BəRDƏliləR
Yüklə 3,26 Mb. Pdf görüntüsü
|
143
ƏKBƏROV RASİM HACI OĞLU Əkbərov Rasim Hacı oğlu 21 dekabr 1927-ci ildə Bakı şəhərində anadan olub. 1934-1944-cü illərdə 134 saylı orta mək- təbdə təhsil alıb. 1947-ci ildə orta – ixti- sas təhsili alıb. Elə həmin il keçmiş Ki- rov adına ADU-nun (indiki Bakı Dövlət Universiteti) hüquq fakültəsinə qəbul olaraq, 1952-ci ildə ali təhsilini başa çatdırıb. 1952-1954-cü illərdə Nərimanov rayonunda müstəntiq, 1954- 1957-ci illərdə Suraxanı rayonunda prokuror, 1957-1958-ci illərdə Bakı şəhər prokurorluğunda istintaq rəisi, 1958-1969-cu illərdə Xətai rayo- nunda prokuror, 1969-1977-ci illərdə Nəsimi rayon prokuroru vəzifəsində çalışıb. 1977-ci ildə Azərbaycan SSR-i vəkillər kollegiyasının üzvü olub. 1975-ci ildə “Cinayətin öyrənilməsinin səbəbləri və təhqiqatın aparılma- sı” mövzusunda namizədlik dissertasiyası müdafiə edərək, hüquq elmləri namizədi dərəcəsi alıb. Dəfələrlə rayon sovetinin və Bakı şəhər sovetinin deputatı seçilib. Işlədiyi bütün vəzifələrdə dövlətin ali qanunlarının kеşiyində sa- yıqlıqla dayanaraq, vətəninə, xalqına layiqli vətəndaş оlmuş, bu gün də tanıyanların qəlbində məhəbbətlə anılır, sеvilir və ruhuna dualar оxunur. 1979-cu il mayın 12-də ürək çatışmamazlığından vəfat edib. 144
ƏLİPAŞA OĞLU Əkbərov Səfər Əlipaşa oğlu 28 noyabr 1940-cı ildə Bərdə rayonunun Məmmədli kəndində anadan olmuşdur. 1948-1955-ci illərdə Bərdə rayonu, Məm- mədli kənd məktəbində təhsil alıb və əla qiymətlərlə həmin məktəbi bitirib. 1955-1959-cu illərdə Bakı Kommunal- Tikinti texnikumunda təhsil alıb. 1963-1969-cu illərdə Azərbaycan Texniki Universitetinin (indiki Azərbaycan Politexnik Universiteti) İnşaat şöbəsində mülki və sənaye tikinti ixtisası üzrə təhsil alıb. 1959-1974-cü illərdə Bakı Baş Tikinti İdarəsində, tikinti ustası və- zifəsindən idarə rəisi vəzifəsinə kimi yüksəlmişdir. 1974-cü ildə AR Daxili İşlər Nazirliyinin tikinti idarəsinin rəisi, 1976-cı ildə DİN-in əsaslı tikinti şöbəsinə rəis təyin olunmuş (zabit rüt- bəsinə) və 1990-cı ilə kimi bu vəzifədə polkovnik-leytenant rütbəsinə çatmışdır. 1990-1993-cü illərdə Azərbaycan Respublikası Mənzil Kommunal Təsərrüfat Nazirliyinin layihə-təmir tikinti istehsalat birliyində rəis vəzi- fəsində çalışmışdır. 1993-1996-cı illərdə AR DİN-in əsaslı tikinti şöbəsində baş mühən- dis vəzifəsində çalışmış, 1996-cı ilin iyun ayından isə təqaüdə çıxmışdır. 1996-cı il 05 dekabrda vəfat etmişdir. 145 ƏKBƏROV MƏDƏT MÜSÜL OĞLU Əkbərov Mədət Müsül oğlu 1950-ci ildə Bərdə rayonunun Məmmədli kən- dində anadan olub. 1957-ci ildə həmin kənddə yerləşən 8 illik məktəbin I sin- finə gedib. 1965-ci ildə 8-ci sinfi bitirib, həmin il Mingəçevir şəhərində yerləşən 3 saylı məktəbin 9-cu sinfinə qəbul olub. 1967-ci ildə 10-cu sinfi bitirib. 1968-ci ildə D.Bünyadzadə adına Xalq Təsərrüfatı İns- titutuna (indiki Azərbaycan Dövlət İqtisad Universitetinə) qəbul olub. 1972-ci ildə həmin institutu bitirib. 