşayan "xristianları himayə" siyasətinin və I Şah Abbasın Osmanlı
imperiyasına qarşı apardığı müharibələrdə qərb dövlətlərindən odlu silahlar almaq siyasətinin "nəticəsi
idi.