Birinci kitab
Yüklə 3,06 Mb. Pdf görüntüsü
|
150
olduğum həyat şəraiti sizi təmin etməyə bilər. De Bör ailəsi ilə əlaqələr və sizin ailə ilə qohumluq mənim cəmiyyətdəki mövqeyimə xüsusilə əlverişlidir. Bir də sizin bütün məziyyətlərinizə baxmayaraq, başa düşməlisiniz ki, ərə getmək üçün əlinizə yeni fürsət düşməyə bilər. Sizin cehizinizin az əhəmiyyətli olması gözəlliyinizin və sair müsbət keyfiyyətlərinizin bütün cazibə qüvvəsini azalda bilər. Ona görə də düşünürəm ki, ürəyinizin dərinliyində heç də mənə rədd cavabı vermək niyyətində deyilsiniz. Mən sizin cavabınızı gözəl qadınlara xas olan cazibədar işvəkarlıq vasitəsilə mənim duyğularımı daha şiddətlə alovlandırmaq arzusu kimi izah etməyə meyilliyəm. — Sizi əmin edirəm ki, ser, mən ciddi adamın hissləri ilə oynayaraq uğur qazanmağa tamamilə iddia etmirəm. Hər şeydən çox istərdim ki, siz mənim səmimiyyətimi qiymətləndirəsiniz. Mən bir daha etdiyiniz nəzakətli təkliflə mənə şərəf verdiyinizə görə sizə minnətdarlığımı bildirirəm, ancaq onu qəbul etmək mənim üçün qətiyyən mümkünsüzdür. Mənim bütün duyğulanm buna qarşıdır. Mən daha aydın ifadə edə bilərəmmi? Mənə sizi işvəkarlıq toruna salmış birisi kimi baxmağı dayandırın və qarşınızda həqiqəti səmimi qəlbdən danışan məntiqli bir varlıq görməyə çalışın! — Siz, sadəcə, çox sevimlisiniz! — o, yersiz nəzakət nümayiş etdirərək səsləndi. — Əminəm ki, təklifimi möhtərəm valideynləriniz bəyənəndə siz ona tamam iltifatla yanaşacaqsınız. downloaded from KitabYurdu.org 151
Elizabet başa düşdü ki, mister Kollinzin özünəinamım azacıq da olsa silkələmək üçün tamam gücsüzdür. O, dərhal otaqdan çıxdı və qərara aldı ki, bundan sonra bir də onun rədd cavabını ümidverici təşviq kimi qəbul etsə, atasına müraciət etsin. - O, davranışının gözəl qadının işvəkarlığı kimi yozulmasmdan qorxmadan Kollinzə kifayət qədər aydın şəkildə cavab verər. XX FƏSİL
Mister Kollinz sevgi uğurları barədə uzun düşüncələrə dalası olmadı. Missis Bennet zalda danışıqların nəticəsini səbirsizliklə gözləyirdi. Qızı qapını taybatay açaraq qaçıb gedəndə o, Kollinzin yanına cumdu, onu və özünü tezliklə aralannda baş tutası ən yaxın qohumluğa görə hərarətlə təbrik etdi. Mister Kollinz onun atəşin xitabına qulaq asdı və eyni vəcdlə cavab verdi, sonra isə nəticəsindən tamamilə məmnun qaldığı söhbətin təfərrüatlarını danışdı. Əmisi nəvəsinin inadla rədd cavabı verməsi, gerçəkdən də, təbii olaraq onun utancaqlığı və təbiətinin lətifliyi ilə izah olundu. Hər halda bu xəbər missis Bennetdə müəyyən narahatlıq doğurdu. O ümid etmək istəyirdi ki, Elizabet mister Kollinzin elçiliyini onun hisslərini daha da alovlandırmaq niyyəti ilə rədd edib. Fəqət buna inanmağa cürət etmədi və narahatlığını həmsöhbətindən gizlədə bilmədi. — Amma siz mənə güvənin, əzizim! — o dedi. — Mən onu ağıllandıraram. Elə bu dəqiqə onunla açıq danışacağam. Nə inadkar və özbaşına qızdır — öz downloaded from KitabYurdu.org
