154
—
Bəli. Yoxsa mən onu bir daha görmək istəmirəm.
— Beləliklə, qızım, sən faciəvi seçim qarşısında
qoyulmusan. Bu dəqiqədən etibarən valideynlərinin
birindən
məhrum olursan. Mister Kollinzə ərə getməsən, anan səni
görmək istəmir, onun təklifi ilə razılaşarsansa, mən bir
daha üzünə baxmayacağam.
Elizabet bu qədər təntənə ilə başlayan söhbətin belə
yekunlaşmasına görə özünü gülməkdən saxlaya bilmədi.
Ancaq ərinin məsələyə onun kimi baxdığını özünə təlqin
etmiş missis Bennet çox narahat oldu.
— Siz bu sayaq düşünərkən nəyi nəzərdə tutursunuz,
mister Bennet? Məgər siz mənə bu qızcığazı ona ərə
getməyə vadar edəcəyinizi vəd etmədiniz?
— Əzizim, — əri cavab verdi, — mənim sizdən iki
kiçik xahişim var. Birincisi, istərdim ki, hazırkı
vəziyyətdə mənə sağlam düşüncəmdən sərbəst şəkildə
istifadə etməyə icazə verəsiniz, ikincisi isə öz otağımdan.
Mənə çox xoş olardı ki, kitabxana mümkün qədər tez
sərəncamımda olsun.
Missis
Bennet
əri sarıdan məyus olmasına
baxmayaraq, yenə də təslim olmağa hazırlaşmırdı. O,
Elizabetlə təkrar-təkrar danışır, hey dilətutmadan təhdidə
keçirdi. Missis Bennet Ceyndən sözünə qüvvət almağa
çalışdı, ancaq Ceyn, ona xas
olan həlimliklə məsələyə qarışmaqdan imtina etdi.
Elizabet anasının həmlələrini gah tam ciddiyyətlə, gah da
zarafat etməyə cəhd göstərərək dəf edirdi. Ancaq o,
downloaded from KitabYurdu.org
155
cavablarının formasını nə qədər dəyişsə də, qərarı
dəyişməz qalırdı.
Bu arada mister Kollinz təklikdə bu səhər başına
gələnləri düşünüb-daşındı. O öz şəxsiyyəti barədə o qədər
yüksək fikirdəydi ki, əmisi nəvəsinin onun evlilik təklifini
qəbul etmək istəməməsinin səbəbini anlaya bilmirdi.
Onun qıza meyli yalnız təxəyyülündəydi. Anasının
Elizabetə ünvanladığı qınaqların tamamilə haqlı olduğunu
güman edərək o, çətin ki, izdivacın alınmamasına
təəssüflənəydi.
Şarlotta Lukas gələndə Bennet ailəsi çaşqınlıq
içindəydi. Zalda onu Lidiya qarşıladı. Qonağa tərəf
cuman qız pıçıltı ilə bildirdi:
— Nə yaxşı, gəldin. Burda nələr baş verir, nələr!
Düşünə bilərsənmi, bu gün səhər nə baş verdi? Mister
Kollinz Lizziyə evlilik təklifi etdi, o isə rədd cavabı verdi!
Şarlottanın cavab verməyə macal tapmasından az
öncə Kitti qaçaraq zala gəldi və dərhal eyni xəbəri
paylaşdı. Qızlar ev
sahibəsinin tək-tənha oturduğu səhər yeməyi otağına
girdikləri vaxt missis Bennet yenidən eyni mövzuda
söhbət açdı, miss Lukasa yalvardı ki, Lizzinin, nəhayət,
ailənin istəklərinə güzəştə getməsindən ötrü rəfiqəsinə
təsir göstərsin.
— Allah xatirinə, əziz miss Lukas, bunu edin, — o,
dalğın- dalğın əlavə etdi. — Heç kim məni dəstəkləmir.
Heç kimdə mərhəmət görmürəm, hamı özünü qəddar
aparır. Heç olmasa kimsə mənim korlanmış əsəblərimi
downloaded from KitabYurdu.org
156
düşünsün!
