409
Zəif şamlar qüvvət alır
Xəlil Rza nəfəsindən.
Firəngizim göy səməni,
şamlar təki pak, müqəddəs.
Sil gözünü, ey gülnəfəs,
Çırağımız haqdan yanır,
Onu heç kəs söndürəmməz!
Səp göylərə bu kişmişi,
dönəcək ağ ulduzlara.
At torpağa o buğdanı,
yol açacaq bəhrəbara.
Bələnsə də al qanına,
çəkilsə də min yol dara,
Çörək verir, ürək verir
Azərbaycan dünyalara.
Sil gözünü, məğrur əyləş mənim ürkək novbaharım,
Cibi dolu, əli dolu, qəlbi dolu gələn yarım!
Sənsən mənim dünya boyda, səadətim, ilhamım da,
Min zindanı parçalayan gur çırağım, bayramım da.
Moskva, Lefortovo zindanı,
6 aprel 1990
AZƏRBAYCAN
Zindandakı cismimdi tək,
Canım orda, ruhum orda.
Qaf dağının zirvəsində –
Ucalardan ucalarda!
Görün harda havalanır
Dağ qartalı görün harda.
Hər sətrimi üfüqlərə
Qanadıyla yazayaza.
Xəbər verir yaxınlaşan
İlk bahara, güllü yaza:
410
XƏLİL RZA ULUTÜRK
SEÇİLMİŞ ƏSƏRLƏRİ
Şimal qütbü üşüyürsə
Qoy sığınsın bağrımıza.
Od içində səməndərdi
Azərbaycan – Xəlil Rza!
Xəlil Rza atılsa da
Bucağına zindanların,
Azərbaycan sığa bilməz
Qucağına zindanların.
Aman dostlar, siz gəlməyin
Ayağına zindanların.
Lənət deyin qanqırmızı
Bayrağına zindanların!
Qarı düşmən soxulmasın
Poladlaşan sıramıza.
Biri dağdır, biri qaya:
Azərbaycan – Xəlil Rza!
Haray sellər, şəlalələr
Dağ sinəmdən gəlin, keçin!
Tukənməzəm, tükənsəniz
Ürəyimdən badə için.
Gülüstanam, ətrafımdan
Tikanları qırın, biçin.
Ağciyərlər aləmində
Yalqız qalan mərdi seçin!
Durulmuşam, sal qayadan
Damladamla, sızasıza
Biri dəniz, biri bulaq:
Azərbaycan – Xəlil Rza!
Kordu gözü. Qoy təpəgöz
Güvənməsin gövdəsinə.
Baş əymədik gülləsinə,
Qandalına, kündəsinə.
Dinlə, nitqi nəyə bənzər
Top səsinə, tank səsinə.
411
El tüpürür Avropada
O kabusun kölgəsinə.
Asiya da, Afrika da
Bu lənətə atır imza.
Bu döyüşün bayrağıdır
Azərbaycan – Xəlil Rza!
“Qanqan!” deyən qatilləri
Bir gün gələr qandıraram.
Canilərə cəhənnəməm,
Atəşimdə yandıraram.
Haçan, harda, hansı seldən,
Hansı oddan yan duraram?
Əbədiyəm, məbədiyəm.
Cahan varsa, mən də varam.
Kainat bir gülüstandır,
Uzaq olsun bizdən qəza.
Dəymə, bülbül yuvasıdır
Azərbaycan – Xəlil Rza!
Moskva, Lefortovo zindanı,
8 aprel 1990
SƏNİN GÖZ YAŞLARIN
Mən səni ömrüm boyu təbəssümlü görmüşəm,
Gülümsər gözlərindən sevinc, fərəh dərmişəm.
Sənin səadətinə həyatımı vermişəm,
Bəs nədir bu hıçqırıq?.. Göz yaşın almazalmaz?
Canavarlar önündə, gülüm, ağlamaq olmaz!
Bir bax, öndə, arxada, paqonlular dayanıb,
O da fələk dustağı... çoxu naçar dayanıb.
