24
§ 1. Vətənim (1 saat)
№
Gözlənilən təlim nəticələri
Alt
standart
Fənlərarası
inteqrasiya
1 Mətndəki fikirlərin məntiqi ardıcıllığını
müəyyənləşdirir
1.1.1
Az.t. –
1.2.2.
Coğ. –
3.2.1.
Əd. – 1.2.4.
2 Mətnin hissələri arasında əlaqələri gözləməklə
danışır
2.1.4
3 Mətndəki fikirlərə münasibət bildirir
3.1.3
4 Seçdiyi nümunələrlə yazısını zənginləşdirir
4.1.2
Dərsin tipi:
İnduktiv
Dərsin forması:
Böyük və kiçik qruplarla, cütlərlə iş
Dərsin üsulu:
Beyin həmləsi, müzakirə
Resurslar:
Dərslik, elektron lövhə, kompyuter.
Motivasiya:
Müəllim elektron lövhədə S.Vurğunun “Azərbaycan”
şeirinə çəkilmiş musiqili filmi nümayiş etdirir.
Müəllim şagirdlərə müraciət edir:
– Şeirin müəllifi kimdir?
Kiçik yaşlarınızdan Siz Vətən mövzusunda çoxlu şeirlər, mahnılar
eşitmisiniz. Yadınızda qalanları varmı?
Şagirdlərin cavabları dinlənilir.
Tədqiqat sualı:
Məşhur müğənnilərin ifasında “Vətənim” mövzusunda
mahnıları dinləyərkən hansı hisləri keçirirsiniz? Mahnılardakı sözlər insanda
hansı hisləri oyadır?
Tədqiqatın aparılması:
Tədqiqat sualına cavab tapmaq məqsədilə
müəllim şagirdlərə “Vətənim” şeirini oxutdurur. Şeirin bəndləri müxtəlif
şagirdlərə oxutdurulur. Müəllim şagirdlərin oxusu zamanı onların məntiqi
vurğudan düzgün istifadə etmələrinə nəzarət edir. Sonra sözlüyün
mənimsədilməsi üzərində iş aparılır. “Sözlük”dəki sözlərin mənası izah edilir,
cümlələrdə işlədilir.
Şagirdlər qruplara bölünür. Hər qrup 3-cü çalışmanın şərtinə əsasən,
şeirin misralarında şairin Vətəninə sonsuz məhəbbətini təhlil edərək misranın
məzmununu genişləndirərək, Azərbaycan haqqında danışırlar (2.1.4. alt-
standartı). Müəllim danışıq zamanı şagirdlərin nitqindəki qüsurları düzəldir.
Şeirdəki fikirlərin məntiqi ardıcıllığını müəyyənləşdimək məqsədilə 4-cü
çalışmanı yerinə yetirir (1.1.1. alt-standartı). Aşağı siniflərdəki biliklərini
möhkəmləndirmək məqsədilə şagirdlər 5,6,7-ci çalışmaları yerinə yetirirlər.
Bu çalışmalar üzərində işi kiçik qruplarla təşkil etmək daha yaxşı səmərə verir.
Çap üçün deyil
25
Qrup lar verilmiş çalışmalarda feilləri tapıb onların zaman və şəxs şəkilçilərinin,
sifətlərin müəyyənləşdirilməsi üzərində, köməkçi nitq hissələrinin şeirdəki
rolunu praktik yolla mənimsəyirlər. Çalışmalarda qoyulan tapşırıqlar, eyni za-
manda, həmin nitq hissələri ilə bağlı orfoqrafik və durğu işarələrindən istifadə
üzrə işlər aparılmasına da imkan verir. Müəllim 8,9-cu çalışmanın yerinə
yetirilməsini cütlərə tapşıraraq 4.1.2. alt-standartının reallaşdırılmasına şərait
yaradır. Şeirdən götürülmüş sözlərin mənsubiyyətə və hallara görə dəyişməsi
üzərində işləməklə şagirdlər tapşırıqda nəzərdə tutulan bacarıqların daha da
təkmilləşdirilməsinə nail olurlar.
Əvvəlki biliklərinə istinad edərək müəllim şagirdlərə Vətən mövzusunda
atalar sözü yazmağı tapşırır. Sonra atalar sözü dinlənilir və qiymətləndirilir.
Məlumat mübadiləsi:
Şagirdlər “Vətənim” şeirinin əsas ideyasını
müzakirə edir və vətən mövzusunda yazılmış digər şeirlərlə müqayisəli şəkildə
fikir mübadiləsi aparırlar.
Nəticə:
Tədqiqat sualına cavab axtaran şagirdlər öyrənirlər ki, Vətən
haqqında yazılan minlərlə şeir və nəğmə Vətən deyilən torpağın nə qədər
müqəddəs və sevimli olmasının bədii təzahürüdür. İnsanların məskən salıb
min illər boyu qoynunda yuva qurduqları torpağa Vətən deməsi də bir sirli
aləmdir. Nəyə görə bütün Yer kürəsinə yox, yalnız onun bir hissəsinə Vətən
deyirik? Ona görə ki, bu Vətən dediyimiz torpaqda bizim babalarımız uyuyur.