1971-ci ildə həmin məktəbdə oxuya- oxuya Bakı Qaz İdarəsinə çilingər vəzifəsinə qəbul edilib. İnstitutu biti- rəndən sonra 1972-ci ildə hərbi xidmətə çağırılıb. 1973-cü ildə hərbi xid- mətdən ehtiyata buraxılıb. 1974-cü ildə Nəsimi rayonu qaz idarəsinə mü- həndis vəzifəsinə qayıdıb. 1976-cı ildə Bakqazın xasiyyətnaməsinə əsasən Daxili İşlər Nazirliyinə xidmətə qəbul edilib. 26.12.1976-cı ildən 1 iyul 1978-ci ilədək 7 saylı İslah Əmək Mü- əssisəsində dəstə rəisi vəzifəsində işləyib. 1 iyul 1977-ci ildə islah əmək müəssisələrinin mərkəzi xəstəxanasında müəssisə növbə rəisinin kömək- çisi, 6500 saylı hərbi hissədə alay komandirinin xidmət üzrə müavini, Məhkəmə qərarları icrası baş idarəsində müxtəlif vəzifələrdə çalışıb. Pol- kovnik-leytenant rütbəsinə qədər yüksəlib. 1999-cu ildən Xaçmaz rayo- nunda yerləşən Penitensiar xidmətin 1 saylı Cəzaçəkmə müəssisəsinin rəi- si vəzifəsində çalışıb. 2009-cu ilin iyul ayının 24-də vəfat edib. Özündən sоnra xеyirxah əməllərini və 2 övlad, 4 nəvəsini yadigar qоyub.
146
ƏLƏKBƏRZADƏ AFTANDİL VAQİF OĞLU Ələkbərzadə Aftandil Vaqif oğlu 1970-ci il sentyabrın 2-də Bərdə şəhərində anadan olmuşdur. Ali dərəcəli cərrah, endosko- pist, koloprontoloq, tibb elmləri doktoru- dur.
1993-cü ildə Azərbaycan Tibb Universi- tetinin müalicə-profilaktika fakültəsini “M- üalicə işi” ixtisası üzrə fərqlənmə diplo- mu ilə bitirmişdir. Sonra 2 il Azərbaycan Səhiyyə Nazirliyinin klinik və eksperimental cərrahiyyə elmi-tədqiqat institutunda “Cərrahiyyə” ixtisası üzrə klinik ordinatorluq kursu keçmiş- dir. 1996-1999-cu illərdə elə bu ixtisas üzrə Respublika Cərrahiyyə mər- kəzində aspiranturada öz təhsilini davam etdirərək, namizədlik dissertasi- yasını müdafiə etmişdir. 2001-ci ildə Moskva Tibb Akademiyası müalicə-profilaktika fa- kültəsi cərrahiyyə kafedrasının assistenti, 2003-cü ildə isə bu kafedranın elmi katibi vəzifəsinə təyin olunmuşdur. Bir ildən sonra “Qanaxma ilə nə- ticələnən mədə yarası xəstəliklərinin müalicə nəticəsində sağalması yol- ları” mövzusunda doktorluq dissertasiyası müdafiə etmişdir. Onun müda- fiəsi Moskva Tibb Akademiyasının Elmi Şurasında keçirilib. Növbəti il, müdafiədən sonra elə bu akademiyanın müalicə-profilaktika fakültəsinin cərrahiyyə kafedrasının dosenti seçilib. A.V.Ələkbərzadə cərrahi qastroenterologiya, endoskopiya, kolo- protologiya sahəsində 100-dən çox elmi işin, kəşflərinə görə Rusiya Fede- rasiyasının 2 patentinin müəllifidir. 2001-ci ildə N.V.Sokolovski adına təcili yardım institutunda “En- doskopiya” ixtisası üzrə professional hazırlıq keçmişdir. 2004-cü ildə ona cərrahiyyə üzrə ilk ixtisaslaşdırılmış dərəcə verilmiş, bir neçə ay sonra isə elə bu ixtisas üzrə Ali ixtisas dərəcəsi şəhadətnaməsi almışdır. 2005-ci ildə Aftandil Ələkbərzadənin tibb elmləri doktoru, pro- fessor O.P.Kurquzovla birgə yazdıqları “Çənbər bağırsağın xərçəngi” adlı kitabı işıq üzü görmüşdür.
Yüklə 3,26 Mb. Dostları ilə paylaş:
|