Birinci kitab
Yüklə 3,06 Mb. Pdf görüntüsü
|
158
istifadə etmək xahişi ilə çətinliyə salmayaraq, qızınıza verdiyim üstünlükdən imtinamı ailənizə hörmətsizlik izharım hesab etməyəcəksiniz. Narahatam ki, ola bilər, özümü valideynlərin deyil, sizin qızınızın cavabına əsaslanmaqda azad saymağım davranışıma kölgə salacaq. Ancaq biz hamımız səhv edə bilərik. Hər halda, mən hərəkətlərimdə ən yaxşı niyyətləri əldə rəhbər tuturdum. Mən yaxşı həyat yoldaşı tapmaq və eyni zamanda ailənizə xidmət göstərmək istəyirdim. Əgər mənim hərəkətimdə nəsə qmanılmağa layiq bir şey olubsa, xanım, sizdən rəhmdil olmağı rica edirəm. XXI FƏSİL
Mister Kollinzin elçiliyinə görə yaranmış təlatüm yekunlaşırdı. Elizabet indi yalnız bu hadisənin qoyduğu xoşagəlməz çöküntüdən və missis Bennetin hərdən onun ünvanına səsləndirdiyi narazı tənələrdən iztirab çəkirdi. Centlmenin özünə gəlincə, o, heç də xəcalətli və ya dilxor görünmürdü, hətta əmisi nəvəsi ilə bir arada olmaqdan da qaçmırdı, sadəcə, öz hisslərini müəyyən süni ciddilik və qeyzli susqunluqla büruzə verirdi. O, demək olar ki, qızla danışmırdı və bütün axşam boyunca öz yüksək dəyərli diqqətini yalnız miss Lukasa ayırdı. Şarlotta onunla söhbətə həvəslə girişərək rəfiqəsinə və bütün ailəyə tam yerinə düşən xidmət göstərdi. Növbəti səhər missis Bennetin sağlıq durumunu və ovqatını yaxşılaşdırmadı. Mister Kollinzin bütün görkəmi əvvəlki kimi yaralanmış heysiyyətindən xəbər verirdi. Elizabet ümid edirdi ki, incikliyi onu Lonqbornu downloaded from KitabYurdu.org
159
vaxtından tez tərk etməyə məcbur edəcək, ancaq qonağın planı dəyişmirdi: onun gedişi şənbə gününə təyin olunmuşdu və o, məhz şənbə günü onları tərk etmək niyyətində idi. Səhər yeməyindən sonra qızlar Meritona getdilər ki, mister Uikhemin qayıdıb-qayıtmadığını öyrənsinlər və Nezerfild balında olmamasına görə təəssüflərini bildirsinlər. O, qızları şəhər kənarında qarşıladı və onlarla birlikdə missis Filipsin evinə getdi. Orada mister Uikhemin sıxıntısı və yerdə qalanların məyusluğu kifayət qədər dilavərliklə ifadə olundu. Ancaq Elizabetlə söhbətində o etiraf etdi ki, onun səfərinin zəruriliyi şişirdilib. — Bala bir neçə gün qalanda, — o dedi, — mən başa düşdüm ki, ən yaxşısı mister Darsi ilə rastlaşmamağımdır. Mən onunla bir otaqda, bir camiədə uzun müddət qalmağa dözə bilməzdim. Bu xoşagəlməz səhnələrə gətirib çıxara bilərdi, həm də təkcə mənim üçün yox. Elizabet onun tədbirliliyini yüksək qiymətləndirdi. Onlar bu mövzuda gen-bol danışdılar və Uikhemlə daha bir zabit qızları Lonqborna qədər müşayiət edərkən bir- birinə kompliment dedilər. Gəzinti zamanı bu gənc adam Elizabetə xüsusi diqqət yetirdi. Onun qızı düz evə qədər ötürməyə hazır olması Elizabet üçün ikiqat xoş idi: birincisi, öz- özlüyündə bu iltifat idi, ikincisi, mister Uikhemi valideynlərinə təqdim etmək üçün münasib imkan yaradırdı. downloaded from KitabYurdu.org 160
