Birinci kitab
Yüklə 3,06 Mb. Pdf görüntüsü
|
438
pozulmuş kimi göründüm. Ancaq sən, lütfən hesab eləmə ki, bu, hansısa səfehliklə bağlı idi. Sadəcə, mən hamının mənə diqqət verəcəyini başa düşərək bir dəqiqəliyə utandım. Bu xəbər mənim qəlbimdə nə ağn-acı, nə də sevinc doğurdu. Xoşdur ki, o, tək gəlir — bunun sayəsində biz, demək olar, görüşməyəcəyik. Mən heç də özümə görə narahat deyiləm, amma hər cür eyhamlardan qorxuram. Elizabet nə düşünəcəyini bilmirdi. Binqli ilə Derbişirdə görüşmüş olmasaydı, hesab edərdi ki, o, ictimaiyyət üçün elan edilmiş məqsədindən ötrü gəlir. Ancaq qıza elə gəlirdi ki, Binqli Ceyni əvvəlki kimi sevir. Və o, təxminlərin içində itib-batırdı, bilmirdi ki, Binqli dostunun icazəsi ilə gəlir, yoxsa öz iradəsi ilə hərəkət etməyə cürət göstərib. “Hər halda bütün bunlar dəhşətlidir, - o, hərdən düşünürdü. - Bədbəxt adam qanuni şəkildə kirayələnmiş evdə belə şayiələr doğurmadan məskunlaşmağa cəsarət edə bilməz. Mənə qalsa, qoy ağlı kəsdiyi kimi yaşasın”. Ceyn Binqlinin gəlişi barədə xəbərin onu bir misqal belə narahat etmədiyini desə də və hətta buna özü belə inansa da, Elizabet yenə də onun həyəcanını açıq-aydın fərq edirdi. Qızın hər bir hərəkətində adi vaxtda ona xas olmayan sinirlilik, həyəcan görünürdü. Təxminən bir il əvvəl qızğın ailə müzakirəsinə məruz qalmış mövzu yenidən valideynlər arasında söhbət predmetinə çevrilmişdi. — Mənim əzizim, mister Binqli gələn kimi, — missis downloaded from KitabYurdu.org 439
Bennet dedi, — əlbəttə ki, sizə onu ziyarət etmək lazım gələcək! — Xeyr, təşəkkür edirəm. Ötən il siz buna görə onun qızımızla evlənəcəyini vəd edərək məni inandırdınız. Ancaq gördüyünüz kimi, hər şey puça çıxdı. Mən bu qarmağa bir də düşmərəm. Arvad ona izah etməyə çalışdı ki, mister Binqlinin gəlişi ilə əlaqədar bütün qonşular ona lazımi şəkildə diqqət yetirməlidirlər. — Etiket qaydalarına nifrət edirəm! — ər etiraz etdi. — Mister Binqlinin bizimlə bir arada olmağa ehtiyacı varsa, qoy görüşmək üçün özü zəhmət çəksin. O bizim harada yaşadığımızı bilir. Qonşuların hər gəlişi və ya gedişi halında onlara qaçmağa sərf etməyə ayırdığım vaxt mənim üçün həddən artıq qiymətlidir. — Yaxşı, başa düşdüyüm qədər, siz bağışlanmayacaq halda qaba hərəkət edirsiniz. Ancaq yenə də bu, heç bir halda onu bizə nahara dəvət etməyimə mane olmur. Bu günlərdə Qoldinqlər və missis Lonq bizdə nahar edəcəklər. Bizimlə birlikdə masa arxasında on üç nəfər olacaq — məhz onun üçün bir yer qalacaq. Qəbul edilən plan ona ərinin çatışmayan nəzakətliliyi ilə barışmaqda kömək etdi. Yenə də ərinin imtinası üzündən qonşuların mister Binqli ilə onlardan əvvəl görüşəcəklərini dərk etmək ağır idi. — Mən,
ümumiyyətlə, onun
qayıdışından təəssüflənməyə başlayıram, — Ceyn bacısına dedi. — Onun dönüşü mənə toxunmaya da bilərdi, — axı mən downloaded from KitabYurdu.org 440
