33
Gözləməyə o qədər də vaxt lazım olmadı. Beş-altı
dəqiqədən sonra baş redaktor Raziyəni yenidən otağına
çağırdı. Raziyə getdi və tez də geri döndü. Onlar nəşriyyatdan
birlikdə çıxdılar. Yolda gedərkən İradə rəfiqəsinə:
- Raziyə, əvvəlcə mobil telefondakı danışığı sakit bir yerdə
dinləyək görək, bu şərəfsizlər sənə necə tor qurublar.
Tədbirimizi ona görə alaq. Gəl, parka gedək, ora sakitlikdir -
dedi.
Hər iki rəfiqə parkda sakit bir guşədə mobil telefonuna qulaq
asdılar. Həqiqətən danışıq olmuşdu. Aslan dostuna deyirdi:
- Qardaş, salam. Çoxdandır ki, zəng etmirsiniz. Əvvəllər tez-
tez zəng edərdiniz. Deyəsən, bizləri daha unutmusunuz? Nə
qədər ki, yeni gözəl xanımlar var idi, o zaman hər gün
axtarırdınız. Əlbəttə, bunlar bir zarafatdır. Hə, belə de. Demək
xaricdəydiniz. Vaqif müəllim, sizdən yaxşı bir yazı hazırlamaq
istəyirəm. Nə deyirsiniz? Bəli, yeni bir gözəl xanım işə
götürmüşəm, yazını da o, hazırlayacaq. Özün görəcəksən
də... Xeyr, gerisi daha sizlikdir. Siz ki bu işlərdə mahirsiniz.
Mənim bu barədə məsləhətim yersiz olar. İlk baxışdan ciddi
xanıma bənzəyir. Xeyr, xeyr, mənlik deyil. Düşündüm ki, onun
dilini siz məndən daha yaxşı bilərsiniz. İndi yerindəsiniz də? O
zaman yeni ceyranı göndərirəm...
- Ay, namussuz! Nakişi! Biqeyrət! Tülkü! - Raziyə baş
redaktorun arxasınca əsib-coşdu.
- A-a-a-z, sakit ol, görüm. Düz deyirsən, o, aslan deyil, əsl
tülküdür ki, var. Bura bax, Raziyə, qabaqcadan bildirim ki,
oraya gedərkən danışıqları mən aparacağam. Yazıyla bağlı
sualları sən verərsən, qalan söhbətlər isə mənlik olacaq.
Eşitdinmi?!
- Yaxşı, sən deyən kimi olsun. - Raziyə razılaşdı.
Bir azdan qızlar iş adamı Vaqif Məmmədovun qəbulunda
idilər. Katibə qız xanımların gəldiyini içəri xəbər verdi. Sonra
qız əlindəki telefon dəstəyini yerinə qoyub, qonaqların içəri
keçməsinə başı ilə işarə etdi.
34
Jurnalist xanımlar içəri girər-girməz Vaqif çoxdan
gözləyirmiş kimi, ayağa qalxaraq, onlarla əl tutub görüşdü:
- Xoş gəlmisiniz, xanımlar. Aslan müəllim telefonda mənə bir
xanımın gələcəyini demişdi. Amma siz...
- Mən artıqsam, gedə bilərəm, Vaqif müəllim, - İradə işvə-
nazla dilləndi.
- Xeyr, xeyr! Siz nə danışırsınız. Sözümdən inciməyin. Mən
müsafir sevən insanam. Qonaq nə qədər çox olarsa, məclis bir
o qədər də şən keçər. Mən xanımların şənlik məclislərini çox
sevirəm. Bunu hər yerdə söyləyirəm; qadınlarsız həyat nəyə
gərəkdir ki. Qadınlar həyatın bəzəyidir, yaraşığıdır. Həyatı
gözəlləşdirən də məhz sizlərsiniz. Biz kişilərin həyatını
rövnəqləndirən də sizin kimi gözəl xanımlardır.
