Bodring tuzlash texnologiyasi

Sovutish haroratini tuzlangan bodringni saqlanish muddatiga ta’siri
3.1.5.Jadval.

№	Mahsulot turi	Harorat, ^oS
		0-2	+4+6^0S	sovutilmaydigan
1.	Tuzlangan bodring	5-7 oygacha	2-3 oygacha	0,5-1 oygacha

Agar pasaytirilgan haroratga (0-2⁰S) erishilsa, unda mahsulotni saqlash muddatini 5-7 oyga, +4+6⁰S 2-3 oygacha, sovutilmaydigan omborlar va savdo shaxobchalarida 0,5-1 oygacha saqlanadi. Birinchi navli tuzlangan bodringlar tarkibida tuz miqdori 2,5-3,5 %, kislota 0,6-1,2 % atrofida bo‘lishi kerak. Tuzlangan bodringlar tarkibida tuz va kislotaning ko‘payishi ularni navini pasayishiga olib keladi.
Turli hajmlarda jumladan 3 litrli va 10 litrli shisha idishlarda bodring tuzlash uchun kerak bo‘ladigan mahsulotlar miqdori va turi quyidagi jadvalda keltirilgan.
Rasm-3.

Turli xil hajmda shisha idishlarda bodring tuzlash uchun sarflanadigan mahsulotlari miqdori. (gramm)

3.1.6-Jadval

№	Xom-ashyo turlari	Banka hajmi	Bochka xajmi
		3 litrli	100 litrli
1	Bodring	1630	56000
2	Ukrop	50	1600
3	Sarimsoq piyoz	5	100
4	Xren ildizi	8	300
5	Qalampir	1,5	50
6	Selderey, petrushka bargi	10	350
7	Boshqa xidli o‘simliklar bargi	5	150
8	6-8 foizli eritma	1300	43000
9	Estragon	8,0	300

Shisha bankalardan foydalaniladigan bo‘lsa, yuqoridagi jadvalga nisbat miqdorlarda mahsulotlar va ziravorlar olinadi (gramm hisobida): Ukrop, ekstrogon bargi, petrushka, selderey, yalpiz kabi ziravorlar mahsulotga xushbuy xid va yaxshi ta’m beradi. Qo‘shimcha ishlatiladigan gilos smorodina barglari dubil moddalari ushlagani uchun bodringni qarsildoq tirik holda bo‘lishini ta’minlaydi. Mahsulotga qo‘shiladigan sarimsoq piyoz, qalampir xren antibiotik xususiyatga ega. Ular ta’sirida mahsulot chirib aynishi oldi olinadi. Qo‘shimcha ziravorlar 3 holatda, ya’ni idish tagi, mahsulot o‘rtasi va ustiga solinadi. Keyin tuzli eritma quyiladi. Bijg‘ish boshlanmaguncha bochkani og‘zi berkitilmaydi. Undan 0,3-0,4% sut kislotasi ajaralib chiqadi, xarorat yetarli darajada bo‘lsa 1-2 kunda ro‘y beradi, keyin eritma tayyorlanib kamaygan qismi yana to‘ldiriladi.
Bodringni shisha bankalarda tuzlash paytida idish tagiga va ustiga ziravorlar solinadi. 8-12 kundan (bijg‘ish tugaganidan) keyin mahkam berkitiladi.
Katta hajmdagi idishlarga bodringlarni tuzlashda ya’ni bir tonna bodringni tuzlash sarflanadigan mahsulotlar miqdori tartibi keltirilgan.