146
A a
1.
“Həyat – əməkdir” – N.Gəncəvi
2.
N.Gəncəvi əməyin sosial-iqtisadi, əxlaqi-tərbiyəvi mənası
haqqında
3.
“Xəmsə”də müftəxorluğun, tənbəlliyin ifşası
4.
N.Gəncəvi poeziyasında əmək adamlarına hörmət tərbiyəsi
5.
“Xəmsə”də peşəyönümü ilə bağlı məsələlər
Əmək tərbiyəsi ilə sıx əlaqəyə malik olan iqtisadi tərbiyə
məsələləri haqqında da dahi şairin kifayət qədər hikmətli kəlamları
mövcuddur. “Məktəb pedaqogikası” dərsliyində müəllif iqtisadi
tərbiyə ilə bağlı bəzi anlayışların (qənaətcillik, israfçılıq və s.) şa-
girdlərə izahı zamanı “görkəmli şəxslərin fikirləri”nə istinad etməyi
məsləhət görür və hind şairi Əmir Xosrov Dəhləvinin, N.Gəncəvi-
nin “Xosrov və Şirin” poemasına nəzirə yazdığı “Şirin və Xosrov”
əsərindən aşağıdakı misraları nümunə göstərir:
Çox israf eləsən gedər pulların,
Borca əl atarsan tükənər varın. (120,400)
Dahi Nizaminin təkcə “Xosrov və Şirin” poemasında deyil,
demək olar ki, “Xəmsə”yə daxil olan bütün əsərlərində iqtisadi tər-
biyə, o cümlədən, qənaətçillik, israfçılıq və s.haqqında hikmətli
misraları kifayət qədərdir və qeyd olunan məsələlərin izahı zamanı
onlardan istifadə zəruri və daha məqsədəuyğundur. Məsələn, şair
“Yeddi gözəl” poemasında başa salır ki, qənaətlə yaşayan insanın
həyatı sevinc-şadlıq içərisində keçər, o hörmət sahibi olar. Lakin hə-
vəsinin, arzu-istəyinin qulu olub hərislik, israfçılıq, acgözlük edən-
lərin axırı yoxsulluqdur, qəmdir, kədərdir:
Hər kim qənaətlə əgər şad olar,
O hörmətli olar, sərazad olar.
Arzu həvəsinə əməl edənin
Yoxsuldur axırı, olsa da zəngin. (64, 153 – 154)
147
A a
Qənaətçillik haqqında şairin hikmət dolu aşağıdakı beytlərin-
dən də istifadə etmək əhəmiyyətli ola bilər:
Artıq darı yemə sən bu xırmandan,
Ona qənaət et, öz halına yan.
Kim qənaət etsə o da sənintək,
O öz aləminin şahıdır gerçək.
Arpa çörəyinə edib qənaət,
Buğda çörəyinə etmərəm minnət.
Qoy dünyada qalsın dünyalıq nemət,
Bir parça çörəyə eylə qənaət. (4, 230 – 233)
“Məktəb pedaqogikası” dərsliyində “Ayrı-ayrı fənlərin iqtisa-
di tərbiyə imkanları” adlı paraqrafda yazılır: “Təsərrüfatın iqtisadi
cəhətlərinə toxunan müəllim istehsal edilən məhsulun satılma
imkanları, satışda əldə edilən pulun xərclənməsi məsələlərini də
şagirdlərin nəzərinə çatdırır.
Bu zaman müdrik kəlamlar da kara gəlir: “Qazanmağa nə var,
iş onu xərcləməkdədir” (120,401) Buradaca müəllimin dahi Nizami-
nin pulu düzgün xərcləmək qaydaları haqqındakı bu hikmətli
sözlərini yada salması yerinə düşər:
Xərclərkən ölçüdən gəl götürmə əl,
Nə artıq, nə əskik – ortadır gözəl. (4,230)
“Məktəb pedaqogikası” dərsliyində iqtisadi tərbiyədə düzlük
və halallığın rolundan bəhs edərkən müəllif yazır: “Haqq-hesabın
düzlüyünə, halallığa aid fikirlər türk xalqlarının uzaq keçmişindən
süzülərək bu günə qədər gəlib çatmışdır. Qaraxanlı türklərinin
görkəmli nümayəndələrindən biri olan Əhməd Yasəviyə görə “hər
bir müsəlman yeməyini, geyməyini əməyi ilə qazanmalıdır. Müftə-
xor olmamalıdır.” (120, 402) Fikrimizcə, burada halal zəhmətin
iqtisadi əhəmiyyətindən danışarkən, müəllimin N.Gəncəvinin “Sir-
lər xəzinəsi” poemasındakı “Süleyman və qoca əkinçi” hekayəsinə
148
A a
əyani misal kimi müraciət etmək daha səmərəli ola bilər. Bu
hekayədə dahi şair həm sadə əmək adamlarına (konkret halda qoca
əkinçiyə) hörmət, həm də iqtisadi tərbiyə məsələsinə xüsusi diqqət
yetirmişdir. Belə ki, şair burada qoca əkinçinin dili ilə insanlara çat-
dırmaq istəyir ki, əkinçilikdə yüksək məhsul sudan, torpaqdan daha
çox halal zəhmətdən, “kürəyin tərindən” mayaya haramlıq qatma-
maqdan, əkin üçün sağlam toxum seçməkdən asılıdır:
Kürəyimin təridir mənim suyum, selim də,
Bu dəmir dırnağımdı xışa əvəz belim də...
