Şəhərin sanitar vəziyyətinin yaxşılaşdırılması – bərk məişət tullantılarının emalı ilə
şəhər tullantılarının azalması və sanitar təmizlik əldə olunması;
Əhalinin sağlamlığına müsbət təsirlər - Zibillərin yandırılmaqla emalı nəticəsində
xəstəlik mənbələrinin yaranmasına son qoyulması və əhalinin sanitar-gigiyenik
şəraitinin sağlamlaşması, yoluxucu xəstəliklərə qarşı təhlükəsizlik təminatı;
Sosial səmərənin artması - yeni emal zavodunun fəaliyyəti ilə şəhər ərazisinin ildə
500 min tullantılardan təmizlənməsi;
Mövcud risklərin azalması təminatı - məişət tullantılarının emalı zavodunun
fəaliyyəti zamanı zibilin yanma prosesləri nəzarət altında idarə olunmaqla və tüstü
qazlarının tərkibinin effektli təmizlənməsi ilə həyata keçiriləcəkdir. Bu da şəhərdə
yandırılan və yanan zibilxanalardan atılan ekoloji təhlükəli maddələrin miqdarının və
risk mənbələrinin sayının azalmasına səbəb olacaqdır.
2.10.1. Layihənin sosial təsirlərinin qiymətləndirilməsi üzrə nəticələr
Təqdim edilən layihə üzrə tikiləcək zavod böyük sosial əhəmiyyətə malik olacaqdır. Bu
özünü paytaxt Bakının məişət tullantılarından təmizlənməsi və əhalinin sağlamlığı sahəsində
risklərin azalması ilə təzahür edəcəkdir.
2.11. Layihənin iqtisadi aspektdən əsaslandırılması
Layihənin tətbiqi aşağıdakı aspektlər üzrə sosial səmərəyə səbəb olacaqdır:
Torpaq resurslarına qənaət - Bərk məişət tullantılarının yandırılmasına görə İllik istehsal
gücü 500 min ton olan Zibil emalı zavodunun tikintisi ilə yeni zibilliklərin yaranması
zərurəti aradan qalxacaq və torpaq ərazilərinin təsərrüfat dövriyyəsindən çıxarılaraq,
iqtisadi əhəmiyyətinin itirilməsi baş verməyəcəkdir;
Enerji resurslarına qənaət - Beynəlxalq Energetika Şurasının İşçi Qrupu tərəfindən
tullantıların emalı üzrə «energetik balans» konsepsiyası təklif edilmişdir. Konsepsiyanın
mahiyyəti belədir: alınmış enerji tullantının emalına sərf olunan və istehlak edilən
energetik xərcləri ödəməlidir. Ona görə də texnologiyanın seçilməsi adətən, istehsal və
istehlak olunan enerjinin balansı ilə müəyyən olunur. Bu baxımdan, təklif olunan layihə
üzrə ildə istehsal olunacaq 230 meqavatt elektrik enerjisinin 15%-i zavodun daxili
tələbatlarına sərf edilməklə iqtisadi səmərə əldə olunacaqdır.
Bərk məişət tullantıları alternativ enerji mənbəyi kimi - Hazırda Avropa
qanunvericiliyi birmənalı şəkildə enerji mənbəyi olaraq, şəhər zibilini birinci yerə qoyur.
Təbii sərvətlər olan neft, qaz, kömür tükənir, əksinə olaraq, enerji istehlakı daha çox artır.
Zibil bunlardan fərqli olaraq, bərpa olunan yanacaqdır və tükənməzdir. Bakıda tikilicək
zavodun fəaliyyəti zamanı 230 meqavatt elektrik enerjisi istehsal olunacaqdır. Bunun 85%-
i şəhər elektrik şəbəkəsinə verilməsi ilə iqtisadi səmərə əldə olunacaqdır
Yanma külü alternativ inşaat materialı kimi - Təklif olunan layihə üzrə məişət
tullantılarının emalı zavodunun illik fəaliyyəti ərzində ildə zibilin ilkin həcminin 25%-i
qədər kül ayrılacaqdır. Bu tullantı yol inşaatı işlərində tətbiq oluna bilər. Bununla əlaqədar
təbii sərvətlər olan qum və çınqıla qənaət edilməsi ilə bərabər, onların emalına çəkilən
xərclərə qənaət edilməsi ilə iqtisadi səmərə əldə olunacaqdır.
2.11.1. Layihənin iqtisadi təsirlərinin qiymətləndirilməsi üzrə nəticələr
Təqdim edilən layihə üzrə tikiləcək zibil emalı əsasında elektrik enerjisi istehsal edən
zavod həm də iqtisadi əhəmiyyətə malik olacaqdır. Bu, məişət tullantılarının yandırılmasından hasil
olan enerjinin utilləşdirilməsi sayəsində ildə 230 meqavatt elektrik enerjisi istehsalına əsaslanır.
Həm də zavod istehsal etdiyi enerjinin 15%-ni öz tələbatının ödənilməsinə sərf edərək, dotasiya
almadan fəaliyyət göstərə biləcəkdir.
2.12. APARILMIŞ ƏMTQ PROSESİ ƏSASINDA LAYİHƏNİN TƏTBİQİ
ÜZRƏ NƏTİCƏ
Bakı Məişət tullantılarının emalı zavodunun təqdim olunan layihəsi əsasında Ətraf
mühitə təsirlərin qiymətləndirilməsi zamanı ümumi nəticələr aşağıdakı kimi olmuşdur:
Aşağıda göstərilənlər əsasında, Azərbaycan Respublikası İqtisadi
İnkişaf Nazirliyi ilə Fransanın CNİM S.A.(Constructions İndustriales de la
Mediterranee S.A.) şirkəti arasında bağlanmış müqaviləyə əsasən nəzərdə
tutulan Məişət tullantılarının emalı zavodu layihəsinin tətbiqi mümkün
hesab edilə bilər:
Təklif olunan layihə üzrə tikiləcək məişət tullantılarının emalı zavodu qabaqcıl
dünya praktikası əsasında layihələndirilərək, bərk məişət tullantılarının
zərərsizləşdirilməsi və ətraf mühitə neqativ təsirlərin minimallaşdırılması üçün
müasir mükəmməl texniki inkişaf səviyyəsinə uyğun tələblərə cavab verən, yüksək
təmizləmə effektlərinə malik ekoloji proqramlaşdırılmış zavoddur.
Zibil yandırılmasının texnoloji prosesinin idarə olunması, əsas və köməkçi
qurğuların idarə olunma və nəzarəti Avtomat İdarəetmə Sistemi ilə həyata
keçirildiyindən, riskin azalması təmin olunacaqdır.
Təklif edilən zavodun layihəsinin əsasında yeni konsepsiya durur: zavod
mükəmməl texniki həll üsullarının və mürəkkəb qaz-toz təmizləmə sisteminin
tətbiqi nəticəsində ekoloji təhlükəsiz və ya aztəhlükəli kompleks olmaqla, şəhərin
Dostları ilə paylaş: |