306
İthaflar
İslam Səfərli
NAXÇIVAN YADİGARI
“Naxçıvan yadigarı” adlı mənzərə
albomunun müəllii rəssamı
Bəhruz Kəngərliyə
I
Bir şeir tablosu yaradım deyə,
Düzdə gülə baxdım, döşdə laləyə.
Durna göyü gəzdi, qartal zirvəni,
Duman göy düzlərin odlu yelkəni.
Dağdan uçqun qopdu, dindi dərələr,
Hürküb, yuxusundan oyandı səhər.
Kəklik daşa səkdi, qırqovul kola,
Dindi qoşalüləm, yüyürdü tula...
Yarğandan quş qalxdı, çaylaqdan sona,
Göllərin qurd-quşu yatdı yovşana.
Ovçu hənirtisi, çöl sükunəti
Yaratdı qəlbimdə bu şeiriyyəti.
Çatıb buz bulağa, ayaq saxladım,
Könül dəftərimi mən varaqladım.
Qayalar dil açıb dedi: yazma gəl,
Bu sözlər heç kəsin gəlməz karına;
Bəhruz hüsnümüzü səndən də əvvəl
Çəkmişdi “Naxçıvan yadigarı”na.
II
“Pətəkli quzeydən” aşağı düşdüm,
Yosunlu daşlardan yerə sürüşdüm.
“Sübhün açılması”, bir “Meşə yolu”,
Dağdağan ağacı, qarağat kolu,
Körpə qımıltılı, salxım söyüdlər
Başımın üstündə əsdi sərasər...
Durub seyr elədim mən bir az çayı,
Ax, ey “Araz” çayı, ey “Araz” çayı!
O üzü, bu üzü yastı təpəlim,
Ey almaz dalğalım, gümüş ləpəlim,
Ey iki qardaşın dərdi, qubarı,
Sizin hüsnünüzü yaradım barı...
