Birinci kitab
Yüklə 3,06 Mb. Pdf görüntüsü
|
170
kəlmə də danışmasın. Sirri saxlamaq vədi, əlbəttə ki, böyük həvəslə verildi. Ancaq onu yerinə yetirməyin asan olmadığı məlum oldu. Mister Kollinzin uzun müddət ortalıqda olmaması Bennetlər ailəsində elə bir maraq doğurmuşdu ki, o, Lonqborna qayıtdıqdan sonra çox ətraflı sorğu-suala tutuldu. Suallardan yayınmaq ondan müəyyən yaradıcılıq və eyni zamanda fədakarlıq tələb edirdi. Çünki onlann qarşısında öz sevgi uğurları ilə öyünməyi çox istəyirdi. Mister Kollinz Lonqbornu səhər erkən tərk etməli olduğundan yola çıxarkən Bennetlər ailəsindən kimisə görməyəcəyi ilə əlaqədar vidalaşma mərasimi xanımların yatmağa getməsindən əvvəl baş verdi. Bu zaman missis Bennet ən nəzakətli və mehriban şəkildə ona dedi ki, işləri imkan verdiyi vaxt o, yenidən onların ziyarətinə gəldikdə onu Lonqbornda görməkdən çox şad olacaq. Mister Kollinz cavab verdi: — Sizin dəvətinizi mən xüsusilə dəyərləndirirəm, çünki qalmağı arzulayırdım. Ona görə də şübhə etməyə bilərsiniz ki, mənim üçün imkan yaranan kimi ondan istifadə edəcəyəm. Onun cavabı hamını heyrətləndirdi. Kollinzin tezliklə qayıdışının hamıdan daha çox sərf etmədiyi mister Bennet ləngimədən dedi: — Ser, bunun ledi Ketrinin narazılığına səbəb olacağından narahat
olmursunuzmu? Qohumluq əlaqələrinə etinasızlıq öz rəhbərinizi incik salmaqla riskə getməkdən daha yaxşıdır. downloaded from KitabYurdu.org
171
— Dostcasına xəbərdarlığa görə, ser, sizə həddən artıq minnətdaram, — mister Kollinz cavab verdi. — Əlbəttə, əmin- arxayın olun, bu qədər məsuliyyətli addımı lütfkar xanımın icazəsi olmadan atmaram. — Çətin ki, siz həddən artıq ehtiyatlı olasınız. Nə lazımdırsa, qurban verin, yalnız ona azacıq narazılıq üçün bəhanə verməyin. Əgər görsəniz ki, belə bir bəhanə Lonqborna yeni səfərinizə görə baş qaldırır — mən bunu tamamilə mümkün sayıram — o zaman sakitcə evdə qalın. Əndişələnməyin, biz heç cür sizdən incimərik. — İnanın, əziz ser, siz şəxsimə bu qədər müstəsna diqqətinizə görə məndə ən hərarətli minnətdarlıq duyğulan oyatdınız. Bilin ki, siz tezliklə öz itaətkar nökərinizdən Hartfördşirdə olduğum zaman mənə göstərilmiş bu və bütün başqa diqqət işarələrinə görə minnətdarlıq məktubu alacaqsınız. Gözəl əminəvələrimə gəlincə, mənim burada olmamağım bunu gərəkli edəcək qədər uzun sürməyəcəksə də, yenə, əmim nəvəsi Elizabeti istisna etmədən, onlara cansağlığı və firavanlıq arzulamağı özümə rəva görürəm. Bunun ardınca xanımlar onun tezliklə Lonqborna qayıtmaq niyyətindən eyni dərəcədə təəccüblənərək uzaqlaşdılar. Missis Bennet Kollinzin bu niyyətini özü üçün belə izah etmək istədi ki, o, diqqətini onun kiçik qızlarından birinə yönəltməyi nəzərdə tutur. Meri, yəqin ki, onun təklifini qəbul etməyə razılaşardı. Meri onun qabiliyyətini bacılarından daha yüksək qiymətləndirir, downloaded from KitabYurdu.org 172
