90
Portretl r
alan, yaradıcılıqlarında və tədris prosesində
bilavasitə əldə etdikləri bilik və bacarığı
tələbələrinə öyrədən müxtəlif millətlərdən
olan müəllimlərlə təmasın nəticəsinin fərqli
olacağını düşünmək də, yəqin ki, sadəlövhlük
olardı. Düşünürük ki, əgər Bəhruz bəydə
mürəkkəb tutumlu miniatür dünyası və onun
bədii-texniki imkanları barəsində dərin
məlumat olsaydı və yaxud da bu üslubda
işləyən bir rəssama rast gəlsəydi, onun əsərləri
tamamilə fərqli tutumda ola da bilərdi. Yeri
gəlmişkən müqayisə üçün deyək ki,
Bəhruz bəyin ömrünün sonlarında
Bakıda açılmış rəssamlıq məktəbində
rus-sovet bədii ənənələri əsasında
təhsil görən azərbaycanlı gənclər,
artıq on il sonra rəngkarlıq əsərlərini
miniatür üslubundan yaradıcılıqla
faydalanmaqla ərsəyə gətirmişdilər.
Çünki, bu sirli-soraqlı olduğu qədər
də, elə bir maraqlı və cəzbedici sənət
qaynağıdır ki, əsl sənətin mahiyyətini
başa düşənlərin onun cazibəsinə
düşməməsi sadəcə mümkünsüzdür.
Bütün bunlarla təmasa imkanı olmayan
Bəhruz bəyin Tilisdə klassik ənənələrə
yiyələnməklə, çox qısa müddətdə
yaratdığı əsərləri ilə yaradıcı rəssam
olduğunu və bu səbəbdən də realist-
gerçəkçi sənətin bədii ifadə imkanlarını
duyulası dərəcədə genişləndirməsi də onun
daima axtarışda olduğunu sərgiləyir. Onu
da etiraf edək ki, yağlı boya ilə çəkilmiş
lövhələrindən fərqli olaraq, sulu boya ilə
işlənmiş əsərlərində Bəhruz bəy demək olar ki,
özünəməxsusdur. Elə rəssamın bu günə kimi
bənzərsiz qalmasına rəğmən demək olar ki,
onun əsərlərindəki yaxıların axıçı ritminə bəxş
etdiyi ekspressiya ilə özünəməxsusluq əldə
etməsi Azərbaycan təsviri sənətində yenidir.
Portret
janrının
Bəhruz
bəyin
yaradıcılığında xüsusi yer tutmasını onun
bədii irsindəki çoxluq da təsdiqləyir. Onun
qəhrəmanları sırasında əsasən müasirlərinə,
o cümlədən ən müxtəlif yaşlı, fərqli taleli
insanlara rast gəlmək mümkündür. Etiraf edək
ki, kifayət qədər müxtəlif xarakterlərə bədii
görkəm verən gənc rəssam, bilavasitə uşaq
portretlərinin çəkilməsində böyük sənətkarlıq
nümunəsi sərgiləməyə nail olmuşdur. Əslində
onun digər yaş təbəqəsinə aid olunan insanların
bədiiləşdirilməsində göstərdiyi professionallıq
da adi gözlə belə görünəndir. Onları şərh
edərkən siz özünüz də buna əmin olacaqsınız...
Rəssamın tələbəlik illərində icra etdiyi
tapşırıq-portretlərdə, xüsusilə də onun
Naxçıvana qayıdandan sonra çəkdiyi müstəqil
portretlərdə özünəməxsus, bir çox hallarda
başqalarında müşahidə olunmayan bədii ifadə
vasitələrinə rast gəlmək mümkündür. Əgər
rəssamın bir albomda toplanmış qısamüddətli,
hazırlıq xarakterli cizgi rəsmlərini nəzərə
almasaq, onda müstəqil xarakterli portretlərin
ümumi sayının iyirmiyə çatdığını söyləmək
olar.