Şeytan ilə şərikli əkməsən əyər dəni,
Dən dolu sünbüllərin torpağa əyər dəni.
Səpdiyin əla toxum yararlı dən olanda,
Hər dən yırtar köynəyi sünbülə dən dolanda.
“İsgəndərnamə” poemasında şair əkinçilikdə məhsuldarlığın
yüksəldilməsinə təsir göstərən digər bir amilə diqqəti cəlb edir:
əkinçinin iqtisadi həvəsləndirilməsi, stimullaşdırma olmasa, o, hə-
min işə girişməz:
Taxıldan bir fayda gəlirsə ələ,
Əkinçi əkinə başlar həvəslə.
Taxılın azalsa qədri qiyməti,
Əkinçi buraxar işi, zəhməti. (37,42)
Şairin fikrinə görə, bol məhsul əldə etməyin əsas şərtləndirən
biri də əkini vaxtında əkməkdir ki, bu da müasir aqronomluq elmi-
nin başlıca tezislərindən biridir:
Qəlbə fərəh verir bu gözəl diyar,
Onun bərəkətli zəmiləri var.
Burda əkin əksən vaxtında əgər,
Məhsulu ən azı birə min verər. (yenə orada, səh.550)
149
A a
Tərbiyənin başlıca sahələrindən biri olan fiziki təriyə məsələ-
lərinə adı çəkilən dərslikdə haqlı olaraq çox geniş yer verilmişdir.
Belə ki, burada həmin məsələyə xüsusi fəsil (XXV fəsil. Fiziki tərbi-
yənin ümumi məsələləri) ayrılmış, proqram materialının şərhinə
dərsliyin on səhifəsi həsr olunmuşdur. (120, 365-374) Bununla ya-
naşı, böyük təəssüf hissi ilə qeyd etmək lazımdır ki, bu qədər geniş
proqram materialının şərhində müəllif, fiziki kamilliyi və sağlamlığı
çox yüksək qiymətləndirən, fiziki keyfiyyət və bacarıqlar, gigiyenik
bilik və bacarıqlar, insanın sağlamlığında onların rolu, fiziki tərbi-
yənin vasitələri və yolları və s.haqqında bugünədək öz dəyərini və
aktuallığını saxlayan müdrik fikirləri dahi sənətkar qüdrəti ilə ifadə
edən, hər bir beyti neçə səhifəlik ümumi və mücərrəd sözlərdən da-
ha dəyərli olan N.Gəncəviyə istinad etməmişdir. Halbuki, “fiziki
tərbiyənin ümumi məsələləri” nin şərhinə həsr olunan dörd paraq-
rafın hər birində dahi şairin müvafiq kəlamlarına, müdrik fikirlərinə
istinad etməyin imkanları geniş, zəruriliyi danılmazdır.
Mövzu üzrə dərslikdə verilmiş proqram materiallarının ardı-
cıllığına uyğun olaraq dahi şairin müvafiq fikirlərindən istifadəyə
aid bir neçə konkret nümunəni nəzərdən keçirək. Mövzunun ilk pa-
raqrafı “Fiziki sağlamlığın əhəmiyyəti” adlanır. Mövzunun öyrədil-
məsinə həsr olunmuş mühazirədə müəllim fiziki sağlamlığın insan
həyatındakı rolunu şərh edərkən tələbələrin diqqətini şairin aşağıda-
kı misralarına yönəldir:
Bədən xəstə olsa, belədir sonu,
Sərv olsa da azar yıxacaq onu.
Neyləyər özünə özü xəstənin?
Xəstə olar fikri, sözü xəstənin.
Bədən sağlam olsa, saf olar söz də,
Süst adam süst olar bədəndə, sözdə. (4,158)
Misraların təhlilini tələbələrə çatdıran müəllim qeyd edir ki,
göründüyü kimi, şair fiziki sağlamlığın insan həyatı üçün zəruri şərt
olduğunu anlatmaqla bərabər, bu misralar vasitəsilə “sağlam
Dostları ilə paylaş: |