2.8. Zavod tikintisi üçün ayrılmış ərazinin təbii–ekoloji vəziyyətinin əsas
xüsusiyyətləri
2.8.1. İqlim şəraiti
Zavod üçün ayrılmış ərazidə mürəkkəb torpaq-ekoloji xüsusiyyətlərə malik yarımsəhra və
quru bozqırların bioiqlim-landşaft xüsusiyyətlərini özündə əks etdirən quru subtropik zonaya xas
olan iqlim şəraiti formalaşmışdır.
Temperatur. Burada havanın orta illik temperaturu 14,4C təşkil edir. Ərazi üzrə yanvar
ayının orta temperaturu 3,8C, ən isti ay olan iyulun orta aylıq temperaturu isə 25,7C təşkil edir.
Yağıntı. Yağıntının orta illik miqdarı cəmi 247 mm təşkil edir. Buna görə də burada quraq
keçən yay fəslində bitki örtüyü tamamilə quruyur.
Küləklər. Ərazinin iqlimində şimal (38%), cənub (19%) və şimal-qərb (17%) istiqamətli
küləklər üstünlük təşkil edir; digər istiqamətdə əsən küləklərin təkrarlanması cüzidir (2-12%
həddində).
Səthi və qrunt suları. Ərazi təbii su hövzələrindən çox uzaqda yerləşir. Zavod tikintisi
üçün aparılmış geoloji kəşfiyyat işlərinin nəticələrinə əsasən, qrunt sularının səviyyəsi 143,8m-dən
az, 30 metrdən çox dərinliklərdə təşəkkül tapmışdır.
2.8.2. Torpaq şəraiti
Ərazidə boz-qonur torpaqların az inkişaf etmiş kompleksləri yayılmışdır.
Ayrılmış sahədə və ona bitişik ərazilərdə ətraf mühitin mövcud durumunun tədqiqi zamanı
bu yerlərin artıq çoxdan güclü antropogen təsirə məruz qalması və buradakı torpaqların təbii
örtüyünün ciddi texnogen mənşəli dəyişikliklərə uğraması müəyyən olunmuşdur. Ərazi
torpaqlarının çox hissəsi müxtəlif məişət və sənaye mənşəli tullantılarla çirkləndirilmişdir. Burada,
həmçinin, bir vaxtlar istismar edilib atılmış qum və gil karxanalarının qazmalarına da təsadüf edilir.
Ərazinin torpaqlarının çox hissəsi humus qatından məhrumdur. Az bir hissəsində isə torpağın üst
qatı alt qatlarından nisbətən fərqlənən A qatı seçilir və qida maddələri ilə az təmin olunmuşdur.
Ərazidə qumluqlardan və qumdaşılardan ibarət, texnogen təsirlərdən korlanmış torpaqlar çoxluq
təşkil edir.
2.8.3. Bitki örtüyü
Ərazinin bitki örtüyü əsasən taxılların dominantlığı ilə yovşanlı-efemerli formasiyalardan
təşkil olunmuşdur. Bu örtük tam olmayıb, talalar şəklində yerləşir. Ərazidə çox kiçik bir arealda
qeyd olunmuş 2 növ bitki - şişkin vələmir və tükcüklü şiyav xüsusi qoruma statusuna malikdir.
Tükcüklü şiyav cəmi 3 nöqtədə qeyd olunmuşdur. Görünür, bu bitki əraziyə təsadüfən, ya toxumla
ya da başqa yerlərdən daşınan tullantı qruntlarla düşmüşdür.
2.8.4. Heyvanat aləmi
Ərazidə məskunlaşan heyvanat aləmi o qədər də zəngin deyildir. Bu da ərazinin yem və
məskunlaşma cəhətdən qeyri-əlverişli şəraiti ilə izah olunur. Burada əsasən, həşəratlar, sürünənlər
yayılmışdır. Məməlilərdən tülkü, canavar, dovşan, müxtəlif gəmiricilər rast gəlir.