- O-o-o!!! Vaqif müəllim, iş adamından bu cür sözlər
eşitdiyimizə görə, düzü təəccübləndik. Bunları biz kompliment
kimi deyil, ədəbi sahədə təcrübəsi olan bir yazarın sözləri tək
qəbul edirik. Görünür, ədəbiyyatı çox sevirsiniz, - deyə İradə
Vaqifin qoltuğuna qarpız verdi.
- Hə, arada özümçün cızma-qara edirəm, şeir yazıram - Vaqif
gülərək dedi. - Xanımlar, əsas məsələyə keçək. Mən jurnalist
xanımları həmişə bağ evimdə qəbul edib, müsahibələr
vermişəm. Yəni, jurnalistlərlə söhbətimiz həmişə süfrə başında
olub. Məncə, siz də bu təklifimi rədd etməzsiniz. Nə
deyirsiniz?!
- Siz deyən olsun, Vaqif müəllim. - İradə Raziyəyə ağzını
açmağa imkan vermədi.
- Elə isə, getdik...
Vaqif müəllim mobil telefonu ilə kiminləsə danışdı və dərhal
qapı açıldı. Cavan bir oğlan otağa daxil oldu. Vaqif müəllim
ona:
- Vüqar, sən jurnalist xanımları bağ evimə apar, mən də
arxanızca gəlirəm - dedi. - Qalan işləri də özün bilirsən.
Qonaqlarım məndən narazı getməməlidir.
35
- Baş üstə, Vaqif müəllim! - Oğlan əmrə müntəzir əsgər kimi
cavab verdi.
Onlar Vüqarın maşınında bağ evinin darvazasından içəri
keçərkən Raziyə gözlərinə inana bilmədi. O, maşından düşər-
düşməz heyrətini gizlədə bilməyib, İradənin böyrünü
dümsükləyib:
- İra, camaat yaşayır da... Həyətə bir bax! Nə gözəl güllərdir,
mən beləsini indiyəcən heç yerdə görməmişdim. İki ayrı-ayrı
hovuz: birisi çimmək üçün, o birisi də balıqlar üçün - dedi.
Bu vaxt Vaqif müəllim də gəlib çıxdı. O, qonaqları əvvəlcə
həyət-baca ilə tanış etdi. Sonra onlar villanın ikinci
mərtəbəsinə qalxdılar. Böyük balkonda geniş stol açılmışdı.
- Xanımlar, heç nədən çəkinib eləməyin. Özünüzü evinizdə
hiss edin. Məni bağışlayın, üstümü dəyişib, gəlirəm. - Vaqif
qonaqlar sıxılmasın deyə, onlara bir az sərbəstlik verdi və özü
üçüncü mərtəbəyə qalxdı.
Bir azdan Vaqif aşağı endi və stolun üstünə əvvəlcə
müxtəlif cür kabablar gətirildi. Bunlar hələ başlanğıc idi. Daha
sonra iki nəfər cavan oğlan həyətdəki mətbəxdən nələr daşıyıb
gətirmədilər ki...
- Vaqif müəllim, bəlkə əvvəllcə yazını hazırlayaq, sonra...
- Raziyə Vaqifə gəlişlərinin əsas məqsədini xatırlatmaq istədi.
- Raziyə xanım, yazı qaçmır ki. Onu hər zaman yaza
bilərsiniz. Bir də ki, ac qarına yazı hazırlamaq olmaz. Əvvəllcə
mədəmizi bu gözəl yeməklərlə sevindirək, sonra da yazıya
baxarıq, - deyə Vaqif xanımları ilk oncə yeməyə dəvət etdi.
Raziyə bu cür çeşidli yeməkləri həyatında ilk dəfə görürdü.
Amma özünü o yerə qoymadı, özünü gözütox apardı. Vaqif
xanımlara içki içməyə nə qədər cəhd göstərsə də, alınmadı. O,
isə badəsini növbə ilə xanımların sağlığına qaldırıb boşaldırdı.
Vaqif
sonuncu qədəhini içdikdən sonra üzünü yemək gətirən
oğlana tutub dedi:
- Daha siz buralarda görünməyin. Stolda hər şey var. Nəsə
lazım olsa, çağıraram., - deyə Vaqif jurnalist xanımlarla baş-
Dostları ilə paylaş: |