44
İçimdəki “müsabiqə”dən keçmək elə də asan
deyil. Odu ki, onlara qarşı çox sərtəm.
...Sevdiyim rəssam çoxdu. Sehrinə düşdüyü-
msə, Monedi. Bizimkilərdən Səttar Bəhlulzadə
ruhuma doğmadı. Onlar təzə rəng yaradıblar elə
bil. Sanki Tanrı onlara öz missiyasının bir
hissəsini verib Yer üzünə göndərib ki, vaxt edib
yarada bilmədiyi rəngləri yaratsınlar. Onların
rəsmlərindəki boyaları başqa heç yanda görə
bilməzsən. Elə bil başqa dünyanın rənglərini
gətiriblər bura. Təbiət sanki onlarda eyni təəssürat
yaradıb. Dünyaya eyni gözlə baxırlar. Səttarın
“Qudyalçay sahilində” əsəri Monenin “Purvildə
çimərlik” tablosunun davamıdı sanki. ...Etiraz
etmirsizsə, bir-birimizə “Siz” yox, “Sən” deyə
müraciət edək. “Siz” sözündə ehtiram çaları çox
olsa da, “Sən” qədər yaxın, isti deyil.
Tamam! Olsun! Əgər verdiyiniz qərar ara-
mızdakı səmimiyyət və hörməti artıracaqsa, onda
SƏN deyən olsun... Şəkilaltı mətnlərin birində
yazmısınız: “Azad kişi”. Azadlığı nədə görür-
sünüz?
“Azad kişi” Nyu-Yorkda, Azadlıq heykəlinin
qarşısında çəkdirdiyim şəklimə qoyduğum ritorik
addı. Təbii, burada pafos da var, ritorika da.
Amma mənim üçün azadlıq fikirlərin sərbəstliyidi
45
ki, onu boğmağa heç kimin əli çatmaz. İnsanın
səsini, sözünü kəsmək, hərəkətinə sədd çəkmək
olar, amma düşüncələri adamın yalnız özünə
aiddi.
İnsanın düşüncəsini düşdüyü mühit, yaşadığı
ömür formalaşdırır. Bolşeviklər insan təfəkkü-
rünə, düşüncəsinə də təcavüz etdilər. İnsanların
azadlıq eşqini onların düşüncələrində belə boğa
bildilər.
Yox, kommunistlər azad adamların şüur və
düşüncələrinə əl gəzdirə bilmədilər. Əgər bu
mümkün olsaydı, onda milyonlarla insanın qətli-
nə, repressiyasına ehtiyac qalmazdı. Onlar azad
insanları qırıb çatdılar, yerində şüur və düşüncə-
lərinə təsir edə biləcəkləri yeni insan tipi
yaratdılar. Bu, Corc Oruellin “1984” əsərində əla
təsvir olunub.
Azadlıq hissi təkcə yaşam tərzindən doğmur,
həm də irsən keçir. Onu bilməyənlər aciz, bilənlər
isə dünyanın min bir əzabına düçar olur.
Anlamaq dərdinə yalnız azadlığı bilənlər
düçar olur. “Azadlıq hissi təkcə yaşam tərzindən
46
doğmur, həm də irsən keçir”. Sənin bu fikrin
mübahisəlidi. “Şahzadə və dilənçi”də dilənçi
Tom fikirlərində nə qədər azaddı, amma bu ona
irsən keçməyib. Oxumuş olarsınız!
Azadlığı qorumaq onu əldə etməkdən
çətindir. Rifah azadlıq bir neçə nəslə ötürüləndən
sonra yaranır. Tom öz azadlığını sonrakı
xələflərinə ötürə biləcəkmi? Bir də ki, azadlıq çox
bahalı vaza kimidir, qiymətini sınanda bilirsən.
Hər işdə belədi: bir şeyin dəyərini bilmək
üçün onu itirmək lazım gəlir bəzən. Amma bu,
həmişə belə olmur, insan heç də hər vaxt
itirdiyinin əsl qiymətini bilmir. Biz hansı
itirdiyimizin dəyərini bilmişik ki? Mənim üçün
azadlıq fərdi xarakter daşıyır, cəm halda azad
olmaq mümkün deyil.
