Aslanov Əfqan
Əkbər oğlu
(1959)
1959-cu il aprelin 18-də Ağcabədi rayonunun Taynaq kəndində anadan olmuşdur. O, 1965-ci ildə Taynaq kənd orta məktəbinin birinci sinfinə getmiş, orta təhsilini başa vurduqdan sonra indiki Gəncə Dövlət Universitetinin riyaziyyat ixtisasına qəbul olmuş və 1978-ci ildə yüksək qiymətlərlə bitirmişdir. Əfqan Aslanov 1987-ci ildə AMEA-nın Riyaziyyat İnstitutunda funksional analiz ixisası üzrə namizədlik dissertasiyası müdafiə edərək Riyaziyyat elmləri namizədi alimlik dərəcəsini almışdır.
Əfqan Aslanov 1989-1993-cü illərdə Azərbaycan Dövlət İqtisad Universitetində müəllim, 1993-1995-ci illərdə baş müəl-lim işləmişdir. Həmçinin 1992-2001-ci illərdə Xəzər Universi-tetində dosent, sonra professor vəzifələrini tutmuşdur. O, 2009-cu ildə Türkiyə Cümhuriyyətində dosent elmi adını almışdır. 2014-cu ildə Beykent Universitetində professor vəzifəsinə təyin olmuşdur. Hal-hazırda Bilgi Universitetinin riyaziyyat bölü-mündə çalışır.
Əfqan Aslanovun əsas tədqiqat sahəsi kimi riyazi və funk-sional analiz, adi diferensial tənliklər, çoxparametrli spektral nəzəriyyə və s. göstərmək olar. O, qeyd etdiyimiz sahələr üzrə müxtəlif elmi əsərlər yazmışdır. Onlardan 20-dən çoxu Beynəl-xalq jurnallarda dərc olunmuşdur. Əfqan Aslanovun 15-dən ar-tıq beynəlxalq konfrans materiallarında da əsərlərinə rast gəl-mək olar.
Ə .Aslanov dünya şöhrətli riyaziyyatçıdır və Amerika Tət-biqi və Hesablama riyaziyyatı jurnalının redaksiya heyətinin üz-vüdür.
Dostları ilə paylaş: | 