Onlann qayıdışından sonra böyük miss Bennetə Nezerfilddən məktub gətirdilər. O dərhal açıldı. Zərfdə cilalanmış kağızın zərif qadın xətti ilə yazılmış qəşəng vərəqi vardı. Bacısı ayrı-ayrı kəlmələrin üstündə dayanaraq məktubu oxuduğu zaman Elizabet gördü ki, onun sifətinin ifadəsi dəyişir. Ceyn tezliklə özünü ələ aldı və məktubu gizlədərək, adi şən ovqatla ümumi söhbətə qoşulmağa çalışdı. Ancaq məktub Elizabeti o qədər maraqlandırdı ki, onun diqqəti hətta Uikhemdən də yayındı. Uikhem və onun dostu Lonqbornu tərk edər-etməz, Ceyn baxışlan ilə bacısını onun ardınca yuxarı gəlməyə çağırdı və onlar otağa girəndə o, məktubu yenidən çıxararaq dedi: — Bu, Kerolayn Binqlidəndir. Etiraf edirəm ki, mən onun məzmunundan heyrətləndim. Bu arada onların bütün dəstə- tifaqı, yəqin ki, Nezerfildi tərk etmişlər və Londona doğru yoldadırlar. Və onlar geri dönməyə hazırlaşmırlar. Qulaq as, nə yazılıb. O, məktubun birinci cümləsini oxudu, orada bildirilirdi ki, bacılar mister Binqlinin ardınca Londona getməyi qərara alıblar və bu gün mister Hörstün Qrovnor küçəsindəki evində nahar etmək fikrindədirlər. Sonrakı sətirlərdə yazılırdı: “Sizdən gizlətmək istəmirəm, mənim dəyərli rəfiqəm, Hartfördşiri tərk edərkən Sizinlə bir arada olmaqdan başqa heç nə üçün təəssüf etmirəm. Ancaq ümid edək ki, bizə dəfələrlə nə vaxtsa yenidən, bir zamanlar bu yerlərdə aramızda mövcud olduğu kimi, nəfis downloaded from KitabYurdu.org 161
yaxınlığımızdan zövq almaq qismət olacaq. Hələlik hicran acısını vaxtaşırı və mötəbər yazışma vasitəsilə xəfif edərik. Bu məsələdə mən Sizə ümid edirəm”. Elizabet bu saxta və təmtəraqlı cümlələri laqeydliklə dinlədi. Mister Binqlinin bacılarının qəfil gedişi onu təəccübləndirsə də, alınmış xəbərdə heç bir xoşagəlməz şey tapmadı. Məktubdan elə çıxmırdı ki, miss Binqlinin və missis Hörstün yoxluğu onlann qardaşının Nezerfildə qayıtmasına mane ola bilər. Elizabet şübhə etmirdi ki, Ceyn mister Binqli ilə bir arada olmağın həzzi ilə tez bir zamanda bu qadınlarla ayrılığın acısını hiss etməyi dayandıracaq. — Əlbəttə, heyif ki, vidalaşmaq sizə nəsib olmadı, — qısa pauzadan sonra o dedi, — ancaq miss Binqlinin arzuladığı xoşbəxt görüşün onun düşündüyündən daha tez olacağına ümid edə bilmərik məgər? Ola bilməzmi ki, rəfiqə olduğunuz vaxt aranızda yaşadığınız nəfis yaxınlıq siz bacılara çevriləndə yenidən baş qaldıraraq daha da xoş olsun? Onlar mister Binqlini Londonda tutub saxlaya bilməzlər axı. — Kerolayn açıq şəkildə yazır ki, onlardan heç kim bu qış Hartfördşirə qayıtmayacaq. Qoy mən o yeri sənə oxuyum.
“Dünən bizi tərk edərkən qardaşun düşünürdü ki, onun LoTidona getməsini zəruri edən işi o, iki-üç gün ərzində görüb qurtara bilər. Ancaq biz yaxşı bilirik ki, elə deyil. Çarizm şəhərə gəldikdən sonra onu yenidən tezliklə tərk etməyəcəyinə əmin olaraq qərara aldıq ki, ardınca downloaded from KitabYurdu.org Yüklə 3,06 Mb. Dostları ilə paylaş:
|