- 3 -
So‘z boshi
Hech narsa xarita yaratishdek oson va
keng tarqalgan emas. Hech narsa ularni
yetarlicha yaxshi yaratish kabi qiyin ham
emas. Uni tabiat va san’at ehtiyojlari uchun
o‘rganishni
uyg‘unlashtirishda
yaxshi
geograf esa juda kam.
Jak-Nikolas Bellin (1744)
Xaritalar barcha joyda ishlatiladi:
kundalik gazetalarda va
haftalik ijtimoiy-siyosiy jurnallarda, kitoblarda, Internetda,
televideniyeda, poyezdlarda, kemalarda va h.k. Xaritalar juda ko‘p
va turli-tumandir. Ayrim xaritalar yuqori tafsilotlilikka ega bo‘lib,
texnik rasmga o‘xshasa, boshqalari qo‘lda chizilgan eskiz yoki
oddiy rasm kabi namoyon bo‘ladi.
Ayrimlarida butun dunyo,
boshqalarida esa dala hovlidan katta bo‘lmagan hududlar
tasvirlanadi. Jamiyat rivojlanishi takomillashishi bilan barcha
turdagi xaritalarga bo‘lgan talab va ehtiyojlar murakkablashib va
oshib bormoqda. Mahalliy hokimlik organlari va loyihalash
tashkilotlarining atrof-muhit holati va reurslar haqidagi
ma’lumotlarini grafik jihatdan ko‘rsatishda xaritalar alohida o‘rin
tutadi. Tuproqshunos, geolog yoki suv
resurslari mutaxassislari
xaritalardan kundalik faoliyatlarida foydalanishadi. Kommunal-
xo‘jalik korxonalari va loyiha firmalari o‘z faoliyatida texnik
xaritalar bilan ish ko‘rishadi. Yerdan foydalanish xaritalari ham
muhim; kadastr xaritalari mahalliy soliq yig‘imlari uchun zarur.
Hozirda butun kartografiya,
jumladan uning xaritalarni
loyihalash va tuzish (darslik nomida tasdiqlangan o‘quv reja
asosida “karta” deb berilgan, butun matnda esa O‘zbek tilining
imlo lug‘atiga asosan “xarita” deb ishlatiladi) sohasi tez sur’atlarda
o‘zgarmoqda. Kompyuter texnologiyalari va dasturiy ta’minotdagi
taraqqiyot, Internet imkoniyatlarining kengayishi, geografik
- 4 -
axborot tizimlari (GAT)ning keng tarqalishi xaritalarni yaratish va
ulardan foydalanish usullarini tubdan o‘zgartirmoqda.
Kartografiya
sivilizatsiya
tarixi
bilan
chambarchas
bog‘langan uzoq taraqqiyotga ega ilmiy va amaliy fan hisoblanadi.
Kartografiya mustaqil tadqiqot sohasi
sifatida istiqbolli fanga
aylangan. Ko‘plab mamlakatlarda kartografiya geografiya
dasturlari bilan chambarchas bog‘liq bo‘lib kelgan. Hozirda ham
ko‘p jihatdan geografik tadqiqotlar bilan aloqador bo‘lsa-da,
kartografiya alohida akademik soha va GATning ajralmas qismi
sifatida qaraladi. Kartografiya o‘zining rivojlanishi bilan har biri
o‘z faoliyat doirasi, ta’limiy talablar,
texnologiyalar va falsafiy
asoslarga ega bir qator tarkibiy qismlarga ajralmoqda. Shulardan
biri uning xaritalarni loyihalash va tuzish sohasi hisoblanadi.
Bugungi kunda xaritalarni yaratish ba’zi umumiy jihatlari bo‘lsa-
da, ajdodlarimiz foydalangan texnologiyalardan kuchli farq qiladi.
Darslikning maqsadi talaba va qiziquvchilarni turli xil xarita
va atlaslarni yaratish usullari, tamoyillari va texnologiyalari bilan
yaqindan tanishtirishdan iborat. Unda mamlakatimiz kartograflari
T.Mirzaliyev, E.Safarov, A.Egamberdiyev, J.Qoraboyev, rus
kartograflari
K.A.Salishev,
Yu.S.Bilich,
A.S.Vasmut,
A.M.Berlyant, T.G.Svatkova, N.A.Alekseenko, A.A.Makarenko,
V.S.Moiseeva asarlari hamda rivojlangan xorij mamlakatlari oliy
ta’lim muassasalari o’quv rejasiga kiritilgan Arthur H.Robinson va
boshq.
(Elements of Cartography. New York, 1995)
, Menno-Jan
Kraak, Ferjan Ormeling
(Cartography: Visualization of
Geospatial Data. London, 2010)
, Borden D.Dent va boshq.
(Cartography: Thematic Map Design. New York, 2009)
, Judith
A.Tyner
(Principles of map design. New York, 2010)
muallifligidagi adabiyotlardan, shuningdek,
mamlakatimizda va
xorijda chop etilgan boshqa kartografik asarlar, Internet
manbalardan keng foydalanildi.