152
xoşbəxtliyini anlamır. Ancaq mən ona başa salacağam. — Xanım, bağışlayın ki, sözünüzü kəsməyi özümə rəva görürəm, — mister Kollinz qeyd etdi. — Ancaq əgər o doğrudan da inadkar və özbaşınadırsa, mən əmin deyiləm ki, o, ümumiyyətlə, mənim mövqeyimdə olan və təbii ki, nikah ittifaqında rifah axtaran adam üçün münasib həyat yoldaşı olmağa qadirdir. Ona görə də əgər o bundan sonra da mənim təklifimi qəbul etməkdən imtina edəcəksə, bəlkə də bizim üçün ən yaxşısı onu buna məcbur etməməkdir? Qorxuram ki,
bu sayaq
naqisliklərdən iztirab çəkərkən o, çətin ki, məni xoşbəxt edə bilə. — Ah, ser, siz məni tamamilə yanlış anladınız, — həyəcanlanmış miss Bennet cavab verdi. — Iizzi yalnız bu cür müstəsna hallarda inadkar olur. Bütün başqa vəziyyətlərdə o, dünyanın ən yumşaq məxluqudur. Mən bu saat mister Bennetlə danışaram və sizə zəmanət verirəm ki, çox tezliklə hər şeyi yoluna qoyarıq. Kollinzə cavab vermək imkanı yaratmadan o, tez- tələsik ərinin üstünə qaçdı, elə kitabxananın astanasmdaca səsləndi: — Ey, mister Bennet siz ləngimədən mənə kömək etməlisiniz! Biz hamımız çaşqınlıq içindəyik. Qaçın və Lizzini mister Kollinzə ərə getməyə vadar edin. Çünki o, onun arvadı olmağa razı deyil. Siz elə bu dəqiqə müdaxilə etməsəniz, o, fikrini dəyişə bilər və onun əri olmaq istəməz. downloaded from KitabYurdu.org 153
Onun göründüyü vaxt mister Bennet kitabdan ayrıldı və verdiyi xəbərdən azacıq da olsun həyəcanlandığını heç nə ilə göstərmədən sakit şəkildə həyat yoldaşına baxdı. — Təəssüf ki, əzizim, sizin sözlərinizin mənasını qavramaq məmnunluğuna malik olmadım, — o, xanımı susduqda dedi, — nə barədə danışırsınız? — Mister Kollinz və Lizzi haqqında. Lizzi bildirib ki, o, mister Kollinzə ərə getmək istəmir, mister Kollinz isə artıq Lizzi ilə evlənmə fikrindən daşınmaq üzrədir. — Bu halda mən nə edə bilərəm? Məsələ kifayət qədər ümidsiz görünür. — Siz Lizzi ilə danışmalısınız! Ondan tələb edin ki, ona ərə getsin. — Qoy onu bura çağırsınlar. Mən ona öz fikrimi deyərəm. Missis Bennet zəng çaldı və Elizabet kitabxanaya dəvət olundu. — Yaxın gəl, övladım, — qız içəri girəndə atası dilləndi. — Səni vacib işdən ötrü çağırdım. Başa düşdüyüm qədər mister Kollinz sənə ona ərə getməyi təklif edib. Bu doğrudurmu? Elizabet təsdiqləyiri cavab verdi. — Çox yaxşı. Sən də ona rədd cavabı verdin? — Bəli, ser. — Çox gözəl. İndi biz əsas məsələnin üstünə gələk. Sənin anan tələb edir ki, sən bu təklifi qəbul edəsən, — düzdürmü, missis Bennet? downloaded from KitabYurdu.org Yüklə 3,06 Mb. Dostları ilə paylaş:
|