Şimaldayıq, dizəcən ləkəli qar dayanıb,
Qoltuqlara sığınır burda bahar, burda yaz.
Canavarlar önündə, gülüm, ağlamaq olmaz!
412
XƏLİL RZA ULUTÜRK
SEÇİLMİŞ ƏSƏRLƏRİ
Göz yaşların tökülür Moskvanın qarına,
Çırpılır kor məhbəsin soyuq divarlarına.
Qana batmış dağam mən, güvən yalnız yarına.
Bizim dərin yaramız göz yaşıyla sağalmaz.
Canavarlar önündə, gülüm, ağlamaq olmaz!
And olsun Vətənimin qarsalanmış daşına.
Yüzyüz general dəyməz sənin bir göz yaşına.
Bahar kimi gəlmişəm, günəş kimi qarşıla,
Camalından utansın ruhu keçəl, beyni daz.
Canavarlar önündə, gülüm, ağlamaq olmaz!
Yanaqların islanıb... gözlərindən öpüm gəl.
Qırıqqırıq, odnəfəs sözlərindən öpüm gəl.
Diz çökmədin nakəsə, dizlərindən öpüm gəl.
Gedər qış da, gələr yaz, bu dövran belə qalmaz.
Canavarlar önündə, gülüm, ağlamaq olmaz!
Azadlığın havası dolubsa milyon qəlbə,
Əvvəlaxır bizimdir, bizimkidir qələbə.
Bu qanlı nəm divarı qoparaq qəlpəqəlpə.
Yalnız haqqındır zəfər, nahaq özü matəm, yas.
Aç başından bu şalı, qara bağlamaq olmaz.
Canavarlar önündə, gülüm, ağlamaq olmaz!
Gülüm, ağlamaq olmaz.!
Moskva, Lefortovo zindanı,
9 nisan 1990
VƏTƏNİMİ DÜŞÜNÜRƏM
Xırdaxuruş qəmlər ilə əylənməyə yoxdur vaxtım,
Qışda belə pardaxlanan qızıl güldür mənim baxtım.
Fərqi yoxdur, mən hardayam, ya zindanda, ya gülşəndə,
Ömrümgünüm gəlib keçir sözlə qələm döyüşündə.
Elə bilmə ya qafiyə, ya rədiflə əylənirəm,
Sözün səngər havasını reyhan kibi iyləyirəm.
413
Vətənimi düşünürəm, bəxti dönük vətənimi,
Əhdi böyük, dərdi böyük, özü böyük vətənimi!
Orda ümid tarlasını yolumyolum yolanlar var,
Evə girən, cibə girən, gözə girən yalanlar var!
Orda rütbə nökərləri sürüsürü.
Burnu dimdik, özü alçaq... iş başında dövran sürür.
Doğmalara dal çevirən, yada ağuş açanlar var,
Anaların göz yaşını badə kibi içənlər var.
Gedibgələn nəfəsi də yalan, saxta,
Bir soxulcan, alabaxta, bir quşca da faydası yox,
Amma qalxıb qızıl taxta.
Cocuqların üzərinə tank sürənlər hələ sağdır,
Qatillərin qarşısında diz qatlayan kölə sağdır.
Nə canı var, nə də qanı, yeyib içən bağırsaqdır,
Dərin qəbrə möhtac ikən hökm eləyən qurumsaqdır.
Hələ yazıq ürəklərdə qorxular var ləkələkə,
Qorxulara əsir düşən insan özü – müstəmləkə!
Mən qovmasam kim qovacaq bu ahları, amanları?
Yumruq vurub kim ayıltsın başı, beyni samanları?
Hələ durur cənnətimi cəhənnəmə döndərənlər,
“Kalaşnikov” lüləsilə çırağımı söndürənlər.
Dolaşıram üç addımlıq, beş addımlıq kamerada.
Zindanları dağıtmasaq, kim çatacaq, kim murada?
Hələ ağlı, düşüncəsi, beyni zindan olanlar var,
Zər paqonu parılparıl ictimai ilanlar var.
Dostları ilə paylaş: |