əməkdaşlığın müstəqil və konkret sahələri (istiqamətləri) nəzərə alınır; bu sahələrdən
(istiqamətlərdən) asılı olaraq, bu və ya digər struktur element BİH-in tərkibində
yarımsahə «statusu» əldə edir. İqtisadi fəaliyyət növü olan beynəlxalq turizm
məhz
beynəlxalq (dövlətlərarası) əməkdaşlığın müstəqil
və konkret sahəsi (istiqaməti)
hesab olunur.
Həm də beynəlxalq turiz
m hüququna BİH-in nisbətən yeni, «cavan» və
formalaşmaqda olan yarımsahəsi
kimi baxmaq lazımdır.
13.4. Beynəlxalq turizm hüququnun özünəxas (xüsusi)
prinsipləri
Özünəxas (xüsusi) prinsiplərinin mövcud olması beynəlxalq turizm hüququnun
beynəlxalq iqtisadi hüququn yarımsahəsi kimi tanınmasını şərtləndirən meyarlardan
biridir. Hər şeydən əvvəl, qeyd etməliyik ki, beynəlxalq turizm hüququnda
beynəlxalq hüququn əsas prinsipləri vacib rol oynayır. Belə ki, beynəlxalq turizm
hüququnun
nizamasalma
predmetinə
daxil
olan
münasibətlərin
hüquqi
tənzimlənməsində, ilk növbədə, beynəlxalq hüququn əsas prinsipləri tətbiq olunur;
onlar beynəlxalq turizm hüququ ilə tənzimetmənin əsasını təşkil edir.
Şübhəsiz, beynəlxalq turizm hüququ üçün beynəlxalq hüququn əsas
prinsiplərinin hamısı önəmlidir; lakin onlar, təbii ki, beynəlxalq turizm hüququnda
bir bərabərdə, eyni dərəcədə tətbiq olunmur. Belə ki, beynəlxalq hüququn əsas
prinsiplərinin bəzilərinin beynəlxalq turizm hüququ üçün əhəmiyyəti daha çoxdur.
Söhbət, hər şeydən əvvəl, beynəlxalq hüququn aşağıdakı əsas prinsiplərindən gedir:
-dövlətlərin suveren bərabərliyi prinsipi;
-insan hüquq və azadlıqlarına hörmət etmək prinsipi;
-beynəlxalq öhdəliklərin vicdanla yerinə yetirilməsi prinsipi;
-güc tətbiq etməmək və güc tətbiq etməklə hədələməmək prinsipi;
-əməkdaşlıq prinsipi;
-dövlətin daxili işlərinə qarışmamaq prinsipi;
-mübahisələrin dinc yolla həll olunması prinsipi.
Göstərilən prinsiplərin beynəlxalq (dövlətlərarası) turizm münasibətlərinin
tənzimlənməsində, beynəlxalq turizm fəaliyyətinin həyata keçirilməsində aktiv
formada iştirak etmələri şəksizdir. Məhz onların əsasında turizm sahəsində
beynəlxalq dövlətlərarası əməkdaşlıq realizə olunur. Beynəlxalq turizm hüququnda
həm də
beynəlxalq iqtisadi hüququn sahəvi prinsiplərindən istifadə olunur. Belə ki,
beynəlxalq turizm hüququ BİH-in yarımsahəsidir. Buna görə də, əlbəttə, beynəlxalq
turizm hüququnda BİH-in sahəvi prinsipləri tətbiq edilməlidir. Beynəlxalq iqtisadi
hüququn, xüsusən, aşağıdakı prinsiplərinin beynəlxalq turizm hüququ üçün vacib
əhəmiyyəti vardır:
-iqtisadi diskriminasiyaya (ayrı-seçkiliyə) yol verməmək prinsipi;
-qarşılıqlı olma prinsipi;
-qarşılıqlı fayda prinsipi.
Beynəlxalq turizm hüququnda həm də onun öz xüsusi (özünəxas) prinsipləri
tətbiq edilir; onlar beynəlxalq iqtisadi hüququn sahədaxili prinsipləri sayılır. Belə ki,
hüquq nəzəriyyəsinə görə, hüquq yarımsahəsinə və ya institutuna aid olan prinsiplər
sahədaxili prinsiplər sayılır.