doğrudan da onunla heç nə olmamış kimi görüşə bilərəm. Ancaq bununla bağlı tükənməyən söhbətlərə dözə bilmərəm. Bizim anamızın çox xeyirxah niyyətləri var. Lakin o təsəvvür etmir (bunu heç kəs təsəvvür etməz) ki, sözləri məni necə incidir. O, yenidən gedəndə mən çox məsud olacağam. — Mən sənə təsəlli vermək istərdim, — Elizabet cavab verdi. — Ancaq bacarmıram. Başa düş, əzizim. Mən hətta sənə adətən belə vəziyyətlərdə tövsiyə edilən səbirli olmağı belə arzu edə bilmirəm — sən çox dözmüsən. Mister Binqli gəldi. Missis Bennet qulluqçuların köməyi ilə bu barədə ləngimədən xəbər tutdu və bunun sayəsində mümkün həyəcan və narahatlıqların bir saatı belə əldən qaçırılmadı. O, Binqlini daha əvvəl görməyə ümid etməyərək, onu neçə gündən sonra planlaşdırılmış nahara çağırmağın layiqincə olacağını hesabladı. Ancaq Binqlinin Hartfördşirə gəldiyinin üçüncü səhəri missis Bennet yataq otağının pəncərəsindən onun evə bitişik çəmənliklə atla gəldiyini və evin artırmasına doğru çapdığını gördü. O, dərhal sevincək olaraq qızlarını pəncərəyə çağırdı. Ceyn masa arxasındakı yerini tərk etmək istəmədi. Ancaq Elizabet anasını məmnun etmək üçün yaxınlaşdı, həyətə baxdı və Binqli ilə yanaşı mister Darsini görərək, böyük bacısının yanında oturdu. — Onunla hansısa bir centlmen gəlib, ana, — Kitti dedi. downloaded from KitabYurdu.org 441
— Bu kim ola bilər? — Onun hansısa tanışıdır, əzizim, haradan bilim? — Oy! — Kitti qışqırdı. — Deyəsən, bu, əvvəllər hər yerdə onunla birlikdə olan centlmendir. Mister, adı nədir onun, — belə hündür və məğrur? — İlahi! Mister Darsi! Əlbəttə, odur, nəyə desəniz, and içərəm. Neynək, biz mister Binqlinin hər bir dostunu salamlamağa şadıq. Ancaq onlar dost olmasaydılar, mən deyərdim ki, təkcə onun görkəmindən mən qəzəbə doluram. Ceyn Elizabetə çaşqınlıq və təəssüf dolu baxışla baxdı. O, Derbişirdə baş verənlər barədə, demək olar, heç nə bilmirdi. Ona görə də o özlüyündə bacısının utanmasını həmin unudulmaz məktubu almasından sonra bu adamı ilk dəfə gördüyündən olduğunu xəyal etdi. Hər iki bacının əhvalı birtəhər oldu. Hər ikisini həyəcan və qarşılıqlı acıma hissi çulğadı. Ona görə də onlar anasının mister Darsiyə qarşı nifrəti və onunla yalnız mister Binqlinin dostu olduğuna görə nəzakətlə davranmaqda qərarlı olduğu barədə çərənləməsini eşitmədilər. Lakin Elizabetdə narahatlıq üçün bacısına tamamilə məlum olmayan səbəb vardı. O, missis Qardinerin məktubunu ona göstərməyə və Darsiyə münasibətinin dəyişdiyini deməyə cürət etməmişdi. Ceyn üçün o, sadəcə, evlilik təklifinə bacısının imtina cavabı verdiyi və ləyaqətini qiymətləndirmədiyi bir insan idi. Lakin Elizabet daha çox şey bilirdi. O, Darsidə onun downloaded from KitabYurdu.org
Yüklə 3,06 Mb. Dostları ilə paylaş:
|