Şarlottanın cavab verməsinə Ceyn və Elizabetin
görünməsi mane oldu.
— Bax, bu da o özü, — missis Bennet davam etdi, —
elə bil suda ördəkdir. Biz onun vecinə deyilik, sanki
haradasa Yorkda yaşayırıq. Təki ona dəyməsinlər! Ancaq
eşidin, görün nə deyirəm, əziz Lizzi: əgər beyninizə
qoymusunuzsa ki, bundan sonra da kim olur olsun, sizə
elçi düşən hər bir damadı rədd edəcəksiniz, o zaman heç
ərə getməyəcəksiniz. Sizə and içirəm ki, atanız öləndən
sonra sizin qayğınıza kimin qalacağı mənə məlum deyil.
Buna mənim gücüm çatmayacaq, yadda saxlayın. Bu
gündən mən sizinlə qurtardım. Daha sizinlə
danışmayacağam — bunu artıq kitabxanada da sizə
demişəm. Əmin olun ki, mən sözümün üstündə dura
biləcəyəm. Naşükür övladla danışmaqdan nə zövq almaq
olar? Ümumiyyətlə, nəyin xatirinə onunla danışım? Xəstə
əsəbləri olan insanlar danışmağa o qədər də meyilli olmur.
Heyhat, mənim əzablanmı başa düşmürlər! Ancaq buna
təəccüblənmək olmaz. Şikayət etməyən mərhəmət
görməz.
Qızlar bu sicilləməni susaraq dinlədilər, bilirdilər ki,
analarını sakitləşdirmək üçün istənilən cəhdləri yalnız
onun qıcıqlanmasın! artıracaq. Ona görə də missis Bennet
ta adi vaxtda olduğundan daha təşəxxüslü görünən mister
Kollinz ona qoşulana qədər taleyindən şikayətlənməkdə
davam etdi. Onu görən kimi missis Bennet qızlara dedi:
— İndi isə istəyirəm ki, siz, bəli, bəli, siz hamınız
downloaded from KitabYurdu.org
157
dilinizi dinməz saxlayasınız və imkan verəsiniz ki, heç
olmasa mister Kollinzlə bir az könlümüzcə söhbət edək.
Elizabet otaqdan çıxdı, Ceyn və Kitti onun ardınca
getdilər, Lidiya isə mümkün olan hər şeyi eşitmək
qəranna gələrək yerindən tərpənmədi. Şarlotta əvvəlcə
mister Kollinzin iltifatına
cavab vermək üçün ləngidi - Kollinz təfərrüatlı bir şəkildə
ondan bütün doğmalarını soruşdu və özünün cansağlığı ilə
maraqlandı. Daha sonra Şarlotta marağa boğularaq
pəncərəyə tərəf getdi və özünü elə göstərdi ki, guya
buradan heç nə eşidilmir.
Missis Bennet hazırlamış olduğu söhbətə əzabkeş
harayla başladı:
—
Ah, mister Kollinz!
— Xanım, — o, cavab verdi, — daha bu mövzuya
toxunmayaq. Mən qızınızın davranışından inciməkdən
uzağam, — o, məlum incikliyini bəlli edən tonla davam
etdi. — Qaçılmaz şər qarşısında boyun əymək bizim
ümumi borcumuzdur. Mənim kimi cəmiyyətdə irəliləmək
xoşbəxtliyinə erkən nail olmuş gənc adama bu, daha çox
yaraşır. Ona görə də mən özümü itaətə məcbur edirəm.
Bəlkə də gözəl əmim nəvəsi mənə könül versəydi (buna
şübhəm yaranıb), çox asanlıqla gerçək xoşbəxtliyimi
tapardım. Çünki mən tez-tez müşahidə edirəm ki, itaət heç
vaxt məhrum olduğumuz yaxşı bir şeyin təsəvvürümüzdə
öz dəyərini itirməyə başladığı vaxt olduğu
qədər tam olmur. Ümidvaram ki, xanım, sizi və mister
Benneti mənə görə öz valideynlik hakimiyyətinizdən
downloaded from KitabYurdu.org
Dostları ilə paylaş: |