102
A a
musiqisinin inkişafında Nizami poeziyasının rolu”, “N.Gəncəviyə
həsr olunmuş musiqi əsərləri”; Təsviri incəsənət dərnəyində : “Ni-
zami poeziyasında təsviri sənət”, “Xəmsə” süjetləri əsasında yara-
nan miniatürlər”, “Azərbaycanda təsviri sənətin inkişafına Nizami
poeziyasının təsiri”, “N.Gəncəviyə həsr olunmuş sənət əsərləri”;
Coğrafiya dərnəyində: “Xəmsə”də coğrafi adlar”, “N.Gəncəvi Yerin
forması və inkişaf mərhələləri haqqında”, “Nizami poeziyasında
təbiəti mühafizə məsələləri”, “Xəmsə”də təsvir
olunan xalqlar, onla-
rın etnoqrafik xüsusiyyətləri” və s.mövzularda şagirdlərin elmi
məruzələrini müzakirə edib onların çapına nail olmaq həm təlim,
həm də tərbiyə baxımından böyük əhəmiyyət kəsb edir.
Ədəbiyyat, tarix, coğrafiya dərnəklərində qeyd olunan mövzu-
lar üzrə elmi məruzələrin hazırlanması üçün mənbələr kifayət qədər
olduğu halda, musiqi və təsviri incəsənətlə bağlı mövzular haqqında
eyni sözü demək çətindir. Buna baxmayaraq, bu sahədə də son
dövrlərdə bir sıra dəyərli elmi mənbələr işıq üzü görmüşdür. Bu
baxımdan Sevda Qurbanəliyevanın “Nizami Gəncəvinin musiqi
dünyası”
(61), Rauf İsmayılzadənin “Nizaminin musiqi dünyası”
(103), Fərman Rzayevin tərtib etdiyi “Nizami Gəncəvi incəsənət
haqqında”
(104), Nadir Zamanovun “Nizami poeziyası və təsviri
sənət”
(105) və s.kimi kitabları xüsusi qeyd etmək olar. Gərgin elmi
zəhmətin və axtarışların nəticəsi kimi meydana gələn, illüstrativ
materiallarla zəngin olan bu kitabların hər biri dərnək məşğələləri,
xüsusilə, yuxarıda qeyd olunan mövzularda elmi məruzələrin hazır-
lanması üçün dəyərli mənbədir. Belə mənbələrdən birini xüsusi
qeyd etməyi məqsədəuyğun hesab edirik. Həmin dəyərli mənbə
sənətşünaslıq doktoru, prof. Kərim Kərimovun nəşrə hazırladığı, ön
söz və qısa şərhlər yazdığı “Nizami Gəncəvi. Xəmsə. Miniatürlər”
adlı kitabdır
(106). Müəllifin həmin kitaba yazdığı geniş həcmli
“Ön söz” əslində çox dəyərli elmi-tədqiqat əsəridir. Bu əsərin elmi
dəyərini artıran bir cəhət də onun eyni mənbədə üç dildə
(azərbay-
can, rus, ingilis) işıq üzü görməsidir. Burada müəllif Nizami poezi-
yasının təkcə Azərbaycanda deyil, bütün Şərq dünyasında təsviri
incəsənətin müxtəlif növlərinin, xüsusilə, rəssamlığın inkişafına
103
A a
böyük təsirini qeyd edərək yazır: “Böyük Nizaminin fəlsəfi – idrak,
romantik məhəbbət, tarixi qəhrəmanlıq poemaları rəssamlar üçün
tükənməz yaradıcı ilham mənbəyi olmuşdur. Bu poemalar rəssam-
ları zəngin və faydalı materiallarla təmin etmiş, onların sənətini
yeni, orijinal motivlərlə, mütərəqqi, humanist ideyalarla zənginləş-
dirmişdir. Nizami “Xəmsə”sinin məşhur, dərin məzmuna malik sü-
jetləri, hamı tərəfindən sevilən səmimi obrazları rəssamların yara-
dıcı təxəyyülünə böyük təsir göstərmiş, çoxlu incəsənət əsərinin
meydana gəlməsinə səbəb olmuşdur”
(106,6).
Kitabın dəyərini qat-qat artıran cəhətlərdən biri də odur ki,
burada Nizami “Xəmsə” sinin süjetləri haqqında yuxarıda qeyd olu-
nan üç dildə annotasiyalar
(qısa şərhlər) verilmişdir ki, bu da təli-
min həm Azərbaycan, həm rus, həm də ingilis dilində olduğu bütün
məktəblərdə ondan istifadəni mümkün və asan edir.
İkinci qrupa daxil olan dərsdənkənar tərbiyə işlərinin forma
və yolları çox müxtəlif olub geniş əhatə dairəsinə malikdir. Şairin
zəngin irsini şagirdlərə sevdirməyin başlıca yollarından biri onun
poeziyasına həsr olunmuş bədii qiraət müsabiqələrinin keçirilmə-
sidir. Belə müsabiqələrin təşkilinə verilən başlıca pedaqoji tələblər
müsabiqə üçün şeirlərin və ayrı-ayrı poemalardan bədii parçaların
düzgün seçilməsi, qiraət materialının tərbiyəvi cəhətinə xüsusi diq-
qət yetirilməsidir. Belə müsabiqələrin tərbiyə baxımından daha
əhəmiyyətli və təsirli olmasını təmin etmək üçün münsiflər heyətinə
tanınmış qiraət ustalarının, şairlərin və nizamişünas alimlərin daxil
edilməsi, qaliblərin N.Gəncəvinin həyat və yaradıcılığına
aid dəyərli
kitablarla mükafatlandırılması, müsabiqənin şərtləri, gedişi və nəti-
cəsinin kütləvi informasiya vasitələrində işıqlandırılması, məktəbin
videotekasında saxlanması üçün diskə köçürülməsi, növbəti müsa-
biqələr zamanı onlardan istifadə olunması məqsədəuyğundur.
Belə müsabiqələri həm siniflər üzrə, həm ümumtəhsil məktəb-
lərarası miqyasda təşkil etmək daha faydalıdır.
Dahi şairin yaradıcılığını dərsdənkənar vaxtlarda şagirdlərə
sevdirməyin vasitə və yollarından biri “Nizami poeziya günləri” nin
təşkilidir. Şairin vətəni Gəncə şəhərində hər il sentyabr ayının