Azərbaycanın böyük şairi Xəlil Rzanın bizim xalqın mədəniyyətinin inkişafında böyük
Yüklə 2,49 Mb. Pdf görüntüsü
|
- Bu səhifədəki naviqasiya:
- VÜQAR TÜRKÜSÜ
- XƏLİL RZA ULUTÜRK
- Moskva, Lefortovo zindanı, birinci gün, 1 oktyabr 1990
431 VÜQAR TÜRKÜSÜ Azadlıq hər kəsə qismət olurmu? Mən azad yaşadım küləklər kibi. Bütün varlığını bəşəriyyətə Bəxş edən ətirli çiçəklər kibi. Mən azad yaşadım küləklər kibi. Bircə toz ləkəsi, bir azca zədə Yaxın buraxdımmı büllur qəlbimə. Tapdım ağ bəxtimi mübarizədə Dənizlər baş qoydu cəsur qəlbimə Günəşdən işıqlı büllur qəlbimə. Mən burda yaşaram hökmdar kibi, Sən orda dönmüsən quru qaxaca. Məgər verərəmmi, dəyişərəmmi Zindan küncündəki səadətimi Qızıl qəsrindəki təxt ilə taca? Sən orda dönmüsən quru qaxaca. Medallı, çələngli bəxtiyarların Məgər bircəsinə küsəndimmi heç? Yırtdım maskasını saxtakarların Bəxş etdim aləmə səadət, sevinc. Məgər bircəsinə küsəndimmi heç? Gözümün içinə güllə sıxanlar Gözümdə nə gördü? Yalnız təbəssüm! Öz evini yıxdı məni “yıxanlar”, Polad dizlərimdə dəyanət, dözüm, Gözümdə nə gördü? Yalnız təbəssüm. Kimdən əsirgədim duzçörəyimi? Keçdim cəhənnəmdən gül dərədərə. Böldüm dilimdilim şir ürəyimi, Payladım kəmlərə, ağciyərlərə. Keçdim cəhənnəmdən gül dərədərə. 432 XƏLİL RZA ULUTÜRK SEÇİLMİŞ ƏSƏRLƏRİ Qupquru çörəyi, adi suyu da. Tər bənövşəm bilib qoxulamışam. Batan günəşi də, doğan ayı da Çiynimdə cüt görüb hər səhəraxşam Tər bənövşəm bilib qoxulamışam. Balaca, alanəm, dar kameramda Azərbaycanımla verib başbaşa, Döndərib qəlbimi məşələ, oda, Şeirimi yazmışam beton bir daşa, Azərbaycanımla verib başbaşa. Tökülüb başımdan dəli leysanlar, Leysan damlasını yaqut bilmişəm. Yerdə mənim üçün divan quranlar Bilirmi səmadan, göydən gəlmişəm, Leysan damlasını yaqut bilmişəm. Dönüb sevinc olur duyduğum kədər, Qürur dalğalarım axınaxındır. Mənim səadətim mənimdir məgər? Haqqını axtaran insanlığındır. Qürur dalğalarım axınaxındır. Məhəmməd peyğəmbər, Konfutsi, Budda... Bütün dahilərin ilk varisiyəm. Ayağım topraqda, başım buludda Haqqın nəfəsiyəm, eşqin səsiyəm. Bütün dahilərin ilk varisiyəm. Bir gün güllə dəysə açıq alnıma, Qanım qızılgülə dönəcək yəqin. Heyran qalacaqlar yas cəlalıma, Uğrunda öləcəm bəşəriyyətin, Qanım qızılgülə dönəcək yəqin. Moskva, Lefortovo zindanı, birinci gün, 1 oktyabr 1990 433 AZADLIĞIM Hər kişi müstəqil bir partiyadır, Hər kişi – ən ali bir hakimiyyət. Dövlət sərhəddimi, azadlığımı Heç kəsə vermərəm! Bilsin kəmfürsət! Heç birinə ram olmadım Nə sərvətə, nə şöhrətə. Nə bir cənnət içindəcə mərmər qəsrə, imarətə. Nə rəyasət heyətinə, hər cəhətdən kəm heyətə. Heç birinə ram olmadım: pula, vara, zər cilidli kitablara, qəlp medala, boş çələngə. Yalnız könül azadlığı! Bu eşq ilə girdim cəngə. Yalnız könül azadlığı – hətta