Adları Azərbaycanın Qırmızı Kitabında qeyd olunmuş 3 həşəpat (fərat çapağanı,
kəlləşəkilli haf və oleandr hafı) və bir sürünən növünün (Aralıq dənizi tısbağası) ərazidə təsadüf
edilməsi ehtimal olunur.
2.8.5. Təbii–ekoloji vəziyyətin araşdırmaları üzrə nəticələr
1. Zavod tikintisi zamanı ərazinin külək rejimi nəzərə alınmalıdır. Burada hakim olan
şimal, cənub və şimal-qərb istiqamətli küləklər zavodun fəaliyyəti zamanı atılan tüstü qazlarını
şəhərə və yaxud əks istiqamətdə yerləşən yaşayış sahələrinə daşıya bilər. Odur ki, tüstü borusu
optimal hündürlükdə quraşdırılmalıdır (layihəyə əsasən, tüstü borusunun hündürlüyü 60 metr
olacaqdır).
2. Məişət tullantılarının emalı zavodunun tikintisi üçün ayrılmış ərazinin torpaqları,
əksərən, texnogen təsirlərə məruz qalıb müxtəlif mənşəli tullantılarla çirkləndirilmiş və texnogen
təsirlərdən deqradasiyaya uğramış vəziyyətdədir. Ona görə:
Ərazinin susuz və qida maddələri ilə az təmin olunmuş, çox hissəsi qumluqlardan və
qumdaşılardan ibarət, texnogen təsirlərdən şiddətli dərəcədə korlanmış torpaqlardan kənd
təsərrüfatı sahələrinin inkişaf etdirilməsi üçün istifadə etmək mümkün deyildir.
Ərazi yaşayış sahələrinin salınması üçün, eyni zamanda bitkiçilik-heyvandarlıq sahələrinin
inkişafı üçün də əlverişli olmadığından, həmçinin, yaxınlığında başqa sənaye sahələri
inkişaf etdiyindən, nəzərdə tutulan zavodun yerləşdirilməsi üçün istifadə olunması daha
məqsədəuyğundur.
Torpaq örtüyünün təbii-ekoloji xassələri, qida maddələri ilə zəif təmin olunması, humus
qatının çox zəif və ya heç olmaması səbəbindən, bu torpaqların götürülüb başqa sahələrdə
utilləşdirilməsi də məqsədəuyğun deyildir. Odur ki, ərazinin torpaqlarından tikinti –
hamarlama və ərazi planlama zamanı istifadə edilməsi daha məqsədəuyğundur.
3. Ərazinin bioloji mühiti zəif inkişaf etmişdir. Qida maddələri ilə zəif təmin olunmuş və
atmosfer çöküntülərinin çox az düşməsi və başqa su mənbələrinin olmadığı susuz şəraitdə burada
bitki – torpaq şəraiti zəif inkişaf etmişdir. Bu səbəblərdən ərazi canlılar üçün məskunlaşma və qida
mühiti kimi cəlbedici deyildir. Bununla belə, torpaq hazırlama işləri zamanı ərazidə rast gələn
qoruma statusuna malik bitki və heyvan növlərinin qorunması üçün aşağıdakı tədbirlər
müəyyənləşdirilməlidir:
Çox kiçik bir arealda qeyd olunmuş şişkin vələmir və tükcüklü şiyavın qorunması
üçün, onların bitdiyi yerdə torpaq qatı 25 sm dərinlikdə qazılıb götürülməli və
təhlükəsiz yer seçilərək, yerləşdirilməlidir.
Qoruma statusuna malik canlıların ərazidə təsadüf edilməsi tikinti işlərinə nə vaxt
başlamaqdan asılıdır. Məsələn, isti yay aylarında, adətən, həşəratların
məskunlaşdığı, qidalandığı bitki substratları artıq öz vegetasiyasını başa vurmuş
olduğundan, bu həşəratlar rast gəlməyəcəkdir. Payızda isə artıq həşəratların
qışlama dövrü başlayacaqdır. Əgər sahədə Aralıq dənizi təsbağası təsadüf edərsə,
onun təhlükəsiz yerə köçürülməsi barədə inşaatçı personal təlimatlandırılmalıdır.
Dostları ilə paylaş: |