Bu yadigarı qorumaq, onu gələcək nəsillərə təhvil vermək isə bizim müqəddəs
borcumuzdur.
Yaradıcı tətbiqetmə:
11-ci çalışmanın şərtinə uyğun inşa yazaraq 4.1.2.
alt-standartını reallaşdırmaq.
Qiymətləndirmə:
Seçilmiş qiymətləndirmə meyarlarına uyğun aparılır.
Ev tapşırığı:
Şeirdən istədiyiniz hissəni əzbərləyin.
§ 2. Milli Ordu quruculuğunda (1 saat)
№
Gözlənilən təlim nəticələri
Alt
standart
Fənlərarası
inteqrasiya
1 Dinlədiyi mətndəki fikirlərin məntiqi ardıcıllığını
müəyyənləşdirir
1.1.1
Az.t. –
1.2.2.;
4.1.1.
Coğ. 3.2.1.
Əd. 3.1.2.
2
Mətnin hissələri arasında əlaqələri gözləməklə
danışır.
Söz birləşməsi və sadə cümlələri qrammatik norma-
lara uyğun tələffüz edir.
2.1.4
2.1.1
4
Seçdiyi nümunələrlə yazısını zənginləşdirir.
Həmcins üzvlər, əlavələr, xitab və ara sözlərlə bağlı
durğu işarələri qaydalarına əməl edir.
4.1.2
4.1.3
Çap üçün deyil
26
Dərsin tipi:
İnduktiv
Dərsin forması:
Kiçik qruplarla iş
Dərsin üsulu:
Beyin həmləsi, təqdimat, müzakirə
Resurslar:
Dərslik, elektron lövhə.
Motivasiya:
Müəllim ekranda 21 iyun “Milli Azərbaycan Ordusunun
Yaranması Günü”nə həsr olunmuş hərbi paraddan görüntüləri nümayiş etdirir.
Müəllim soruşur:
– Kadrlarda Milli Ordunun çıxışını gördünüz. Bu ordunun yaranması
haqqında nə bilirsiniz?
Şagirdlərin cavabları dinlənilir.
Tədqiqat sualı:
“Vətəni qorumaq imandandır” ifadəsi kimə məxsusdur?
Müəllim ifadənin Məhəmməd Peyğəmbərə (s.ə.s.) aid olduğunu elan edir və
bu ifadənin nə üçün söyləndiyini soruşur.
Tədqiqatın aparılması:
Müəllim şagirdləri kiçik qruplara bölür.
Tədqiqat “Milli Ordu quruculuğunda” mətninin oxusu ilə başlanır. Mətn
hissə-hissə qruplardakı şagirdlərə oxutdurulur, məzmunun və “Sözlüy”ün
mənimsədilməsi üzərində iş aparılır. “Sözlük” və “Söz ehtiyatı”nda olan söz
və ifadələrin köməyi ilə mətn tərcümə edilir. Şagirdlərin öyrəndikləri yeni
sözləri qrup üzvləri cümlələrdə işlədirlər.
Müəllim 1-ci çalışmanın suallarını qrup üzvləri arasında bölüşdürərək
cavabları dinləyir. Sonra şagirdlər 2.1.4. alt-standratına əsasən mətnin
hissələri arasındakı əlaqələri gözləməklə mətni danışırlar. Müəllim 4,5,6,7,8-ci
çalışmaları 3 qrup arasında bölərək tapşırığı icra etməyi tapşırır və vaxt təyin
edir. Şagirdlər nümunələrdən mətnin hissələrinə uyğun istifadə edərək 4.1.2.
alt-standartına əsasən çalışmaları yerinə yetirirlər. Belə çalışmalar şagirdlərin
məntiqi düşünmə qabiliyyətinin formalaşmasına xidmət edir. Belə ki, hər bir
suala cavab vermək üçün şagirdlər fikirlərini məhz qoyulan sual ətrafında
cəmləşdirirlər.
9,10,11,12,13-cü çalışmaları qrup üzvləri yerinə yetirərkən 2.1.1. alt-
standartına uyğun olaraq söz birləşməsi və sadə cümlələri qrammatik norma-
lara uyğun yerinə yetirməyə nail olurlar. 14-cü çalışmanı yerinə yetirərkən
şagirdlər lüğət ehtiyatlarını zənginləşdirmiş olurlar.
Məlumat mübadiləsi:
Şagirdlər Əliağa Şıxlinski haqqında öyrəndiklərini
müzakirə edir, tədqiqat sualı ətrafında fikir mübadiləsi aparırlar.
Nəticə:
Vətən deyilən torpağın Vətən olması üçün onu qorumaq başlıca
şərtdir. Çünki istər-istəməz tarixən bütün müharibələrin kökündə torpaq tələbi,
ərazi iddiası dayanmışdır.
Şah İsmayıl Xətayinin yaratdığı vahid Azərbaycan dövlətinin xəritəsinə
diqqətlə baxanda “Azərbaycan” adlanan ərazinin necə böyük bir coğrafi
Çap üçün deyil
Dostları ilə paylaş: |