dəmir bir qəfəsdə. “Gülüstan”ı, “Türkmənçay”ı qanla yazan bir məhbəsdə. Çayları bəlkə də saxlamaq olar. Mən dənizlər kibi azadam, azad! Gəda qarşısında iki əlini Yerə qoyanlarla ən kəskin təzad! İldırımlar kibi, leysanlar kibi, Burulğanlar kibi azadam, azad! Təmkinlə hərlənən yer kürəsiyəm, Mənim azadlığım, mənim gücümdür. Mənim azadlığım qansoranların Cındır maskasını yırtmaq üçündür! Mənim azadlığım haraylayır ki, Çıxın mağaradan, ey əntərlərim! 434 XƏLİL RZA ULUTÜRK SEÇİLMİŞ ƏSƏRLƏRİ Başınız üstündə o göylər boyda Havaya tamarzı ağciyərlərim! Nə bədbəxtdir evində də diplomat tək hərlənənlər... Yaşamağa tamarzılar, ömrü boyu girlənənlər. Düşmənimmi? Məgər düşmən kəlməsinə heç layiqmi nadürüstlər? Yarım düşmən, yarım dostlar? Süd gölündə yarışanlar, üzüşənlər. Qanı qara, üzü şənlər. Bircə yol “xox” eşidərkən büzüşənlər. Böyük tarix qatarının təkərinə ilişənlər. Azca macal tapan kimi rütbələri bölüşənlər, Diri qullar, ölü şənlər anlarmı bu səadəti? Mənim əl boydaca köksüm içində Yerə, göyə sığmaz hakimiyyəti?! İstəsən, balamı verərəm ona, Üzərəm, laləmi verərəm ona. Ağzımın dadını, gözüm odunu, Çayımı, selimi verərəm ona. Verməm göylər boyda azadlığımı! Yalnız Vətənimdir atam, qardaşım, Qarışıb dönmüşəm yurd havasına. Dünyada heç kəsə əyilməz başım Baş əyir adicə quş yuvasına! Mənim azadlığım yalnız onundur, Ölsəm də yenidən gələrəm cana, Dirilik suyu tək qovuşa bilsəm Dodaqları yanıq AZƏRBAYCANA... 436 XƏLİL RZA ULUTÜRK SEÇİLMİŞ ƏSƏRLƏRİ İKİ QARDAŞIN SÖHBƏTİ (Bir parça) Deyirsən arasıra yadıma gəlir anam. Deyirsən heç bilmirəm qaradır qaşı, gözü, Ya şabalıd rəngində. Xatirindən çıxıbdır səsinin ahəngi də. Deyirsən xalı vardı, Bilməm sağ yanağında, yoxsa sol yanağında. O xal da itib gedir gah dumanlar içində, Gah yenidən canlanır gözünün qabağında. Ömrün bahar çağında sən ayrıldın anandan, Tərk etdin ana yurdu. Sən özün ayrılmazdın, ayıranlar ayırdı. Yox, təkcə sənin deyil, qardaş, bu dərd, bu firqət. Bu firqətlə yaşayır on milyonluq məmləkət. Sən həsrətsən anana, bəs mən necə? Bir düşün: Mənim anam deyilmi Təbriz, Zəncan, Marağa? Rəvamı həsrət qala oğul, ana torpağa? Danış mənə dərdini, danış lap açıqaşkar Dərd aşkar olunmasa, dərman necə tapılar? Bizim sevincimizi oğurlayan düşmanlar Oğurlamaq istəyir indi qəmimizi də. O torpaqdan qızılı, gövhəri qoparanlar Qoparmaq istəyirlər hələ ürəyimizdən Gövhər kimi hissi də. Danış, alovlanım mən. Odlu bəbəklərimdən yaş axsın giləgilə. Mən öz Vətənim üçün Nəfəsim tutulunca hönkürməmişəm hələ. Dişim dodaqlarımı qanadıncaya qədər Hirslənməmişəm hələ. Düşmən görmək istəyir bizi qırıq saz kimi Danış!
Düşmən əlilə mənim korşalmış, xırpalanmış Hirsim, hiddətim daşsın, Bəndibərəni aşsın qəzəbli Araz kimi...
Yüklə 2,49 Mb. Dostları ilə paylaş:
|