Maraqlı yanaşmadır. Razılaşmalı olacam. Bu
cümləni yazacam dəftərimin qırağına... Bəs
azadlıq harada olur – beyində, qəlbdə, çöldə,
düzdə?
İstənilən yerdə ola bilər, yetər ki, sən onu
yaşayasan. Azadlıq deyəndə ilk olaraq nəzəri-
47
mizdə açıq səma, ucsuz-bucaqsız üfüqlər can-
lanır. Amma bəzən azadlıq dörd divar arasında,
hətta zirzəmidə də olur. Sənə bir hadisəni
danışım. Qazaxıstanda olub. Bir dəfə isti yay
günlərinin
birində
sərgi
açılışından
sonra
Almatının sayılıb-seçilən restoranlarından birində
şam yeməyinə getmişdik. Oturmağa yer seçəndə
qazax dostumuz bizə otaq təklif etdi. O, dünyanın
müxtəlif ölkələrindən gəlmiş rəssamların, belə
demək olarsa, “azad adamlar”ın açıq söhbətlə-
rinin kənardan eşidilməsini istəmirmiş. Amma
biz, azad dünyanın azad övladları təmiz havada,
çinar altında qoyulmuş iki uzun masanın birini
seçdik. Ürəyincə olmasa da, dostumuz etiraz
etmədi. Məclisin şirin yerində yanımızdakı ikinci
masaya bazburudlu, qalstuklu adamlar gəldi.
Restoran heyətinin tam səfərbərliyindən gələn-
lərin ali qonaqlar olması aydın idi. Süfrə
sahibimiz isə həyəcan və narahatlıq içindəydi.
Bizim məclisdə söylənən adi bir söz yeni
qonaqların şübhə dolu baxışlarına səbəb olurdu.
Aralarında birinin onsuz da qıyıq olan gözünü bir
az da qıyıb hərdən bizim qazax dostumuza oğrun-
oğrun baxması diqqətimdən yayınmadı. Dostu-
muz həmin qıyıq gözün yiyəsini tanımışdı. Bu
gözlərdə yazılanları oxuduqca onun ürək döyün-
tülərinin necə artdığını masanın o biri başında
“eşidirdim”. Onu belə zavallı görmək ağırıydı.
Gələnlər hökumət adamları idi. Dostumuzun
48
məclisi qapalı otaqda açmaq istəməsinin səbəbini
indi anlamışdıq. Həmin anda onun üçün azadlıq
dar otaqdaydı. Odu ki, bəzən azadlıq açıq havada
yox, dörd divar arasında, hətta havası kif qoxuyan
zirzəmidə də ola bilər.
Neçə gündü xətdə canlı əlaqəmiz alınmır.
Bilirəm, mənim ucbatımdandı. Amma inanın, çox
xoşdur sizinlə ünsiyyət. ...Bəs təsadüfə inanır-
sınız, ya hər şey əvvəldən yazılır, sizcə? Tanış-
lığımızı düşünərkən ağlıma gəldi bu sual.
Elə xəlvət gəlib gedirsən ki, duyuq düşən
olmasın! ...Sualına iki fərqli cavab ola bilər. Biri
fatalistlərin cavabıdı, bunu özün də bilirsən. O
biri cavab isə təsadüfə inananlarındı. 1785-ci ildə
dünya səyahətinə çıxan fransız səyyahı Laperuz o
vaxt Paris Hərbi Məktəbində oxuyan Napoleonu
heyətə daxil eləmir. Ərizəsinə rədd cavabı verən
səyyah onun yerinə astronomiyadan başı çıxan
birini götürür. Tale belə gətirir ki, tarixə “Laperuz
ekspedisiyası” adı ilə düşən bu heyət geri
qayıtmır. Napoleon da onlarla gedib itkin düş-
səydi, Avropanın sonrakı tarixi necə olacaqdı?
Yalnız güman eləmək qalır. İndi bunu hansının
ayağına yazaq – təsadüfün, ya alın yazısının?
Açığı, mən bilmirəm.
Dostları ilə paylaş: |