Beynəlxalq turizm hüququnun özünəməxsus (xüsusi) prinsipləri dedikdə yalnız
beynəlxalq turizm hüququnu xarakterizə edən, onun mahiyyətini əks etdirən əsas
ideyalar və rəhbər başlanğıclar başa düşülür. Başqa sözlə, təkcə beynəlxalq turizm
hüququ ilə tənzimetməyə məxsus olan əsas ideyalara və rəhbər başlanğıclara
beynəlxalq turizm hüququnun özünəxas (xüsusi) prinsipləri deyilir. Bu səbəbdən
turizmə dair hüquq ədəbiyyatı səhifələrində beynəlxalq turizm hüququnun özünəxas
(xüsusi) prinsiplərinin müəyyənləşdirilməsinə, formulə olunmasına və ayrılmasına
xüsusi diqqət yetirilir; bu prinsiplər öz ifadəsini turizmə aid beynəlxalq sənədlərdə
tapmışdır. Həmin sənədlər sırasında aşağıdakıları fərqləndirmək mümkündür:
-Turizmin inkişafı barədə Ümumi Konfransın Sənədi (Manila, 1980-ci
il);
-Turizmə dair Ümumdünya Müşaviəsinin Sənədi (Akapulko, 1982-ci il);
-Turizm barədə Haaqa Parlamentlərarası Konfransın Sənədi (1989-cu
il);
-Turizm Xartiyası (1985-ci il);
-Turist Məcəlləsi (1985-ci il);
-Helsinki Yekun Aktı (1975-ci il)2 və b.
Beynəlxalq turizm hüququ, ilk növbədə, turizm azadlığı prinsipindən çıxış
edir; bu, beynəlxalq turizm hüququnun özünəxas (xüsusi) prinsiplərindən biridir;
həmin prinsipə görə, beynəlxalq turizm heç bir mane olmadan sərbəst və azad şəkildə
həyata keçirilir; fiziki şəxslər turizm səyahətlərinə (səfərlərinə) çıxmaqda sərbəst və
azaddır; heç kəs dövlət ərazisi çərçivəsində turistlərin sərbəst və azad hərəkət
hüququnun həyata keçirilməsinə mane ola bilməz. Turizm azadlığı prinsipi həm də
bunda ifadə olunur ki, turistlərin hər hansı ölkənin ərazisinə daxil olmalarına və onu
tərk etmələrinə icazə verilməlidir.
Beynəlxalq turizm hüququ həm də turist olmaq imkanı kimi vacib prinsipdən
çıxış edir; bu prinsip də beynəlxalq turizm hüququnun özünəxas (xüsusi)
prinsiplərindən biri sayılır; sözü gedən prinsipə görə, hər bir fiziki şəxsin istirahət
etmək, dincəlmək, müalicə olunmaq, qohumları (yaxınları) ilə görüşmək, idman
yarışlarında və elmi konfranslarda iştirak etmək, tarixi yerlərlə və mədəniyyət
(incəsənət) abidələri ilə tanış olmaq, kommersiya-işgüzar danışıqlar aparmaq, habelə
dini ziyarətgahlara getmək məqsədilə öz daimi yaşayış yerini tərk edərək turizm
səfərlərinə (səyahətlərinə) çıxmaq hüququ vardır. Göstərilən prinsip fiziki şəxsləri
turist olmaq hüququ ilə təmin edir. Turist olmaq hüququ isə turizm hüququ deməkdir.
Buna görə də həmin prinsip ədəbiyyat
səhifələrində həm də turizm hüququ prinsipi
adlanır.
Beynəlxalq turizmin inkişafı prinsipi də beynəlxalq turizm hüququnun
özünəxas (xüsusi) prinsipi sayılır; bu prinsipə görə, özündə iqtisadi, sosial,
humanitar, tərbiyəvi və estetik amilləri birləşdirdiyinə, dünyada sülhü və beynəlxalq
əməkdaşlığı möhkəmləndirməyin vacib vasitəsi olduğuna görə hər bir dövlət
beynəlxalq turizm fəaliyyətinin inkişafına yardım etməlidir; həm də ona görə ki,
dövlətlər beynəlxalq turizm fəaliyyətindən xeyli gəlir götürürlər.
Beynəlxalq turizmin təhlükəsiz olması prinsipi (beynəlxalq turizmin
təhlükəsizliyi prinsipini) də beynəlxalq turizm hüququnun özünəxas (xüsusi) prinsipi
kimi tanınır; bu prinsipinə görə, beynəlxalq turizm dünya birliyi, beynəlxalq
ictimaiyyət, ayrı-ayrı dövlətlər və onların şəxsləri üçün təhlükəli olmamalı, hər hansı
zərərin vurulmasına gətirib çıxarmamalıdır. Həmin prinsip hüquqazidd məqsədlərlə
(məsələn, beynəlxalq terrorizm, narkobiznes, insan və silah alveri, qaçaqmalçılıq və
digər məqsədlərlə) turizmdən istifadə olunmasını qadağan edir. Beynəlxalq turizm
yalnız hüquqauyğun məqsədlərin həyata keçirilməsini təmin etməlidir. Ona görə ki,
turizm humanist aspektə malik olan fəaliyyətdir.
Dostları ilə paylaş: |