İçərisində üç yüzdən çox kiçik ölçülü
və müxtəlif xarakterli rəsmlərin içərisindəki
portretləri səciyyələndirməli olsaq, onda
onlarda bu sahədə ilk təcrübə toplayan gənc
rəssamın özünün gerçəkçi-realist bədii
vərdişlərin özünəməxsus ifadəsini müşahidə
etdiyimizi deyə bilərik. Belə rəsmlərin
ölçülərinin kiçik olması qarşılığında Bəhruz
bəyin müxtəlif bədən quruluşlu naturalara
və dəyişgən xarakterli insanlara onları
fərqləndirəcək səciyyəvi əlamətlər verə bilməsi
onun professional vərdişlərə yiyələnməsinin
dərəcəsini sərgiləyir. Onun işlətdiyi xətlərin
müxtəlif qalınlıq almaqla iqurun görünüşünə
cəlbediciliklə yanaşı, inandırıcılıq bəxş etməsi
91
Portretl r
bilavasitə bunun görüntüsü sayıla bilər.
Rəssamın ixtisas müəllimi O.Şmerlinqi, tələbə
yoldaşları Qudiyev (Qudiaşvili) və Ratiyevanı
əks etdirən qısamüddətli portretləri əldə olunan
vərdişlərin gerçəkləşdirilməsi baxımından
diqqət çəkir. Rəssamın 1911-ci ildə kömürlə
çəkdiyi “Avtoportret” əsəri onun qraik irsində
önəmli yer tutur, desək, yanılmarıq. Şaquli
kompozisiyada xəyala dalmış vəziyyətdə
görüntüyə alınan rəssamın obrazı real-
gerçəkçi tutumuna görə göz oxşayır. Bu yerdə
həmin avtoportretin foto əsasında (rəssam
bunu rəsmin arxasındakı qeyddə yazıb)
işləndiyini vurğulamaqla, müəlliin iş
prosesində onun ümumi görüntüsünü
duyğulandırıcı bədiiliyə yönəldə bildiyini
etiraf etmək lazımdır.
İri ölçülü qraik portretlərin arasında
tələbə-rəssamın müxtəlif kişi və qadın
portretlərinin, eləcə də gips antik büst və
iqurları əks etdirən rəsmlərinin klassik
ənənələrin tələblərinə müvaiq çəkildiyi
kifayət qədər görünəndir. Bu mənada
onun “Apollonun büstü” (1913), “Qədim
antik heykəl” (1913), “Laokoon” (1911-
1915), “Qandallı qul” (1911-1915),
“Apollon” (1915), “Antik heykəl” (1915),
eləcə də bilavasitə naturadan çəkilmiş
insan portretlərini – “Qadın portreti”
(1913-1914), “Azərbaycanlı qadın” (1913),
“Papaqlı kişi” (1913), “Kişi portreti” (1914),
“Naməlum qadın portreti” (1914) və “Qoca
kişi” (1914) kimi əsərlərinin adını qeyd etmək
olar. Uzun müddət ailə kolleksiyasında qorunan
bu rəsmlərin hamısı kömürlə çəkilib. Ehtimal
etmək olar ki, Tilis rəssamlıq məktəbindəki
tədris prosesində bu texnikaya daha üstünlük
verilirmiş. Əgər haradasa monoxrom-birrəngli
rəsm texnikasının keçidlərin yumşaq, daha incə
çalarlarla ifadəsinə yol açdığının nəzərə alsaq,
onda rus bədii ənənələrinə əsaslanan bu tədris
ocağında tələbələrin kömürlə işləmələrinə
üstünlük verilməsinin səbəblərini başa düşmək
o qədər çətin deyildir. Etiraf edək ki, hər bir
rəssamın ağ-qara rəngdən və yaxud da ağ-
qara cizgilərdən istifadə ilə inandırıcılığın əldə
olunmasına üstünlük verməsi müstəqil seçim
olsa da, Bəhruz bəyin klassik-akademik bədii
tutumun əldə olunmasında kömürə üstünlük
verməsi yəqin ki, səbəbsiz deyildi. Bunu sona
qədər izah etmək mümkün olmasa da, hər halda
ağ-qara keçidin yumşaq ifadəsində əldə olunan
ustalıq özünü rəngkarlığa həsr etməyə qərar
vermiş rəssamlar üçün gözəl sınaq ola bilərdi.
Bu yerdə əlavə edək ki, çox vaxt rəssamların
rənglə
gerçəkləşdirməyə
hazırlaşdıqları
obrazları və yaxud motivləri məhz ağ-qara
B.Kəngərli. “Papaqlı kişinin portreti”. 1913.