tez-tez onun mühakimələrinin əsaslı olmasına heyran qalırdı. Onun ağlını özününkünə tən saymayan qız düşünürdü ki, Kollinz ondan nümunə götürərək, özünü təkmilləşdirməklə məşğul olsa, onunla bir arada olmağa layiq ola bilərdi. Heyhat, bu sayaq ümidlərin hamısı elə ertəsi gün səhər dağıldı. Səhər yeməyindən bir az sonra miss Lukas evdə peyda oldu və Elizabeti təkliyə çəkərək bu ərəfədə baş vermiş nişanlanma barədə ona xəbər verdi. Mister Kollinzin özünü Şarlottaya vurulmuş kimi təsvir etməsi fikri Elizabetin beyninə necəsə gəlmişdi. Ancaq onun qənaətinə görə, rəfiqəsi mister Kollinzi onun etdiyindən artıq təşviq etməzdi. Ona görə də Elizabetin heyrəti o qədər böyük oldu ki, o, ilk anda, bütün ədəb qaydalan həddini pozaraq səsləndi: — Mister Kollinzlə nişanlanmısan? Şarlotta, əzizim, bu ağlasığmazdır! Bu cür birbaşa məzəmmətin təsiri altında ona bu yeniliyi nəql edən miss Lukasın tövrü bir anlıq dəyişdi, qız özünü itirdi. Ancaq Elizabetin nidası onun rəfiqəsinin əvvəlcədən hazırlaşmış olduğu əndazəni aşmadı və o, özünü ələ alaraq sakit halda dedi: — Doğrudanmı bu səni belə təəccübləndirir, əziz Eliza? Məgər səninlə uğursuzluğa məruz qaldıqdan sonra mister Kollinzin hansısa bir qadının diqqətinə layiq olması inanılmazdır? Elizabet ayıldı və özünü ələ alaraq, tamamilə inamlı bir səslə rəfiqəsi ilə qohum olmaqdan sevindiyini dedi və downloaded from KitabYurdu.org 173
ona hər cür firavanlıq arzuladı. — Mən sənin bu saat nə hiss etməli olduğunu təsəvvür edirəm, — Şarlotta dedi. — Sən, ehtimal ki, heyrətlənmisən, hədsiz dərəcədə heyrətlənmisən! Axı hələ bu yaxınlarda mister Kollinz səninlə evlənmək istəyirdi. Ancaq sən hər şeyi götür-qoy etdikdə, ümidvaram ki, mənim
ağıllı hərəkət etdiyimi anlayacaqsan. Bilirsən ki, mən romantikadan nə qədər uzağam. Bu mənə həmişə yad olub. Mən başım üstündə dam axtarıram. Mister Kollinzin xasiyyətini, onun həyat tərzini, cəmiyyətdəki mövqeyini nəzərə alaraq, bu nəticəyə gəldim ki, xoşbəxt ailə həyatına ümidlərim, demək olar, nikaha girən bütün insanların ümidlərindən azacıq da olsun geri qalmır. Elizabet sakitcə cavab verdi: “Hə, əlbəttə”. Naqolay pauzadan sonra rəfiqələr yerdə qalan camiəyə qatıldılar. Şarlotta Lonqbornda çox ləngimədi və onun gedişindən sonra Elizabet eşitdikləri üzərində düşünə bildi. Onun bu nikah barədə fikirlə birtəhər banşması üçün aradan az vaxt keçmədi. Mister Kollinzin üç gün ərzində ard-arda iki evlilik təklifi etməsi, öz hərzəliyinə görə, ikinci təklifin qəbul edilməsi heç bir şeylə müqayisəyə gəlmirdi. Qıza aydın idi ki, rəfiqəsinin evliliyə baxışları onunku ilə üst-üstə düşmür. Ancaq güman edə bilməzdi ki, Şarlotta gerçəkdən özünün bütün ən yaxşı hisslərini dünyəvi firavanlıq xatirinə qurban etməyə qərar verər. Onun ən yaxın rəfiqəsi - mister Kollinzin arvadı! Necə də qəmginlik gətirən bir mənzərə! Şarlottanm özünü bu cür downloaded from KitabYurdu.org
Yüklə 3,06 Mb. Dostları ilə paylaş:
|